………………… (អន្លង់វែង)៖ ដោយបានការយកចិត្តទុកដាក់ពីលោកមេបញ្ជាការកងការពារព្រំដែនលេខ ៤០៣ នៅថ្ងៃអាទិត្យ ៤កើត ខែ មិគសិរឆ្នាំ ខាល ចត្វាស័ក ព.ស ២៥៦៦ ត្រូវនឹងថ្ងៃទី២៧ ខែ វិច្ឆិកា ឆ្នាំ២០២២ បានចាត់តាំងលោកវរសេនីយ៍ទោ ឃី យូរ៉ា មេបញ្ជាការរង កងការពារព្រំដែនគោកលេខ៤០៣ ដឹកនាំក្រុមការងារចំនួន ២០នាក់ ចុះសួរសុខទុក្ខគ្រួសារយោធិនលំហែរមារុភាពចំនួន ១គ្រួសារ គឺលោកវរសេនីយន៍ត្រី ជួន សុផាត នាយសេនាធិការ កងការពារព្រំដែនគោកលេខ៤០៣ បច្ចុប្បន្ន ស្ថិតនៅភូមិអូរអង្រែ ឃុំត្រពាំងតាវ ស្រុកអន្លង់វែង ខេត្តឧត្តមានជ័យ ។ នៅក្នុងឱកាសនោះ លោកវរសេនីយ៍ទោ ឃី យូរ៉ា និងសហការី បានចូលរួមអបអរសាទរចំពោះលោកវរសេនីយន៍ត្រី ជួន សុផាត ចំណូលសមាជិកថ្មីបន្ថែមក្នុងគ្រួសារ និងជូនពរឲ្យម្តាយ និងកូនមានសុខភាពល្អ និងផ្តល់ជូនជា ថវិកាចំនួន ១,៦៣៦,០០០រៀល ផងដែរ ៕
ភ្នំពេញៈ គណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស (អាយឆា) បានរៀបចំកិច្ចប្រជុំលើកទី៣៥ របស់ខ្លួនតាមប្រព័ន្ធវីដេអូ ពីថ្ងៃទី២១-២២ ខែមិថុនា ឆ្នាំ២០២២។ កិច្ចប្រជុំនេះ ដឹកនាំដោយ ឯកឧត្តម កែវ រ៉េមី តំណាងកម្ពុជាប្រចាំអាយឆា និងជាប្រធានអាយឆាឆ្នាំ២០២២ និងមានការចូលរួម ពីតំណាង/តំណាងរងអាយឆានៃប្រទេសសមាជិកអាស៊ានទាំងអស់ ព្រមទាំងលេខាធិការដ្ឋានអាស៊ាន។ នៅក្នុងកិច្ចប្រជុំនេះ តំណាងអាយឆាប្រទេសឥណ្ឌូនេស៊ី និងប្រទេសហ្វីលីពីន បានធ្វើបច្ចុប្បន្ន ភាពទៅលើការវិវឌ្ឍថ្មីៗ និងផ្តល់គំនិតផ្តួចផ្តើមផ្សេងៗ ពាក់ព័ន្ធនឹងស្ថានភាពសិទ្ធិមនុស្សក្នុងប្រទេស សមាជិកអាស៊ានមួយចំនួន។
ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានដាស់តឿនក្រឿនរំលឹកទៅដល់គណបក្សប្រឆាំង ត្រូវបញ្ចប់វប្បធម៌ជេរប្រមាថ វាយប្រហារ លាបពណ៌មកលើគណបក្សប្រជាជនកម្ពុជា បើមិនចង់មានបញ្ហាផ្លូវច្បាប់។ ការដាស់តឿននេះ បានធ្វើឡើងក្នុងពិធីបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វង់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣។ ជាសារក្រឿនរំលឹកជាថ្មីទៀត សម្តេចតេជោ ហ៊ុន សែន នាយករដ្ឋមន្ត្រី បានដាស់តឿនទៅដល់គណបក្សប្រឆាំងឲ្យបញ្ឈប់វប្បធម៌ជេរប្រមាថ វាយប្រហារ លាបពណ៌មកលើគណបក្សប្រជាជនកម្ពុជា ដែលទទួលបានសម្លេងគាំទ្រពីប្រជាពលរដ្ឋដ៏លើសលប់ និងបានដឹកនាំប្រទេសអស់រយៈកាលជាង ៤៤ឆ្នាំកន្លងមកនេះ។ ការផ្ញើសារនេះ បន្ទាប់ពីក្នុងវេទិការបស់គណបក្សប្រឆាំងកន្លងមក និងពេលថ្មីៗនេះ តែងបានបើកការវាយប្រហារធ្ងន់ៗមកលើគណបក្សប្រជាជនកម្ពុជា ដែលសម្តេចតេជោ ក្នុងនាមប្រធានគណបក្សមិនអាចនៅស្ងៀមបាន។ សម្តេចបានចោទសួរទៅក្រុមប្រឆាំងថា បើគ្រាន់តែដើម្បីស្វែងរកការគាំទ្រពីប្រជាជន តើចាំបាច់អីត្រូវបើកការវាយប្រហារមកលើគណបក្សប្រជាជនកម្ពុជា ឬក៏អ្នកទាំងអស់នោះចង់យកគណបក្សប្រជាជនកម្ពុជា ជារបស់ប្រជាជនធ្វើជាសត្រូវឬយ៉ាងណា? ទន្ទឹមគ្នានេះ សម្តេចតេជោបានណែនាំទៅក្រុមប្រឆាំងថា បើចង់ឈ្នះឆ្នោតគ្រាន់តែឃោសនាអំពីនយោបាយខ្លួនទៅបានហើយ។ ជាមួយគ្នានេះ សម្ដេចតេជោ ហ៊ុន សែន ក៏បានព្រមានទៅក្រុមប្រឆាំងថា ត្រូវតែបញ្ចប់វប្បធម៌ឡាំប៉ា ចោទប្រកាន់មកលើគណបក្សប្រជាជនកម្ពុជា ក្រោយពេលដែលខ្លួនចាញ់ឆ្នោតម្តងៗ។ សម្ដេចតេជោបញ្ជាក់ថា បើសិននៅតែចោទប្រកាន់វាយប្រហារគណបក្សប្រជាជនកម្ពុជានៅក្នុងការឃោសនារបស់ខ្លួននោះ […]
