ព័ត៌មានជាតិ

ជនជាតិ វៀតណាមម្នាក់ ត្រូវបានកម្លាំងនគរបាល ស្រាវជ្រាវឃាត់ខ្លួនលើករណីឆក់កាបូប

Posted on Author nmr Comments Off on ជនជាតិ វៀតណាមម្នាក់ ត្រូវបានកម្លាំងនគរបាល ស្រាវជ្រាវឃាត់ខ្លួនលើករណីឆក់កាបូប

ខេត្តព្រះសីហនុ ៖ កម្លាំងជំនាញ នៃការិយាល័យនគរបាលព្រហ្មទណ្ឌកម្រិតធ្ងន់ បានស្រាវជ្រាវចេញពួនស្ទាក់ ឃាត់ខ្លួនជនសង្ស័យម្នាក់ ជាជាតិវៀតណាម នៅចំណុចម្តុំចំការស្ពៃ ស្ថិតក្នុងសង្កាត់៤ ក្រុង-ខេត្តព្រះសីហនុ ពីបទឆក់កាបូបយួរដៃពីជនរងគ្រោះជាមន្រ្តីគយកំពង់ផែស្វយ័តខេត្តព្រះសីហនុ ។
តាមរបាយការណ៍របស់សមត្ថកិច្ចបានឲ្យដឹងថា នៅវេលាម៉ោងប្រហែល២២និង០០នាទី នៅថ្ងៃទី០២ ខែមេសា ឆ្នាំ២០២២ ម្ចាស់កាបូប បានរាយការណ៍ប្រាប់សមត្ថកិច្ចថា មានជនសង្ស័យបានឆក់កាបូបរបស់គាត់ នៅចំណុចផ្លូវក្រោយផ្សារទំនើប Orange ស្ថិតក្នុងសង្កាត់៤ ក្រុង-ខេត្តព្រះសីហនុ។
ជនរងគ្រោះ ឈ្មោះ ផង់ ចាន់ ភេទប្រុស អាយុ៣០ឆ្នាំ ជនជាតិខ្មែរ មុខរបរជាមន្ត្រីគយ កំពង់ផែស្វយ័តខេត្តព្រះសីហនុ ស្នាក់នៅភូមិ៣ សង្កាត់១ ក្រុង-ខេត្តព្រះសីហនុ ។
សម្ភារដែលបាត់បង់រួមមាន ៖ កាបូបយួរដៃ ម៉ាក LV ចំនួន ០១, កាបូបលុយ តូចម៉ាក POLO ពណ៌ខ្មៅ ចំនួន ០១, កូនសោរថយន្ត ចំនួន ០១, សម្គាល់ខ្លួននិងកាតធនាគារមួយចំនួន, លុយអាមេរិក ចំនួន ៩០០ (ប្រាំបួនរយ)ដុល្លារ (នៅក្នុងកាបូបលុយ ម៉ាក POLO), លុយខ្មែរ ចំនួនប្រហែល ៦លានរៀល (នៅក្នុងកាបូបយួរដៃម៉ាក LV)។
ជនសង្ស័យឈ្មោះ NGCLYEN LE CHANH ភេទប្រុស អាយុ៣២ឆ្នាំ ជនជាតិវៀតណាម (លិខិតឆ្លងដែនមិននៅជាប់ខ្លួន)។
សម្ភារដែលដកហូតបានរួមមាន ៖ ទូរស័ព្ទដៃ ចំនួន៣គ្រឿង ▪️iPhone (ជារបស់ជនសង្ស័យ), ▪️OPPO និង Samsung (ជារបស់ជនរងគ្រោះ), ម៉ូតូ ១គ្រឿង ម៉ាក Nex ពណ៌ស ពាក់ស្លាកលេខ បាត់ដំបង 1O-4835 (មធ្យោបាយធ្វើសកម្មភាព), លុយខ្មែរ ប្រហែល 20ម៉ឺនរៀល, លុយអាមេរិក ប្រហែល 860$ (ក្រដាស 100 ចំនួន 8សន្លឹក, ក្រដាស 50$ ចំនួន 1សន្លឹក, ក្រដាស 10$ ចំនួន 1សន្លឹក) – ក្នុងនោះ ជារបស់ជនរងគ្រោះ 800$, កូនសោររថយន្ត ចំនួន 1 (របស់ជនរងគ្រោះ), អត្តសញ្ញាណប័ណ្ណ 1សន្លឹក (របស់ជនរងគ្រោះ), កាត ATM 2សន្លឹក ( ABA , Canadia ) (របស់ជនរងគ្រោះ), កាតសមាជិកបក្សប្រជាជន ចំនួន 1 (របស់ជនរងគ្រោះ), ប័ណ្ណ ប.ស.ស ចំនួន 1 (របស់ជនរងគ្រោះ), ប័ណ្ណបើកបរ ចំនួន 1 (របស់ជនរងគ្រោះ), កាតចាក់វ៉ាក់សាំង ចំនួន 1 (របស់ជនរងគ្រោះ), លិខិតឆ្លងដែន ចំនួន 1ក្បាល។
ករណីនេះកម្លាំងជំនាញ នៃការិយាល័យ នគរបាលព្រហ្មទណ្ឌកម្រិតធ្ងន់ កំពុងសាកសួរបន្តតាមនីតិវិធី៕

