Utari Octavianty កើតចេញពីគ្រួសារអ្នកនេសាទក្រីក្រ មានដើមកំណើតនៅភូមិ Kampung Bahru ដែលជាភូមិនេសាទដាច់ស្រយាលនៅកោះ Kalimantan ប្រទេសឥណ្ឌូនេស៊ី ដែលមនុស្សជាច្រើនមិនមានលទ្ធភាពទទួលបានការអប់រំ។
នាងបានប្រាប់បណ្តាញសារព័ត៌មាន CNBC ថា “ខ្ញុំត្រូវបានគេធ្វើបាបដោយសារតែខ្ញុំមកពីភូមិនេសាទ ខ្ញុំមិនដូចមនុស្សដែលមានការអប់រំល្អ ហើយមានការលំបាកខាងសេដ្ឋកិច្ច” ។ បពិសោធន៍ នេះបានដុតភ្លើងនៅក្នុងខ្លួននាង ហើយបានជំរុញឱ្យភូមិរបស់នាងនឹងត្រូវបានគេស្គាល់ថាមិនមែនសម្រាប់ភាពក្រីក្រនោះទេ ប៉ុន្តែជាភូមិដែលមានសក្តានុពលបំផុត ។
ភាពក្រីក្រ និងការមើលងាយមិនអាចយកឈ្នះការខំប្រឹងប្រែងបានឡើយ យ៉ាងណាមិញនៅអំឡុងឆ្នាំ ២០១៥ នាងបានចាប់ផ្តើមដំណើរការ ជាមួយនឹងអាហារសមុទ្រ នៅពេលនាងជានិស្សិតបញ្ចប់ថ្នាក់បរិញ្ញាបត្របច្ចេកវិទ្យានៅទីក្រុង Bandung ពេលនោះនាងបានចែករំលែកគំនិតរបស់នាងជាមួយមិត្តរួមថ្នាក់គឺ Farid Naufal Aslam និង Indraka Fadhlillah ពួកគេរួមគ្នាបង្កើតគេហទំព័រមួយដែលមានគោលបំណងបំពេញតម្រូវការអាហារសមុទ្ររបស់អ្នកប្រើប្រាស់ និងភ្ជាប់ពួកវាជាមួយអ្នកនេសាទ។
តួយ៉ាងក្រោយពេលនិយាយគ្នាដឹងអស់ហើយ Octavianty និងមិត្តគេពីរនាក់ទៀត បានចាប់ផ្តើមអាជីវកម្មខាងអាហារសមុទ្រនេះដំបូងដោយ មានតែកុំព្យូទ័រ MacBook ពីរគ្រឿងដែលពួកគេបានឈ្នះក្នុងកម្មវិធី hackathon ដើម្បីបបង្កើតគេហទំព័រ និងប្រើដើមទុនតែ៧០០ដុល្លារតែប៉ុណ្ណោះ ដែលជាលុយបានមកពីការឈ្នះរង្វាន់ដូចគ្នា ។
ប៉ុន្មានឆ្នាំក្រោយមក អ្នកទាំងបីហាក់បីដូចជាធ្វើត្រូវច្រើន ពោលគឺអាចពង្រីកការនេសាទកាន់តែ ច្រើននៅក្នុងប្រទេស ឥណ្ឌូនេស៊ី ពួកគេទទួលបានកាកុម៉្មង់អាហារសមុទ្រចំនួន ១០០០ តោនពីអតិថិជន តាមភោជនីយដ្ឋាន និងក្រុមហ៊ុននាំចូលនៅខាងក្រៅប្រទេសឥណ្ឌូនេស៊ីដែលត្រូវការការផ្គត់ផ្គង់គ្រឿងសមុទ្រជាបន្តបន្ទាប់។
បន្ថែមពីនេះទៅទៀត Octavianty បាននិយាយថាខាងក្រុមហ៊ុនរបស់នាងនាំចេញអាហារសមុទ្រចំនួន ៤៤ លានគីឡូ ក្រាម ទៅកាន់ប្រទេសចំនួន ៧ កាលពីឆ្នាំមុន ដែលភាគច្រើននាំទៅកាន់សហរដ្ឋអាមេរិក និងប្រទេសចិន ហើយនាងបានបន្ថែមទៀតថា៖ “យើងបានជួយអ្នកនេសាទឲ្យបង្កើនប្រាក់ចំណូលរបស់ពួកគេច្រើនជាងពីរទៅបីដងបើធៀបនឹងមុនពេលពួកគេចូលរួមជាមួយក្រុមហ៊ុន Aruna “។
រកស៊ីកាន់តែរីកចម្រើនឡើង រហូតធ្វើឱ្យនាងបានរៃអង្គាសប្រាក់បានចំនួន ៦៥ លានដុល្លារពីអ្នករកស៊ីធំៗដើម្បីអាចអោយក្រុមហ៊ានរីកកាន់តែធំនិងឈរជើងកាន់តែរឹងមាំ ហើយសម្រាប់លុយ៦៥លានដុល្លារនេះ បើគិតទៅវាពិតជាច្រើនមែនទែនសម្រាប់ក្រុមហ៊ុនចាប់ផ្តើមរកស៊ីថ្មីថ្មោងឥណ្ឌូនេស៊ីមួយនេះ ។
គួរបញ្ជាក់ថាOctavianty កំពុងស្វែងធ្វើការពង្រីកចូលទៅក្នុងភូមិនេសាទជាច្រើនទៀត នៅក្នុងប្រទេសឥណ្ឌូនេស៊ី និងការវិនិយោគលើការនេសាទថែម រហូតមកដល់ពេលនេះ Aruna មានអ្នកនេសាទជាង ២៦ ០០០ និងសហគមន៍នេសាទចំនួន ១៥០ នាក់ក្នុងបណ្តាញរបស់នាង ដែលបានផ្តល់ការងារនៅតាមជនបទជាង ៥ពាន់កន្លែងនិងផ្តល់ការងារដល់ស្ត្រីចំនួន ១ពាន់នាក់សម្រាប់ការកែច្នៃអាហារសមុទ្រ។
