ព័ត៌មានជាតិ

អាជ្ញាធរ​ខណ្ឌទួលគោក ស្នើយ៉ាងទទូចដល់ ​ពល​រដ្ឋ​បែង​ចែក​សំរាម​ឲ្យ​បាន​ត្រឹមត្រូវ​និង​ ឈប់បោះចោលសំរាមទៅក្នុងលូ!

Posted on Author nmr Comments Off on អាជ្ញាធរ​ខណ្ឌទួលគោក ស្នើយ៉ាងទទូចដល់ ​ពល​រដ្ឋ​បែង​ចែក​សំរាម​ឲ្យ​បាន​ត្រឹមត្រូវ​និង​ ឈប់បោះចោលសំរាមទៅក្នុងលូ!

(ភ្នំពេញ)៖ ការសំណូមពរនេះ គឺស្របពេលដែលលោកអភិបាលខណ្ឌបញ្ជាកម្លាំងសណ្ដាប់ធ្នាប់នៃការិយាល័យសាធារណការ ដឹកជញ្ជូនអនាម័យបរិស្ថាន និងសណ្ដាប់ធ្នាប់ខណ្ឌទួលគោក ចុះកាយកាកសំណល់សំរាមផ្សេងៗនៅតាមបណ្ដាមាត់លូនានា (ឌីហ្គែ) ពិសេសនៅកំណាត់ផ្លូវលេខ២៤៥ និងផ្លូវលេខ២៣០ (ស្តុបកោសដូង) ជាប់ព្រំប្រទល់សង្កាត់បឹងសាឡាង សង្កាត់ទឹកល្អក់ទី៣ និងសង្កាត់ផ្សារដើមគ (៣សង្កាត់) នាថ្ងៃទី១៥ ខែវិច្ឆិកា ឆ្នាំ២០២១។

លោក ជា ពិសី អភិបាលខណ្ឌទួលគោក បានស្នើយ៉ាងទទូចដល់ប្រជាពលរដ្ឋបញ្ឈប់ការបោះចោល រាល់កាកសំណល់ផ្សេងៗ នៅតាមក្បែរលូរំដោះទឹក និងទុកដាក់សំរាមឱ្យបានត្រឹមត្រូវ ពីព្រោះសំរាមធ្វើឱ្យស្ទុះលូទឹកហូរមិនទាន់ បណ្ដាលឱ្យលិចលង់តាមផ្លូវ ពិបាកក្នុងការធ្វើដំណើរជាដើម។

ការសំណូមពរនេះ ក៏ដើម្បីចូលរួមរក្សាបាននូវអនាម័យ បរិស្ថានល្អ លើកកម្ពស់សោភ័ណ្ឌភាពទីក្រុង និងការរស់នៅប្រកបដោយផាសុកភាព។

លោកបានបន្តថា រាជរដ្ឋាភិបាលបានចេញអនុក្រឹត្យទប់ស្កាត់ការចោលសំរាម ឬដុតសំរាមតាមទីសាធាណៈ ដែលនឹងត្រូវពិន័យជាអន្តរការ ដើម្បីគ្រប់គ្រងសំណល់រឹង-សំណល់រាវ ពីគុណភាពបរិស្ថានជាអាទិភាព ចំពោះការបំពុលបរិស្ថាន ដែលធ្វើឱ្យជួបប្រទះនូវបញ្ហាជាច្រើនដល់សុខភាព សេដ្ឋកិច្ច និងការប្រែប្រួលអាកាសធាតុជាដើម៕

nmr

Related Articles
ជីវិតនិងសង្គម ព័ត៌មានជាតិ ព័ត៌មានថ្មីៗ

រថយន្តមួយគ្រឿង បេីកដោយបុរសម្នាក់ រេចង្កូតទៅប៉ះនឹងរុឺម៉ក រួចបួងចង្កូតជ្រុលទៅបុកម៉ូតូពីក្រោយ ព្រមទាំងកិនពីលើ អូសចូលក្រោមរថយន្ត បណ្តាលឱ្យស្រ្តីម្នាក់បានស្លាប់ភ្លាមៗ

