ខេត្តពោធិ៍សាត់ ៖ កម្លាំងសមត្ថកិច្ចបានចុះពិនិត្យនិងស្រាវជ្រាវជាក់ស្ដែងជុំវិញករណីឃាតកម្ម ដែលបានកើតឡើងនាព្រឹកព្រលឹមថ្ងៃអាទិត្យ ២កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៣ ខែមេសា ឆ្នាំ២០២២នេះថាកម្លាំងបានឃាត់ខ្លួនជនពាក់ព័ន្ធចំនួន៦នាក់ដើម្បីបន្តនីតិវិធី ។
ករណីឃាតកម្មនិងការឃាត់ជនសង្ស័យពាក់ព័ន្ធខាងលើនេះបានធ្វើឡើងនៅចំណុចស្រែស្ដេច(ច្រេស)ក្នុងព្រៃភ្នំ ស្ថិតនៅភូមិក្សេត្របុរី ឃុំសន្រ្ទែ ស្រុកភ្នំក្រវាញ ខេត្តពោធិ៍សាត់ ។
ប្រភពព័ត៌មានពីកម្លាំងដដែលបន្តថា ជនសង្ស័យដៃដល់ដែលត្រូវបានឃាត់ខ្លួនទាំង៦នាក់នោះ ទី១-ឈ្មោះ សុខ សុចិត្រ ភេទប្រុស អាយុ៣៨ឆ្នាំ, ទី២-ឈ្មោះ ផាន សុផន ភេទប្រុស អាយុ៥៩ឆ្នាំ, ទី៣- ឈ្មោះ គល់ ធី ភេទប្រុស អាយុ៣៨ឆ្នាំ, ទី៤-ឈ្មោះ គល់ ហ៊ីង ភេទប្រុស អាយុ ៣៦ឆ្នាំ, ទី៥-ឈ្មោះ ទេស មករា អាយុ ១១ឆ្នាំ អ្នកទាំងចំនួន៥នាក់ បច្ចុប្បន្នមានទីលំនៅក្នុងភូមិក្សេត្របុរី ឃុំសន្រ្ទែ ស្រុកភ្នំក្រវាញ ខេត្តពោធិ៍សាត់ និងទី៦-ឈ្មោះ ឃុត វ៉ាន់ ភេទប្រុស អាយុ៥៣ឆ្នាំ មានទីលំនៅភូមិឃ្លាំងមឿង ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
ប្រភពដដែលបន្តទៀតថា បញ្ហាឃាត់ខ្លួនជនសង្ស័យទាំងនេះ គឺពាក់ព័ន្ធករណីឃាតកម្មរឹត.ក និងចាក់សម្លាប់គូទំនាស់ឈ្មោះ ហួត ហាត់ ភេទប្រុស អាយុ៣៨ឆ្នាំ មានទីលំនៅភូមិ-សង្កាត់រលាប ក្រុង/ខេត្តពោធិ៍សាត់ កាលពីវេលាម៉ោង៩និង០០នាទីព្រឹក ថ្ងៃទី១ ខែមេសា ឆ្នាំ២០២២កន្លងទៅ ដោយប្រើខ្សែកាប្លិ៍ហ្វ្រ័ងគោយន្តរឹត.កនិងប្រើវត្ថុរឹងមុតស្រួចចាក់ក្រោមក្លៀកជនរងគ្រោះបណ្ដាលឱ្យស្លាប់នៅនឹងកន្លែង ។
ប្រភពបញ្ជាក់ទៀតថា មូលហេតុមកពី ជនរងគ្រោះកាប់ដើមឈើដែលក្រុមជនសង្ស័យបាញ់ថ្នាំទុក។ ក្រោយពិនិត្យរួចសពត្រូវបានសមត្ថកិច្ចធ្វើកំណត់ហេតុប្រគល់ជូនក្រុមគ្រួសារ ចំណែកក្រុមជនសង្ស័យត្រូវបានសមត្ថកិច្ចឃាត់ខ្លួនយកទៅសួរនាំនៅអធិការដ្ឋាននគរបាល ស្រុកភ្នំក្រវាញ ៕
ក្មេងស្រីរងគ្រោះ ២នាក់ ត្រូវបានបុរស ដែលរកលុយតាមយូធូប លួងលោម រំលោ.ភសេពសន្ថវ: បានសម្រេចច្រើនដង!