nmr

Related Articles
ជីវិតនិងសង្គម ព័ត៌មានជាតិ ព័ត៌មាននយោបាយ

សម្តេចតេជោ ហ៊ុន ៖ កុំ​ចាំមានសង្គ្រាមទើបស្រែកថាស្រឡាញ់សន្តិភាព គឺវាហួសពេលស្រោចស្រង់ដូចនៅអ៊ុយក្រែនអ៊ីចឹង

Posted on Author nmr

សម្តេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី៣១ ខែឧសភា ឆ្នាំ២០២២នេះ បានបង្ហាញរូបថតរបស់សម្តេចមួយសន្លឹកដែលប្រទះឃើញក្នុងបណ្តាញទំនាក់ទំនងសង្គម និងពិព័ណ៌នាថា រូបនេះ គឺស្ថិតក្នុងដំណាក់កាលអនុវត្តនយោបាយឈ្នះឈ្នះ ចន្លោះឆ្នាំ១៩៩៤-១៩៩ ដែលនៅពេលនោះ ដេក ដើរ ឈរ អង្គុយ គឺសម្តេចគិតចង់បានសន្តិភាពដើម្បីមានឱកាសកសាងប្រទេស។ សម្តេចថា ពេលនេះ សន្តិភាពមានហើយ យើងត្រូវរួមគ្នាថែរក្សាការពារ កុំចាំ​ដល់ប្រទេសមានសង្គ្រាមទើបស្រែកថា ស្រឡាញ់សន្តិភាព។ តាមរយៈទំព័រហ្វេសប៊ុកសម្តេចតេជោ ហ៊ុន សែន នាយករដ្ឋមន្ត្រី បានសរសេររៀបរាប់យ៉ាងដូច្នេះថា៖ រូបថតមួយសន្លឹកនេះ ខ្លួនខ្ញុំក៏មិនដែលបានឃើញដែរ ទើបតែថ្ងៃនេះប្រទះឃើញតាមបណ្តាញទំនាក់ទំនងសង្គម។ តាមពិនិត្យ វ៉ែនតានេះពាក់ក្នុងចន្លោះឆ្នាំ១៩៩៤ ដល់ដើមឆ្នាំ១៩៩៩ ដែលជាដំណាក់កាលអនុវត្តន៍នយោបាយឈ្នះឈ្នះ។ ពេលនោះដេក ដើរ ឈរ អង្គុយ នឹកគិតចង់បានសន្តិភាពដើម្បីមានឱកាសកសាងប្រទេស។ ទឹកមុខខ្ញុំនោះកំពុងគិតទៅឆ្ងាយដែលមិនមានអ្នកណាអាចស្មានត្រូវនោះឡើយ។ ពេលនេះសន្តិភាពមានហើយត្រូវរួមគ្នាការពារកុំឱយបាត់បង់ទៅវិញ។ សូមកុំឱ្យក្មេងជំនាន់ក្រោយមានរឿងអកុសលដូចខ្លួនខ្ញុំ និងអ្នកជំនាន់មុនដែលប្រទេសមានសង្គ្រាមទើបខិតខំរកសន្តិភាព។ កុំចាំមានសង្គ្រាមទើបស្រែកថា ស្រឡាញ់សន្តិភាព គឺវាហួសពេលស្រោចស្រង់ដូចនៅអ៊ុយក្រែនអីចឹង៕
ជីវិតនិងសង្គម ព័ត៌មានជាតិ ព័ត៌មានថ្មីៗ

សកម្មភាព​គណៈមេប្រយោគ​ទូទាំង​ប្រទេស​ប្រចាំការ សម្រាប់​ការ​ប្រឡង​សញ្ញាបត្រ​មធ្យម​សិក្សា​ទុតិយភូមិ​​​សម័យប្រឡង៖ ០៥ ធ្នូ​​ ២០២២