Posted on Author nmr

ភ្នំពេញ ៖ នៅ ថ្ងៃទី១៣ ខែកក្កដា ឆ្នាំ២០២៣ ស្ថិតនៅតាមបណ្តោយផ្លូវព្រះមុនីវង្ស ចំណុចការដ្ឋានសាងសង់ស្ពានអាកាសក្បាលថ្នល់ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ សពជនរងគ្រោះមានឈ្មោះ ចាប ម៉ាច អាយុ៤៩ឆ្នាំ ជាបុគ្គលិកចាក់សាំងនៅក្រុមហ៊ុនតូតាល់ បច្ចុប្បន្នស្នាក់នៅបន្ទប់ជួលក្នុងសង្កាត់ច្បារអំពៅទី២ ខណ្ឌច្បារអំពៅ មានស្រុកកំណើតនៅស្រុកកៀនស្វាយ ខេត្តកណ្តាល។ នៅមុនពេលកើតហេតុគេឃេីញស្រ្តីរងគ្រោះជិះម៉ូតូម៉ាកស៊ុយហ្ស៊ុយគីស្មាស់ ពណ៌ខ្មៅមួយគ្រឿងមិនចាំស្លាកលេខ ធ្វេីដំណេីរម្នាក់ឯងតាមបណ្តោយផ្លូវព្រះមុនីវង្សក្នុងទិសដៅពីត្បូងទៅជើងដោយល្បឿនមធ្យម។ លុះបើកមកដល់ចំណុចកើតហេតុស្រាប់តែមានបុរសម្នាក់បើករថយន្តម៉ាកហុីយ៉ាន់ដាយ ពណ៌ខៀវ ដឹកទឹកបរិសុទ្ធរបស់ក្រុមហ៊ុនហាយធិចពាក់ផ្លាកលេខភ្នំពេញប3F-3492បើកស្របទិសគ្នាមកពីក្រោយក្នុងល្បឿនលឿន ដោយមិនប្រយ័ត្នក៏បានជ្រុលចង្កូតទៅប៉ះរុឺម៉កដែលទុកចោលក្បែរកន្លែងកើតហេតុ ហើយបួងចង្កូតគេចមកខាងឆ្វេងដៃជ្រុលទៅបុកពីក្រោយម៉ូតូស្រ្តីរងគ្រោះយ៉ាងពេញទំហឹងរួចកិនអូសទៅមុខជាច្រើនម៉ែត្របណ្តាលឱ្យស្រ្តីរងគ្រោះស្លាប់នៅក្រោមរថយន្តគួរឱ្យរន្ធត់បំផុត ។ ភ្លាមៗនោះអ្នកបើករថយន្តបង្កបានបើកទ្វារគេចខ្លួនចេញពីកន្លែងកើតហេតុបាត់ស្រមោលតែម្ដង ។ សមត្ថកិច្ចមូលដ្ឋានប៉ុស្តិ៍នគរបាលរដ្ឋបាលសង្កាត់ទន្លេបាសាក់ បានចុះមកដល់និងបានទំនាក់ទំនងទៅផ្នែកជំនាញចរាចរណ៍ឱ្យចុះមកធ្វេីការវាស់វែងយករថយន្តបង្កនិងម៉ូតូទៅរក្សាទុកនៅការិយាល័យចរាចរណ៍ជំនាញផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំឱ្យតំណាងភាគីទាំងសងខាងចូលខ្លួនមកដោះស្រាយនៅពេលក្រោយ ។ សពស្ត្រីរងគ្រោះ ត្រូវបានសមត្ថកិច្ចធ្វើកំណត់ហេតុប្រគល់ឱ្យទៅក្រុមគ្រួសារយកទៅធ្វើបុណ្យតាមប្រពៃណី៕        
ជីវិតនិងសង្គម ព័ត៌មានជាតិ ព័ត៌មានថ្មីៗ

ទីតាំង​ភោជនីយដ្ឋានចំនួន៣បញ្ឈប់រាល់សកម្មភាពផឹកសុីឡូឡាបង្កសំឡេងរំខានដល់អ្នកជិតខាងមិនអាចសម្រាកបាន

