ជីវិតនិងសង្គម ព័ត៌មានជាតិ

សូមប្រុងប្រយ័ត្ន!ក្រុមចោរលែងល្បិចដាក់ល្បោយដោយបន្លំខ្លួនចូលទៅទិញទឹកផឹករួចលួចយកម៉ូតូបាន១គ្រឿងតែអស់ល័ក្ខត្រូវអ្នកស្រុកដេញចាប់បានភ្លាមៗ

Posted on Author nmr Comments Off on សូមប្រុងប្រយ័ត្ន!ក្រុមចោរលែងល្បិចដាក់ល្បោយដោយបន្លំខ្លួនចូលទៅទិញទឹកផឹករួចលួចយកម៉ូតូបាន១គ្រឿងតែអស់ល័ក្ខត្រូវអ្នកស្រុកដេញចាប់បានភ្លាមៗ

ភ្នំពេញ៖ ជនសង្ស័យ ១ក្រុម បានបន្លំខ្លួន ចូលទៅរកទិញទឹកផឹក នៅផ្ទះលក់ដូរមួយកន្លែង បន្ទាប់មក ក៏បានលួចយកម៉ូតូ ១គ្រឿង មិនតែប៉ុណ្ណោះ ខណៈម្ចាស់ម៉ូតូ ព្យាយាមចាប់ទាញយកម៉ូតូមកវិញ ត្រូវជនសង្ស័យ រុញបណ្ដាលឲ្យដួលត្រឡប់ត្រឡិនថែមទៀតផង។

លុះពេលប្លន់បានសម្រេច ក៏បានជិះគេចខ្លួន ហើយម្ចាស់ម៉ូតូ បានស្រែកថា «ចោរ» បង្កឲ្យមានការភ្ញាក់ផ្អើលដល់អ្នកភូមិ ជួយដេញតាម ចាប់បានម្នាក់ភ្លាមៗ និងយកម៉ូតូមកវិញ។ រីឯបក្សពួកផ្សេងទៀត គេចខ្លួនបាត់។

ហេតុការណ៍នេះ បានកើតឡើង កាលពីវេលាម៉ោង ៣ និង ៥០នាទីរសៀល ថ្ងៃទី២៩ ខែឧសភា ឆ្នាំ២០២២ នៅក្នុងភូមិព្រៃរឹង សង្កាត់ស្នោរ ខណ្ឌកំបូល រាជធានីភ្នំពេញ។ ជនសង្ស័យខាងលើ ពុំទាន់ត្រូវបានស្គាល់ឈ្មោះនៅឡើយទេ តែមានអាយុប្រហែល ២០ឆ្នាំ ត្រូវប្រជាពលរដ្ឋវាយសន្លប់ស្ដូក។ ប៉ុន្តែមុនពេលសន្លប់ បានប្រាប់ថា ខ្លួនស្នាក់នៅភូមិសាមគ្គីទី៥ សង្កាត់ត្រពាំងក្រសាំង ខណ្ឌពោធិ៍សែនជ័យ។

ជននេះ និងបក្សពួក បានលួចយកម៉ូតូ ១គ្រឿង ម៉ាក Honda Beat ពណ៌សលាយផ្កាឈូក ពាក់ស្លាកលេខ ភ្នំពេញ 1H-4602 ដែលជាកម្មសិទ្ធិ ឈ្មោះ ស្រីនីត ភេទ ស្រី អាយុ ២០ឆ្នាំ មានទីលំនៅកន្លែងកើតហេតុខាងលើ។

តាមអ្នកភូមិ នៅមុនពេលកើតហេតុ នារីរងគ្រោះ និងប្អូនស្រីម្នាក់ទៀត នៅផ្ទះលក់ដូរ។ ចំណែកឪពុកម្ដាយបានទៅចូលរួមមង្គលការបងប្អូន នៅឯខេត្តស្វាយរៀង។ លុះដល់ពេលកើតហេតុ ស្រាប់តែជនសង្ស័យខាងលើ និងបក្សពួកប្រមាណ ៤នាក់ទៀត បានទៅឈប់នៅមុខផ្ទះលក់ដូរនោះ ហើយជនសង្ស័យម្នាក់បានដើរចូលទៅរកទិញទឹកផឹក។ បន្ទាប់មក នៅពេលជនរងគ្រោះ កំពុងបើកធុងយកទឹកឲ្យជននេះ បក្សពួកបានធ្វើសកម្មភាពលួចយកម៉ូតូ ដែលជនរងគ្រោះទុកនៅក្នុងផ្ទះ និងមានសោជាប់ស្រាប់ផងនោះ បញ្ឆេះ ដើម្បីជិះរត់គេចខ្លួនចេញ។