ខេត្តប៉ៃលិន៖ នៅម៉ោង ៥ល្ងាច ថ្ងៃទី១ ខែមេសា ឆ្នាំ២០២២ កម្លាំងប៉ុស្តិ៍នគរបាលរដ្ឋបាលសាលាក្រៅ បានទទួលបណ្តឹងថា បុរសម្នាក់ ជាអ្នកបង្កើតវីដេអូ រកលុយតាមយូធូប បានរំលោភសេពសន្ថវៈ ទៅលើក្មេងស្រី ២នាក់។ ក្មេងស្រីរងគ្រោះទាំងនោះ ត្រូវជាកូន និងក្មួយរបស់បុរសម្នាក់ ដែលបានរាយការណ៍ ប្តឹងទៅប៉ូលិស ដែលស្ថិតនៅក្នុងភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន។
នគរបាលបានឱ្យដឹងថា ក្មេងស្រីរងគ្រោះ មានអាយុ ១៤ឆ្នាំដូចគ្នា។ ទាំងពីរនាក់ ជាកូនឈ្នួលរបស់ជនសង្ស័យ ដែលរស់នៅភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន។
ចំណែកឯជនសង្ស័យ មានឈ្មោះ ជុន ប្រុស ហៅ ញ៉ាញ់ ភេទប្រុស អាយុ ២៩ឆ្នាំ ជាអ្នករកលុយ តាមយូធូប បច្ចុប្បន្នរស់នៅភូមិជាមួយគ្នានឹងក្មេងស្រីរងគ្រោះទាំងពីរនាក់ខាងលើ។
ប្រភពបន្តទៀតថា មុនពេលកើតហេតុ ក្មេងស្រីរងគ្រោះ បានទៅធ្វើជាកូនឈ្នួល ដើម្បីដាំបាយ ធ្វើម្ហូបឱ្យជនសង្ស័យអស់រយៈពេលជាង ១ឆ្នាំមកហើយ។ បុរសនោះ បានលួងលោមក្មេងស្រីទាំងពីរនាក់ យកទៅរួមរក្សបានសម្រេចជាច្រើនលើកច្រើនសា រហូតដល់ក្រោយមកក្មេងស្រីទាំងពីរនាក់ ចេះតែមានអាការ:ខុសប្លែកពីធម្មតា ដែលធ្វើឱ្យឪពុកម្តាយ និងអ្នកភូមិ មានការឆ្ងល់សង្ស័យ ព្រោះនាងបែកសាច់ធំលឿនខុសពីក្មេងដទៃ ទើបនៅថ្ងៃទី២៦ ខែមីនា ឆ្នាំ២០២២ ឪពុកម្តាយក្មេងស្រីរងគ្រោះ បានស៊ើបដឹងរឿង បន្ទាប់ពីសួរនាំកូន និងក្មួយស្រីរបស់ខ្លួន ដោយនាងបានសារភាពប្រាប់តាមត្រង់។ លុះដឹងច្បាស់ហើយ គឺនៅថ្ងៃទី១ ខែមេសា ឪពុកក្មេងស្រីរងគ្រោះ បានរាយការណ៍ ជូនសមត្ថកិច្ចប៉ុស្តិ៍ ឱ្យចាប់ឃាត់ខ្លួនបុរសជនសង្ស័យតែម្តង។
ពាក់ព័ន្ធនឹងបញ្ហានេះ ជនសង្ស័យខាងលើ ត្រូវបានកម្លាំងជំនាញផ្នែកព្រហ្មទណ្ឌ ចាប់ឃាត់ខ្លួន នៅអធិការដ្ឋាននគរបាលស្រុកសាលាក្រៅ ដើម្បីរៀបចំសំណុំរឿង បញ្ជូនទៅតុលាការ៕
