សម្តេចតេជោ ហ៊ុន សែន នាយករដ្ឋមន្ត្រី នាល្ងាចថ្ងៃទី៥ ខែឧសភា ឆ្នាំ២០២៣នេះ បានឲ្យដឹងតាមបណ្តាញតេឡេក្រាមយ៉ាងដូច្នេះថា៖ លោក ឌី គន្ធា បានចេញវីដេអូនិងលិខិតសូមទោសជាមួយសំណើរសុំចូលរួមជីវភាពនយោបាយជាមួយគណបក្សប្រជាជនកម្ពុជា។ ក្នុងនាមគណបក្សប្រជាជនកម្ពុជាខ្ញុំសូមស្វាគមន៍លោក ឌី គន្ធាជាសមាជិកមួយរូបរបស់គណប្រជាជនកម្ពុជា។ ដោយលោក ឌី គន្ធា កំពុងរស់នៅខេត្តសៀមរាប ខ្ញុំសូមប្រគល់ជូនគណកម្មាធិបក្សខេត្តសៀមរាបរៀបចំបែបបទបញ្ចូល តាមនិតិវិធីរបស់គណបក្សដែលមានស្រាប់៕
នាព្រឹកថ្ងៃអង្គារ ៤រោច ខែបុស្ស ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១០ ខែមករា ឆ្នាំ២០២៣នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីក្នុងពិធីបើកវេទិកាស្ដីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល (លើកទី៥) ប្រារព្ធនៅសណ្ឋាគារសុខា រាជធានីភ្នំពេញ អញ្ជើញមានប្រសាសន៍បើកវេទិកានាឱកាសនោះ សម្ដេចក្រឡាហោម ស ខេង ឧបនាយករដ្ឋមន្រ្តី ក្នុងនាមរាជរដ្ឋាភិបាលកម្ពុជា និងក្រសួងមផ្ទៃ បានរម្លឹកថា វេទិកាស្ដីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៤ ត្រូវបានរៀបចំឡើងនៅទីស្ដីការក្រសួងមហាផ្ទៃ កាលពីថ្ងៃទី៣ ខែកម្ភៈ ឆ្នាំ២០២០ និងថាដោយសារជំងឺកូវីដ-១៩ វេទិកានេះទាំងថ្នាក់ជាតិ និងថ្នាក់ក្រោមជាតិ បានអាក់ខានប្រមាណជិត៣ឆ្នាំមកហើយ។ សម្ដេច បន្ថែមថាទោះបីជាប្រឈមមុខនឹងការឆ្លងរីករាលដាលជំងឺកូវីដ-១៩ ក៏ដោយ ក៏អង្គការសង្គមស៊ីវិល នៅតែអាចបន្តធ្វើសកម្មភាពរបស់ខ្លួនបានដោយគោរព និងអនុវត្តតាមវិធានការសុខាភិបាល ក្នុងការប្រយុទ្ធប្រឆាំងនឹងជំងឺកូវីដ-១៩។ សម្ដេច បានបន្តថាដោយសារជោគជ័យរបស់រាជរដ្ឋាភិបាលក្នុងការប្រយុទ្ធប្រឆាំងនឹងជំងឺឆ្លងនេះ ទើបក្រសួងមហាផ្ទៃអាចរៀបចំវេទិកាភាពជាដៃគូរវាងរាជរដ្ឋាភិបាល និងអង្គការសង្គមស៊ីវិលបន្តទៀតនាឱកាសនេះ។ សម្ដេច បានគូសបញ្ជាក់ទៀតថាសមិទ្ធផលនៃការរីកចម្រើន និងការអភិវឌ្ឍប្រទេសជាតិដែលរាជរដ្ឋាភិបាលសម្រេចបានកន្លងមកនិងបច្ចុប្បន្ន រួមទាំងភាពជោគជ័យនៃយុទ្ធនាការប្រយុទ្ធប្រឆាំងជំងឺកូវីដ-១៩ផងនោះ ត្រូវបានរាជរដ្ឋាភិបាលកម្ពុជាចាត់ទុកថាពិតជាមានការចូលរួមចំណែកពីភាគីពាក់ព័ន្ធ ក្នុងនោះមានដៃគូអភិវឌ្ឍន៍ […]
( រាជធានីភ្នំពេញ)៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ពេជ ច័ន្ទមុន្នី បានឧត្ថម្ភជូនរថយន្តសង្គ្រោះបន្ទាន់ម៉ាក( HYUNDAI STAREX ) មានបំពាក់សម្ភារៈបរិក្ខាពេទ្យរួចជាស្រេចចំនួន ០១គ្រឿង ជូនការិយាល័យសុខាភិបាលកងទ័ពជើងគោក សម្រាប់ប្រើប្រាស់ប្រចាំថ្ងៃ ។ ពិធីប្រគល់ និងទទួលបានធ្វើនៅបញ្ជាការដ្ឋានកងទ័ពជើងគោក នាថ្ងៃទី៩ ខែកញ្ញា ឆ្នាំ២០២២ ។ នៅក្នុងពិធីទទួលរថយន្ត ឱកាសនោះ ឧត្តមសេនីយ៍ទោ កៅ សុវណ្ណ នាយសេនាធិការរង នាយការិយាល័យសុខាភិបាល កងទ័ពជើងគោក និង នាយទាហាន នាយទាហានរង និងពលទាហាន ចំណុះការិយាល័យសុខាភិបាល កងទ័ពជើងគោក បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម ឧត្តមសេនីយ៍ឯក ហ៊ុន ម៉ាណែត និងលោកជំទាវ ពេជ ច័ន្ទមុន្នី តែងតែយកចិត្តទុកដាក់ គិតគូរពីសុខទុក្ខ ការលំបាកដល់កងទ័ព និង គ្រួសារកងទ័ព ក៏ដូចជាអតីតយុទ្ធជន […]