អ្នកភូមិខាងលើ បានប្រាប់ថា ភ្លាមៗនោះ ជនរងគ្រោះ ២នាក់បងប្អូន បាននាំគ្នារត់ទៅទាញដណ្ដើមយកម៉ូតូរបស់ខ្លួនមកវិញ ប៉ុន្តែត្រូវបានជនសង្ស័យចាប់គ្រវាសដៃចេញ បណ្ដាលឲ្យដួលរងរបួសទាំង ២នាក់ បងប្អូន ហើយចោរជិះម៉ូតូគេចខ្លួនបែកផ្លូវគ្នាតែម្ដង។ បន្ទាប់មក ជនរងគ្រោះ បានស្រែកថា «ចោរ» បង្កឲ្យមានការភ្ញាក់ផ្អើល ដល់អ្នកភូមិ នាំគ្នាជួយដេញតាមចាប់ រហូតដល់ផ្លូវរថភ្លើងខ្សែភ្នំពេញ – បាត់ដំបង ស្ថិតនៅក្នុងភូមិតាអិន សង្កាត់ស្នោរ ខណ្ឌកំបូល ចម្ងាយប្រមាណជាង ១គីឡូម៉ែត្រពីកន្លែងកើតហេតុ ដោយសារតែភ័យ និងអ្នកភូមិដេញតាមពេកជនសង្ស័យ បានជិះម៉ូតូធ្លាក់ផ្លូវ ជ្រុលទៅបុករបងឈើ និងឫស្សីដីចម្ការមួយកន្លែង ទៅមុខលែងរួច ទើបត្រូវអ្នកភូមិចាប់ខ្លួនបាន រួចវាយទាត់ធាក់ម្នាក់ ១ដៃ ១ជើង របួសសន្លប់ស្ដូក។

ប្រភពដដែលបានប្រាប់ថា ខណៈនោះ អ្នកភូមិបានយកម៉ូតូ ដែលជនសង្ស័យលួចបានពីជនរងគ្រោះនោះត្រឡប់មកវិញ ដោយឡែក ជនសង្ស័យ ដែលជាបក្សពួក ៤នាក់ទៀត បានជិះម៉ូតូគេចខ្លួនបាត់អស់។ក្រោយពេលកើតហេតុ កម្លាំងនគរបាលប៉ុស្តិ៍ស្នោរ បានចុះទៅកាន់នាំយកជនសង្ស័យខាងលើ ទៅសាកសួរនិងកសាងសំណុំរឿង ចាត់ការតាមច្បាប់ ខណៈដែលជនរងគ្រោះ បានទៅដាក់ពាក្យបណ្តឹង នៅប៉ុស្តិ៍នោះហើយដែរ៕

nmr

Related Articles
ព័ត៌មានជាតិ ព័ត៌មានថ្មីៗ

បើករថយន្ត​ស៊េរី​ទំនើបក្នុងល្បឿនលឿនជ្រុលចង្កូតបុករះម៉ូតូកង់បី ដែលចតនៅមុខផ្ទះបងប្អូនប្រជាពលរដ្ឋ ​សំណាងល្អពុំមាននរណាម្នាក់រងរបួស