Posted on Author nmr

ភ្នំពេញ​៖​ លោក​ សុខ​ សម្បត្តិ​ អភិបាល​នៃ​គណៈអភិបាលខណ្ឌបឹងកេងកង​ កាលពីយប់ថ្ងៃសៅរ៍ ៨កើត ខែភទ្របទ ឆ្នាំខាល ត្រីស័ក ព.ស ២៥៦៦ត្រូវនឹងថ្ងៃទី០៣ ខែ កញ្ញា ឆ្នាំ២០២២ បានដឹកនាំកម្លាំងគណៈបញ្ជាការឯកភាពខណ្ឌបឹងកេងកងចុះធ្វើការណែនាំទីតាំងចំនួន០៣ដែលបានបង្កសំឡេងរំខានដល់ប្រជាពលរដ្ឋនៅពេលយប់។ ជាក់ស្ដែង​ក្នុងប្រតិបត្តិការនោះ​ គណៈបញ្ជាការឯកភាពខណ្ឌបឹងកេងកង​បានចុះធ្វើការណែនាំទីតាំងចំនួន០៣​ មានដូចខាងក្រោម​៖ ១-ភោជនីយដ្ឋានយីហោ«កាត់ចិត្ត»នៅចំណុចផ្លូវលេខ២៧៨ ភូមិ៧ សង្កាត់ បឹងកេងកងទី១ ខណ្ឌបឹងកេងកង រាជធានីភ្នំពេញ។ ២-ភោជនីយដ្ឋានយីហោ«BBQ BAR» នៅចំណុចផ្លូវលេខ៣២២ ភូមិ៤ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។ ៣-ទីតាំងឃ្លាំងបន្លែនៅផ្លូវលេខ៤០២ ជិត ICU Clinic។ សូមជម្រាបថា​ ក្រោយប្រជាពលរដ្ឋរាយការណ៍ប្រាប់ថា មានអ្នកផឹកស៊ីបង្កការរំខាន​និងបង្កសំឡេងរំខានដល់អ្នកជិតខាងមក លោកអភិបាលខណ្ឌ​ បានដឹកនាំកម្លាំងចុះផ្ទាល់ ដើម្បីចុះទៅធ្វេីការណែនាំ អប់រំ និងបញ្ឈប់រាល់សកម្មភាពផឹកសុីឡូឡាបង្កសំឡេងរំខានដល់អ្នកជិតខាងមិនអាចសម្រាកបាន ។ ជាចុងក្រោយលោកអភិបាលខណ្ឌក៏បានសំណូមពរដល់ប្រជាពលរដ្ឋមេត្តាកាត់បន្ថយ ឬចៀសវាងការជួបជុំមនុស្សច្រេីន ដេីម្បីបង្ការនិងទប់ស្កាត់ការឆ្លងវីរុសកូវីដ-១៩ ជាពិសេសចូលរួមគោរពសិទ្ធិអ្នកជិតខាង កុំបង្កសំឡេងរំខានដល់អ្នកដទៃ ជាពិសេសពេលយប់ម្នាក់ៗត្រូវការសម្រាក ៕    
ជីវិតនិងសង្គម ព័ត៌មានជាតិ ព័ត៌មានថ្មីៗ

ឯកឧត្តមបណ្ឌិត សួន សុខឌឿន អគ្គនាយក NMR TV  និងថ្នាក់ដឹកនាំ រួមជាមួយសមាជិកទូទាំងប្រទេស សូមគោរពអបអរសាទរនិងគាំទ្រ

Posted on Author nmr

សម្តេចមហាបវរធិបតី ហ៊ុន ម៉ាណែត ត្រូវបានអង្គសន្និបាតគណៈកម្មាធិការកណ្តាលលើកទី៤៤ បោះឆ្នោតជ្រើសតាំងជាអនុប្រធានគណបក្សប្រជាជនកម្ពុជា។   (ភ្នំពេញ)៖ ឯកឧត្តមបណ្ឌិត សួន សុខឌឿន អគ្គនាយក NMR TV និងថ្នាក់ដឹកនាំ រួមជាមួយសមាជិកទូទាំងប្រទេស បានផ្ញើសារជូនពរ និងអបអរសាទរចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលសម្តេចធិបតី ត្រូវបានអង្គសន្និបាតគណៈកម្មាធិការកណ្តាល លើកទី៤៤ អាណត្តិទី៥ នាថ្ងៃទី១០ ខែធ្នូ ឆ្នាំ២០២៣ បោះឆ្នោតសម្រេចជ្រើសតាំងជាអនុប្រធានគណបក្សប្រជាជនកម្ពុជា។   សម្តេចមហាបវរធិបតីជាឥស្សរជនជាតិដ៏ឆ្នើមរបស់ជាតិប្រកបដោយវីរភាពដ៏ត្រចះត្រចង់ ដែលជានិច្ចកាលតែងយកអស់កម្លាំងកាយចិត្ត បញ្ញាស្មារតីក្នុងការចូលរួមបម្រើផលប្រយោជន៍ជាតិ និងប្រជាជន ព្រមទាំងបាននិងកំពុងបំពេញបេសកកម្មយ៉ាងសកម្មក្នុងការកសាងសមិទ្ធផលសង្គមយ៉ាងច្រើន រួមចំណែកធ្វើឲ្យប្រទេសជាតិមានសុខសន្តិភាព វឌ្ឍនភាព ប្រជាធិបតេយ្យពេញលេញ និងរីកចម្រើនលើគ្រប់វិស័យ ក្នុងដំណើរឆ្ពោះទៅកាន់នីតិរដ្ឋរឹងមាំ ដើម្បីឧត្តមប្រយោជន៍ជាតិ សាសនា ព្រះមហាក្សត្រ។   នាឱកាសដ៏មង្គលសួស្ដីថ្លៃថ្លារីករាយនេះ យើងខ្ញុំសូមបួងសួងដល់តេជបារមីនៃវត្ថុស័ក្តិសិទ្ធិទាំងអស់ក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមអភិបាលប្រោះព្រំប្រសិទ្ធពរជ័យជូនសម្តេចមហាបវរធិបតី ព្រមទាំងក្រុមគ្រួសារ បុត្រាបុត្រីជាទីស្រឡាញ់ សូមបន្តជោគជ័យគ្រប់ភារកិច្ច និងសូមប្រកបដោយព្រះពុទ្ធពរទាំង៤ប្រការ គឺ អាយុ វណ្ណៈ សុខៈ […]