រាជធានីភ្នំពេញ ៖ បុគ្គលិកសិក្សា លោក គ្រូអ្នកគ្រូ នៃវិទ្យាល័យទួលប្រាសាទសែនសុខ ប្រមាណ៤០នាក់ បាននាំគ្នា ធ្វើកូដកម្ម ដោយលើកបដា ព្រោងព្រាត និងរូបថតសម្តេចតេជោហ៊ុន សែននិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនស្នើរសុំមានការផ្លាសប្តូរ ជានាយកសាលា ដោយលើកពីមូលហេតុមិនប្រក្រតីមួយចំនួន។
ការតវ៉ានេះបានផ្ទុះឡើង កាលពីព្រឹកថ្ងៃទី២២ ខែតុលា ឆ្នាំ២០២២ ដោយលោកគ្រូអ្នកគ្រូ បាននាំគ្នា ជួបប្រមូលផ្តុំគ្នា នៅមុខ វិទ្យាល័យទួលប្រាសាទ សែន សុខ ដែលស្ថិតនៅ ភូមិ សំរោង សង្កាត់ឃ្មួញខណ្ឌសែនសុខ រាជធានីភ្នំពេញ។
លោកនាយកវិទ្យាល័យ ដែល ត្រូវលោកគ្រូនាំគ្នាសំដែងនូវការមិនពេញចិត្តអោយមានការផ្លាស់ប្តូរនោះឈ្មោះអ៊ុំសុកំ។
តាមលិខិតស្នើសុំផ្លាស់ប្តូរ លោកអ៊ុំ សុកំ ជានាយកវិទ្យាល័យ ទួលប្រាសាទសែនចេញពីអង្គភាពដែល គោរព ជូនលោក ឃួង ស្រេង អភិបាលរាជធានីភ្នំពេញ បានលើកហេតុមូលហេតុ ថា ១-លោកនាយកមិន បង្ហាញតម្លាភាពក្នុងចំណាយថវិកាផ្សេងៗដែលមានដូចជាថវិកាដំណើរការសាងសង់សាលារៀន(SOB) និងថវិកាគម្រោង (SIEP ឬ GIEP) ដែលប្រើប្រាស់សម្រាប់អភិវឌ្ឍន៍ការបង្រៀន និងរៀន។ ២-ថវិកាចំណូលដែលសាលាទទួលបានពីការដេញថ្លៃ ភាស៊ីកង់ និងតូបផ្សារ នៅក្នុងសាលារៀន មិនដែលប្រកាសប្រាប់បុគ្គលិកពីការចំណាយផ្សេងៗឡើយ ។ ៣-ឃុបឃិតលាក់បុគ្គលិកអសកម្ម ដែលមិនបានមកបំពេញការងារដោយប្រើពាក្យថា ខ្លួនជាអ្នកមានឆន្ទានុសិទ្ធិ។
៤-យកកូនប្រុសរបស់ខ្លួនដែលគ្មានវិជ្ជាជីវៈជាគ្រូបង្រៀន មកបង្រៀនជំនួសគ្រូដែលអសកម្ម ជាថ្នូរជាមួយការបើកយកប្រាក់បៀវត្សពីបុគ្គលិកដែលអសកម្មទាំងនោះ ។ ៥-តម្រូវឲ្យលោកគ្រូ អ្នកគ្រូចំណាយប្រាក់លើការបង់ថ្លៃជួលអ្នកយាមសាលាចំនួន១ម៉ឺនរៀលក្នុង១ខែក្នុងគ្រូម្នាក់ចំណាយលើការធ្វើឯកសារផ្សេងៗនិងទិញសម្ភារៈសិក្សាដូចជា ហ្វឺត និងទឹកហ្វឺតដោយសាលាមិនបានផ្គត់ផ្គង់ដល់លោកគ្រូអ្នកគ្រូអោយបានគ្រប់គ្រាន់សម្រាប់រយះពេល១ឆ្នាំៗទេ ។ ៦-ទាមទារប្រាក់ពីអាណាព្យាបាលសិស្សដែលសុំផ្ទេរការសិក្សារបស់សិស្ស និងនាយិការងម្នាក់ទៀតឈ្មោះញា សុឃីមបានទារប្រាក់ពីសិស្សានុសិស្សពេលសុំដកសញ្ញាបត្រប្រឡងនិងតែងតែកាត់ប្រាក់ពីគណៈកម្មការមេប្រយោគពេលចេញបេសកម្មប្រឡងម្តងៗគ្រប់គណះកម្មាការ ។ ៧-ប្រើអំណាចកៀបសង្កត់គំរា.មគំហែងអសីលធម៌ធ្វើអោយប៉ះពាល់ដល់សតិអារម្មណ៍អ្នកគ្រូអ្នកគ្រូដែលកំពង់តែបំពេញការងារបង្រៀននិងរៀនដល់សិស្សានុសិស្ស។
នៅក្នុងលិខិតនោះ ក៍បានអោយដឹងទៀតថា យើងខ្ញុំ ជាលោកគ្រូអ្នកគ្រូនិងបុគ្គលិកសិស្សាវិទ្យាល័យ ទួលប្រាសាទសែនសុខសូមជ្រាបជួន លោកអភិបាលមេត្តាជ្រាបថា យើងខ្ញុំទាំងអស់គ្នា មានការមិនពេញចិត្តជាខ្លាំងចំពោះលោក អ៊ុំសុកំ ដែលជាមនុស្សអសីធម៌ដោយគាត់តែងតែដើរញ៉ុះញ៉ង់លាបពណ៌ឆ្កិះឆ្កៀលបំបែកបំបាកសាមគ្គីភាពផ្ទៃក្នុងនៅក្នុងអង្គភាពឡើយ ។ នៅក្នុងការតវ៉ានោះ លោកគ្រូអ្នកគ្រូនិងបុគ្គលិកសិក្សា នៃវិទ្យាកល័យ ទួលប្រាសាទសែនសុខ ក៍បានសំណូមពរដល់ សម្តេចតេជោហ៊ុន សែន ក៍ដូចជា លោករដ្ឋមន្ត្រីក្រសួង អប់រំនិងលោកអភិបាលរាជធានីភ្នំពេញមេត្តាជួយត្រួតពិនិត្យ និងសម្រេចតាមការស្នើរសុំផង។
ជុំវិញការចោទប្រកាន់នេះកោះសន្តិភាពក៍បានទាក់ទងតាមទូរស័ព្ទ ទៅលោក អ៊ុំ សុកំ ដែលជានាយកវិទ្យាល័យ ទួលប្រាសាទសែនសុខ ដើម្បីបំភ្លឺដែរតែលោក បានឆ្លើយថា ជារវល់ប្រជុំ ។ ទោះបីជាយ៉ាងលោកក៏បានបញ្ជាក់ថា ក្រសួងអប់រំយុវជននិងកីឡា ក៍ដូចមន្ទីរ បានចាត់អោយគណៈកម្មការចុះស្រាវជ្រាវរួចហើយ ៕