Posted on Author nmr

ភ្នំពេញ៖ ហេតុការណ៍នេះបានកើតឡើងនៅវេលាម៉ោង០៨ព្រឹកថ្ងៃទី០២ ខែមករា ឆ្នាំ២០២២ ស្ថិតនៅចំណុចមុខផ្សាររាត្រី តាមបណ្ដោយផ្លូវស៉ីសុវត្ថិ មូលដ្ឋានសង្កាត់វត្តភ្នំ ខណ្ឌដូនពេញ រាជធានីភ្នំពេញ មានបុរសស្រ្តីជនជាតិចិន ធ្វើដំណើរដោយរថយន្តសេរីទំនើប ម៉ាក BENTLEY FLYING SPUR ក្នុងល្បឿនលឿន ជ្រុលចង្កូតបុករះម៉ូតូកង់បី ដែលចតនៅមុខផ្ទះបងប្អូនប្រជាពលរដ្ឋ បណ្ដាលឲ្យខូចខាតទ្វារផ្ទះនិងម៉ូតូកង់បី តែសំណាងល្អមិនមានមនុស្សរងរបួសក្នុងហេតុការនេះឡើយ។ ពលរដ្ធនៅកន្លែងកើតហេតុបានឲ្យដឹងថា នៅមុនពេលកើតហេតុឃើញមាន បុរសនិងស្រ្តីជនជាតិចិនបានធ្វើដំណើរដោយរថយន្តសេរី ទំនើបម៉ាក BENTLEY FLYING SPUR ពណ៌ខ្មៅ ពាក់ស្លាកលេខ មណ្ឌលគីរី 2B-8889 បើកបរតាមបណ្តោយផ្លូវស៉ីសុវត្ថិ ក្នុងទិសដៅពីត្បូងទៅជើង ខណៈមកដល់ចំណុចមុខផ្សាររាត្រី បានរ៉េចង្កូតបុករះម៉ូតូកង់ចំនួនបីគ្រឿងដែលចតនៅមុខផ្ទះប្រជាពលរដ្ឋ បណ្ដាលឲ្យរងការខូចខាតទាំងម៉ូតូកង់បី និងទ្វារផ្ទះបងប្អូនប្រជាពលរដ្ឋ តែសំណាងល្អមិនបណ្ដាលឲ្យមានមនុស្សរងរបួសឡើយ។ លោក វរសេនីយ៍ត្រី ញ៉ែត សំអាត នាយប៉ុស្តិ៍នគរបាលរដ្ឋបាលវត្តភ្នំ បានបញ្ជាក់ឲ្យដឹងផងដែរថា ក្នុងករណីនេះបុរសនិងស្រ្តីជនជាតិចិនទាំង០២នាក់ត្រូវបានកម្លាំងសមត្ថកិច្ចឃាត់ខ្លួនបានភ្លាមៗ បន្ទាប់ពីកើតហេតុ។ ក្រោយពេលកើតហេតុកម្លាំងនគរបាលមូលដ្ឋានខណ្ឌចុះដល់ទីតាំងកើតហេតុ និងទំនាក់ទំនងនគរបាលជំនាញមកធ្វើការវាស់វែង ស្ទូចរថយន្ត ម៉ូតូកង់បី យកទៅរក្សារទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញដើម្បីរងចាំដោះស្រាយសំណងតាមផ្លូវច្បាប់៕
ជីវិតនិងសង្គម

អបអសាទរ ឯកឧត្តមបណ្ឌិត ប៉ុន វុត្ថា បានទទួលនូវគ្រឿងឥស្សរិយយស ពីព្រះមហាក្សត្រ ព្រះរាជក្រឹត្យ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី  ព្រះចៅក្រុងកម្ពុជាធិបតី សព្វព្រះហឫទ័យ ប្រោសប្រទានគ្រឿងឥស្សរិយយស តាមលំដាប់ថ្នាក់ ព្រះរាជាណាចក្រកម្ពុជា ថ្នាក់  មហាសេរីវឌ្ឍន៍ ដល់ ឯកឧត្តមបណ្ឌិត ប៉ុន វុត្ថា

