រាជធានីភ្នំពេញ ៖ រាជរដ្ឋាភិបាលកម្ពុជា សម្រេ បង្កើតឃុំ-សង្កាត់ ថ្មី ចំនួន០៣បន្ថែមទៀត ក្នុងក្រុងប៉ោយប៉ែត នៃខេត្តបន្ទាយមានជ័យ និងខេត្តកំពង់ស្ពឺ តាមការស្នើសុំរបស់ក្រសួងមហាផ្ទៃ ។ នេះបើយោងតាមអនុក្រឹត្យចំនួន ៣ ដាច់ដោយឡែកពីគ្នា ចេញថ្ងៃទី២០ ខែសីហា ឆ្នាំ ២០២១ និងចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា ។ ក្នុងអនុក្រឹត្យចំនួន ២ រាជរដ្ឋាភិបាលសម្រេចបង្កើត ២ សង្កាត់ក្នុងក្រុងប៉ោយប៉ែត នៃខេត្តបន្ទាយមានជ័យ រួមមាន ៖ ១ -សង្កាត់អូរជ្រៅ កាត់ភូមិចំនួន៧ភូមិពីសង្កាត់ប៉ោយប៉ែត រួមមាន ភូមិអូរជ្រៅ ភូមិក្បាលកោះ ភូមិក្បាលស្ពាន១ ភូមិក្បាលស្ពាន២ ភូមិសាមគ្គីមានជ័យ ភូមិព្រៃព្រិច និងភូមិប៉ោយប៉ែត ព្រមទាំងកំណត់ទីតាំងសាលាសង្កាត់អូរជ្រៅត្រូវស្ថិតក្នុងភូមិព្រៃព្រិច។ និងអនុក្រឹត្យទី ២ -សង្កាត់អូរឬស្សី កាត់ភូមិចំនួន៥ពីសង្កាត់ផ្សារកណ្តាល រួមមាន ភូមិអូរឬស្សី ភូមិប្រជាធម្មកើត ភូមិទួលពង្រ ភូមិអូរនាង និងភូមិព្រៃគប់ ព្រមទាំងកំណត់ទីតាំងសាលាសង្កាត់អូរឬស្សីត្រូវស្ថិតក្នុងភូមិទួលពង្រ។ […]
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍ឆ្លើយតបទៅនឹងការរិះគន់ចំពោះការតម្លើងឋានន្តរសក្តិផ្កាយ៤ឱ្យឯកឧត្តម ហ៊ុន ម៉ាណែតថា តាមឋានានុក្រមកងទ័ព អគ្គមេបញ្ជាការរងកងយោពលខេមរភូមិន្ទ និងជាមេបញ្ជាការកងទ័ពជើងគោក ត្រូវពាក់ផ្កាយ៤ ហើយឯកឧត្តម ហ៊ុន ម៉ាណែត ត្រូវឡើងយូរហើយ ប៉ុន្តែសាមីខ្លួនមិនយល់ព្រម។ សម្តេចតេជោ ថែមទាំងហៅក្រុមអ្នកវិភាគដែលជាបណ្ឌិត ដែលបានធ្វើអត្ថាធិប្បាយរិះគន់ចំពោះការតម្លើងឋានន្តរសក្តិឯកឧត្តម ហ៊ុន ម៉ាណែត ឡើងមកផ្កាយ៤ថា ជាក្រុមអ្នកវិភាគដែលខ្វះការយល់ដឹង ដោយសម្តេចជៀសវាងហៅថា ជាអ្នកវិភាគល្ងង់ទូ។ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រជូនដល់និស្សិតនៃវិទ្យាស្ថានវ៉ាន់ដាចំនួន ៤.៧០៥ នាក់ ក្នុងនោះមានកម្រិតបរិញ្ញាបត្ររង និង កម្រិតបរិញ្ញាបត្រ នៅមជ្ឈមណ្ឌលសន្និបាត និង ពិព័រណ៍កោះពេជ្រ នៅព្រឹកថ្ងៃទី២២ ខែមីនា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍ថា ក្រុមអ្នកវិភាគដែលជាបណ្ឌិតទាំងនោះ គឺជាបណ្ឌិតដែលខ្វះការយល់ដឹងដែលចាំរកចំណុចវាយប្រហារមកលើសម្តេចតែប៉ុណ្ណោះ។
តាមរយៈសារសំឡេងនៅថ្ងៃទី០៦ ខែមេសា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្រ្ដី បញ្ជាឲ្យធ្វើការសិក្សាក្នុងដាក់អ្នកជំងឺកូវីដ១៩ កម្រិតស្រាល ព្យាបាលនៅតាមផ្ទះរៀងៗខ្លួន។ បទបញ្ជានេះធ្វើឡើងដើម្បីបង្ការទុកមុន កុំឲ្យអ្នកជំងឺនៅឡូកឡំគ្នា ទាំងអ្នកដែលឈឺកម្រិតស្រាល និងឈឺកម្រិតធ្ងន់ ហើយមួយវិញទៀតការធ្វើនេះក៏ដោយសារតែបើអ្នកជំងឺកាន់តែច្រើនមន្ទីរពេទ្យមិនអាចទទួលអ្នកជំងឺអស់នោះទេ។ លោក ជា ច័ន្ទបរិបូរណ៍ អ្នកតាមដានស្ថានការណ៍សង្គមកម្ពុជា មើលឃើញថា ការបញ្ជាអោយមានការសិក្សាលើលទ្ធភាពព្យាបាលជម្ងឺកូវីដ១៩នៅតាមផ្ទះនៅពេលនេះ ដោយសារសម្តេចតេជោ បានក្ដាប់ព័ត៌មានគ្រប់ជ្រុងជ្រោយ ហើយវាយតម្លៃសភាពការណ៍ដោយត្រឹមត្រូវ។ លោកមើលឃើញថានេះជាសារមួយដាស់តឿន ពលរដ្ឋអោយបង្កើនការប្រុងប្រយ័ត្នកុំអោយជិះសេះលែងដៃ និងជាការរំលឹកដល់អាជ្ញាធរពាក់ព័ន្ធទាំងអស់ រួមទាំងពលរដ្ឋអោយមានការគិតគូ អំពីសុវត្ថិភាពលើបញ្ហាជម្ងឺឆ្លង ក្នុងឱកាសបុណ្យចូលឆ្នាំខ្មែរដែលនឹងចូលមកដល់ឆាប់ៗនេះ៕
