សម្តេច ទៀ បាញ់ ជំរុញឲ្យគណ:កម្មាធិការជាតិសន្តិសុខលម្ហសមុទ្រទប់ស្កាត់បទល្មើសលើផ្ទៃសមុទ្រ

ឯកឧត្តម ខៀវ កាញារីទ្ធ អញ្ជើញចុះសាកសួរ នាយទាហាន បញ្ជាការដ្ឋានអង្គរក្ស ដែលកំពុងឈរជើង សម្អាតដី ដើម្បីរៀបចំដាំកូនឈើនៅតំបន់ភ្នំតាម៉ៅ

(តាកែវ)៖ នៅព្រឹកថ្ងៃទី២២ ខែសីហា ឆ្នាំ ២០២២ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានដឹកនាំមន្រ្តីថ្នាក់រដ្ឋលេខាធិការ អនុរដ្ឋលេខាធិការ អគ្គនាយក និងមន្ដ្រីរាជការក្រសួងព័ត៌មាន អញ្ជើញចុះសាកសួរ នាយ នាយពលទាហាន បញ្ជាការដ្ឋានអង្គរក្ស ដែលកំពុងឈរជើង សម្អាតដី ដើម្បីដាំកូនឈើនៅតំបន់ភ្នំតាម៉ៅ ក្នុងស្រុកបាទីខេត្តតាកែវ តាមអនុសាសន៍ណែនាំពីសម្ដេចតេជោ ហ៊ុន សែន ដែលកំពុងដឹកនាំបញ្ជាផ្ទាល់ពីសំណាក់នាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ បញ្ជាការដ្ឋានអង្គរក្ស។

ក្រុមពន្លត់អគ្គិភ័យ៧១១ របស់កងពលតូចលេខ៧០ បានចេញអន្តរាគមន៍ករណីឆ្លងចរន្តអគ្គិសនី (ឆេះកាប៊ីនភ្លេីង)

ក្រុមពន្លត់អគ្គិភ័យ៧១១ របស់កងពលតូចលេខ៧០ បានចេញអន្តរាគមន៍ករណីឆ្លងចរន្តអគ្គិសនី (ឆេះកាប៊ីនភ្លេីង)នៅវេលាម៉ោង០៣:០៥នាទីយប់ថ្ងៃទី២៥ ខែ ឧសភា ឆ្នាំ២០២១នេះ។ ករណីឆ្លងចរន្តអគ្គិសនីនេះ កេីតឡេីងនៅភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ ក្រុមពន្លត់អគ្គិភ័យ៧១១ បានប្រេីប្រាស់កំលាំងចំនួន ១០នាក់ រថយន្តផ្ទុកទឹកចំនួន ២គ្រឿង (ប្រេីប្រាស់ទឹកអស់ ៨.០០០លីត្រ)។ សូមបញ្ជាក់ថា ការអន្តរាគមន៍ពន្លត់អគ្គិភ័យនេះ បានពន្លត់រលត់ទាំងស្រុងភ្លាមៗផងដែរ និងមិនមាននណាម្នាក់រងរបួសឡេីយ។

គួរឲ្យសង្វេគណាស់ក្មេងប្រុសវ័យ៨ឆ្នាំម្នាក់កំពុងអង្គុយបីប្អូនស្រីរបស់ខ្លួនដែលមានអាយុត្រឹមតែ២ខួបនៅក្នុងម៉ូតូកង់បីទាំងកណ្តាលរាត្រី ចាំម្តាយត្រឡប់មកវិញរហូតដល់ម៉ោង ១២យប់រំលងអធ្រាត្រទៅហើយ

រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ក្មេងប្រុសវ័យ៨ឆ្នាំម្នាក់កំពុងអង្គុយបីប្អូនស្រីរបស់ខ្លួនដែលមានអាយុត្រឹមតែ២ខួបនៅក្នុងម៉ូតូកង់បីទាំងកណ្តាលរាត្រី ខណៈម្តាយប្រាប់ថា ទៅបន្ទប់ទឹកតាំងពីម៉ោង៣រសៀល រហូតដល់ម៉ោង១២យប់រំលងអធ្រាត្រហើយ នៅតែមិនទាន់ឃើញម្តាយត្រឡប់មកវិញនោះទេ។ សេចក្តីរាយការណ៍បានឱ្យដឹងថា ហេតុការណ៍ខាងលើនេះ បានកើតឡើងនៅវេលាម៉ោង១២រំលងអធ្រាត្រឈានចូលថ្ងៃទី៦ ខែកុម្ភៈ ឆ្នាំ២០២២ នៅតាមបណ្តោយផ្លូវ៣១០ កែងផ្លូវ១៩៣ ស្ថិតក្នុងសង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ។ យោងតាមប្រភពព័ត៌មានពីបុរសចំណាស់ដែលជាម្ចាស់កង់បី បានប្រាប់ឲ្យដឹងថា នៅមុនពេលកើតហេតុ ខ្លួនបានដឹកស្ត្រីម្នាក់ និងកូនប្រុសស្រីចំនួន២នាក់ រួមទាំងសម្ភារៈសម្លៀកបំពាក់ឆ្ពោះទៅកាន់បេនរថយន្តក្រុង ដោយគោលបំណងរបស់ស្ត្រីខាងលើ គឺចង់ធ្វើដំណើរទៅកាន់ខេត្តមណ្ឌលគិរី។ លុះពេលធ្វើដំណើរបានពាក់កណ្តាលផ្លូវ ស្រាប់តែស្ត្រីជាម្តាយបានប្រាប់បុរសចំណាស់ដែលជាម្ចាស់កង់បីថា ខ្លួនគ្មានប្រាក់ទេ នៅក្នុងខ្លួនសល់ត្រឹមមួយម៉ឺនរៀលតែប៉ុណ្ណោះ។ ប្រភពដដែលបន្តថា ក្រោយមកបុរសកង់បីក៏បានឈប់ រួចអោយស្ត្រីខាងលើរង់ចាំជាមួយកូននៅក្នុងកង់បីរបស់ខ្លួន ដោយប្រាប់ថា គាត់នឹងជួយអោយដល់ទីបញ្ចប់ ដោយទៅរកថវិកាដើម្បីទិញសំបុត្ររថយន្តក្រុងអោយ។ និយាយរួច បុរសចំណាស់រូបនោះ ក៏បានទុកយាន្តជំនិះរបស់ខ្លួន ដែលមានម្តាយនិងកូនតូចៗឲ្យរង់ចាំ រួចធ្វើដំណើរទៅរកប្រាក់ ប៉ុន្តែពេលត្រឡប់មកវិញ ស្រាប់តែបាត់ស្ត្រីជាម្តាយ នៅសល់តែក្មេងប្រុសស្រី២នាក់អង្គុយនៅក្នុងកង់បីរបស់ខ្លួនយ៉ាងកំសត់ទៅវិញ៕