Posted on Author nmr

គណៈមេប្រយោគ​ទូទាំង​ប្រទេស​ប្រចាំការ កំពុង​មាន​ភាព​មមាញឹក​ក្នុង​ការ​បំពេញ​ការងារ ដើម្បី​​ទំនាក់ទំនង​ជាមួយ​គណៈមេប្រយោគ​ទូទាំង​ប្រទេស​ប្រចាំ​មណ្ឌល​រាជធានី​ ខេត្ត ប្រមូល​ព័ត៌មាន ឆ្លើយ​តប​សំណួរ និង​ដោះ​ស្រាយ​បញ្ហា​បច្ចេកទេស ព្រម​ទាំង​ផ្សព្វផ្សាយ​ព័ត៌មាន​នានា​អំពី​ដំណើរ​ការ​ប្រឡង​សញ្ញាបត្រមធ្យម​សិក្សា​ទុតិយភូមិ ឲ្យ​ទាន់​ពេល​វេលា​តាម​រយៈ​គេហទំព័រ និង​ទំព័រ​បណ្ដាញ​សង្គម​ហ្វេកប៊ុក​​ផ្លូវ​ការ​ក្រសួង​អប់រំ យុវជន និង​កីឡា។ នេះបើតាមទំព័រហ្វេសប៊ុករបស់ក្រសួងអបរំ យុវជន និង កីឡា គួរ​កត់​សំគាល់​ផង​ដែរ​ថា សម្រាប់ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ២០២២ មានបេក្ខជនសរុបចំនួន១២៨ ១៣៥នាក់ ស្រី៦៨ ៧៧១នាក់ មាន២២១មណ្ឌល ដែលត្រូវជា ៥ ១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ចូលរួមក្នុងដំណើរនោះប្រឡងសរុបចំនួន១៧ ២៤០ នាក់ ជំនួយការអប្បមាទដែលជាគរុសិស្ស និងគរុនិស្សិត ចំនួន២ ៧៥៦នាក់។ អង្គភាពប្រឆាំងអំពើពុករលួយ បានឯកភាពចូលរួមសង្កេតការណ៍ ដោយបានចាត់ថ្នាក់ដឹកនាំ និងមន្រ្តីចំនួន៣៥០នាក់ និងអ្នកសង្កេតការណ៍រាជធានី ខេត្តចំនួន២ ៧០០នាក់៕
ជីវិតនិងសង្គម ព័ត៌មានជាតិ ព័ត៌មានថ្មីៗ

សម្ដេចក្រឡាហោម ស ខេង ណែនាំអាជ្ញាធរជាតិគ្រឿងញៀន ឱ្យសហការជាមួយរដ្ឋបាលរាជធានី-ខេត្ត ដើម្បីស្រង់ស្ថិតិជនរងគ្រោះដោយសារគ្រឿងញៀន នៅតាមមូលដ្ឋានឱ្យមានភាពជាក់លាក់

Posted on Author nmr

ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានធ្វើការណែនាំដល់អាជ្ញាធរជាតិប្រយុទ្ធប្រឆាំងគ្រឿងញៀន ឱ្យសហការជាមួយរដ្ឋបាលរាជធានី-ខេត្ត ដើម្បីស្រង់ស្ថិតិជនរងគ្រោះដោយសារគ្រឿងញៀន នៅតាមមូលដ្ឋាននីមួយៗ ដើម្បីដឹងតួលេខជាក់លាក់មួយយ៉ាងពិតប្រាកដ។ ថ្លែងនាឱកាសអញ្ជើញជាអធិបតីក្នុងពិធីបូកសរុបលទ្ធផលការងារអនុវត្តផែនការប្រយុទ្ធប្រឆាំងគ្រឿងញៀនខុសច្បាប់ លើកទី៧ និងផ្សព្វផ្សាយផែនការយុទ្ធនាការ ប្រយុទ្ធប្រឆាំងគ្រឿងញៀនខុសច្បាប់ លើកទី៨ នាថ្ងៃទី២២ ខែមីនា ឆ្នាំ២០២៣នេះ សម្ដេចក្រឡាហោម ស ខេង បានថ្លែងថា ការស្រង់ស្ថិតិជនរងគ្រោះដោយសារគ្រឿងញៀន គឺធ្វើឡើងតាមរយៈ ភូមិ-ឃុំ-ស្រុក រួចហើយបញ្ជូនមកខេត្ត ដើម្បីបូកសរុបបញ្ចូលគ្នា។ សម្ដេចក្រឡាហោម មានប្រសាសន៍ថា “ខ្ញុំ សូមស្នើអាជ្ញាធរគ្រឿងញៀន សហការជាមួយនឹងរដ្ឋបាលរាជធានី-ខេត្តពាក់ព័ន្ធ ដើម្បីធ្វើការស្រង់ស្ថិតិជនរងគ្រោះដោយសារគ្រឿងញៀន ឱ្យមានតួលេខ។ ឥឡូវយើងគ្រាន់តែស្មានថា ប្រហែលប៉ុណ្ណេះ ប៉ុណ្ណោះ ដោយយើងអត់បានសិក្សា។ យើងសិក្សាធ្វើពីភូមិមក ឱ្យមេភូមិរាយការណ៍មក មានប៉ុន្មាននាក់ប្រើប្រាស់គ្រឿងញៀន ចឹងយើងប្រមូលពី ភូមិ-ឃុំ-ស្រុក មកឱ្យខេត្ត ហើយបូកបញ្ចូលគ្នា យើងឃើញហើយ ទោះវាមិនត្រូវ ១០០%ក៏ដោយ តែគ្រាន់បើជាងអង្គុយស្មាន”។ លើសពីនេះ សម្ដេចក្រឡាហោម ស ខេង […]