Posted on Author nmr

ថ្ងៃសៅរ៍ ៣ រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែធ្នូ ឆ្នាំ២០២៣ ព្រះរាជក្រឹត្យ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី  ព្រះចៅក្រុងកម្ពុជាធិបតី សព្វព្រះហឫទ័យ ប្រោសប្រទានគ្រឿងឥស្សរិយយស តាមលំដាប់ថ្នាក់ ព្រះរាជាណាចក្រកម្ពុជា ថ្នាក់មហាសេរីវឌ្ឍន៍ ជូន ឯកឧត្តមបណ្ឌិត ប៉ុន វុត្ថា    បានទទួលនូវ គ្រឿងឥស្សរិយយស ព្រះរាជាណាចក្រកម្ពុជា ថ្នាក់ មហាសេរីវឌ្ឍន៍ផងដែរ តាមសេចក្តីក្រាបបង្គំទូលថ្វាយរបស់ សម្ដេចបវរធិបតីហ៊ុន ម៉ាណែត  នាយករដ្ឋមន្ត្រី នៃកម្ពុជា🎉🙏 ការប្រោសប្រទានគ្រឿងឥស្សរិយយស តាមលំដាប់ថ្នាក់នេះ បានបង្ហាញពីស្មារតី ដ៏ផូរផង់ ជាគំរូសម្រាប់ក្មេងជំនាន់ក្រោយ មានឆន្ទៈមុះមុត លះបង់កម្លាំងកាយចិត្ត ចូលរួមចំណែកការងារមនុស្សធម៍ ដើម្បីបុព្វហេតុ បម្រើសង្គមជាតិ ជាមួយរាជរដ្ឋាភិបាលដែលមាន សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សូមប្រសិទ្ធិពរជ័យ បវរសួស្តី មហាប្រសើរ ជូនចំពោះ […]
ព័ត៌មានជាតិ ព័ត៌មានថ្មីៗ

ក្រុមហ៊ុនឈានមុខសិង្ហបុរី Temasek Holdings បានមើលឃើញកម្ពុជាជាគោលដៅវិនិយោគដ៏សំខាន់នៅក្នុងតំបន់អាស៊ាន 

Posted on Author nmr

នាព្រឹកថ្ងៃទី១៧ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ លោក Lim Boon Heng ប្រធានក្រុមហ៊ុន Temasek Holdings ចូលជួបសម្តែងការគួរសម ក្នុងឱកាសនៃការចូលរួមវេទិកាសេដ្ឋកិច្ចពិភពលោកឆ្នាំ២០២៤ នៅទីក្រុងដាវ៉ូស សហព័ន្ធស្វីស។   ក្នុងឱកាសនៃជំនួប លោកប្រធានក្រុមហ៊ុន បានថ្លែងអំណរគុណយ៉ាងជ្រាលជ្រៅជូនចំពោះសម្ដេចធិបតី ដែលបានចំណាយពេលវេលាដ៏មមាញឹក អនុញ្ញាតឱ្យរូបលោក និងសហការី ចូលជួបសម្ដែងការគួរសម និងពិភាក្សាការងារ និងបានសម្ដែងនូវការអបអរសាទរចំពោះសម្តេចធិបតី ដែលត្រូវបានជ្រើសតាំងជានាយករដ្ឋមន្ត្រី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភា។ លោកប្រធានក្រុមហ៊ុនបានរំឭកអំពីជំនួបរវាងរូបលោក និងសម្តេចតេជោ ហ៊ុន សែន នាពេលកន្លងមក ដែលក្នុងនោះ លោកបានសម្ដែងនូវការកោតសរសើរចំពោះគំរូវីរៈភាពដឹកនាំរបស់សម្តេចតេជោ ផងដែរ។ លោកប្រធានក្រុមហ៊ុនបានគោរពជម្រាបជូនសម្តេចធិបតីថា ក្រុមហ៊ុន មានមូលដ្ឋាននៅសិង្ហបុរី និង បាននិងកំពុងមានប្រតិបត្តិការអាជីវកម្មនៅតាមបណ្ដាប្រទេសជាច្រើននៅក្នុងតំបន់ និងពិភពលោក ដោយផ្ដោតលើលើវិស័យហិរញ្ញវត្ថុ ដឹកជញ្ជូន ទូរគមនាគមន៍ បច្ចេកវិទ្យា និងការផ្សព្វផ្សាយ និង អចលនទ្រព្យ។ […]