តាមរយៈសារសំឡេងនៅថ្ងៃទី០៦ ខែមេសា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្រ្ដី បញ្ជាឲ្យធ្វើការសិក្សាក្នុងដាក់អ្នកជំងឺកូវីដ១៩ កម្រិតស្រាល ព្យាបាលនៅតាមផ្ទះរៀងៗខ្លួន។ បទបញ្ជានេះធ្វើឡើងដើម្បីបង្ការទុកមុន កុំឲ្យអ្នកជំងឺនៅឡូកឡំគ្នា ទាំងអ្នកដែលឈឺកម្រិតស្រាល និងឈឺកម្រិតធ្ងន់ ហើយមួយវិញទៀតការធ្វើនេះក៏ដោយសារតែបើអ្នកជំងឺកាន់តែច្រើនមន្ទីរពេទ្យមិនអាចទទួលអ្នកជំងឺអស់នោះទេ។ លោក ជា ច័ន្ទបរិបូរណ៍ អ្នកតាមដានស្ថានការណ៍សង្គមកម្ពុជា មើលឃើញថា ការបញ្ជាអោយមានការសិក្សាលើលទ្ធភាពព្យាបាលជម្ងឺកូវីដ១៩នៅតាមផ្ទះនៅពេលនេះ ដោយសារសម្តេចតេជោ បានក្ដាប់ព័ត៌មានគ្រប់ជ្រុងជ្រោយ ហើយវាយតម្លៃសភាពការណ៍ដោយត្រឹមត្រូវ។ លោកមើលឃើញថានេះជាសារមួយដាស់តឿន ពលរដ្ឋអោយបង្កើនការប្រុងប្រយ័ត្នកុំអោយជិះសេះលែងដៃ និងជាការរំលឹកដល់អាជ្ញាធរពាក់ព័ន្ធទាំងអស់ រួមទាំងពលរដ្ឋអោយមានការគិតគូ អំពីសុវត្ថិភាពលើបញ្ហាជម្ងឺឆ្លង ក្នុងឱកាសបុណ្យចូលឆ្នាំខ្មែរដែលនឹងចូលមកដល់ឆាប់ៗនេះ៕
នារសៀលថ្ងៃចន្ទ ទី២៤ ខែមេសា ឆ្នាំ២០២៣នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជួបសំណេះសំណាលជាមួយថ្នាក់ដឹកនាំសាលា និងសិក្ខាកាមនគរបាលកម្ពុជា ចំនួន ២៤១នាក់ ដែលកំពុងសិក្សានៅតាមសាលាបណ្ដុះបណ្ដាលនគរបាល នៅទីក្រុងហូជីមិញ នៃសាធារណរដ្ឋសង្គមនិយមវៀតណាម។ នាឱកាសនោះដែរ សម្ដេចក្រឡាហោម ស ខេង ឧបនាយករដ្ឋមន្រ្តី ក៏បានជួបសំណេះសំណាលជាមួយ លោកឧត្ដមសេនីយ៍ត្រី បណ្ឌិត ដ័ន មិញលី នាយកមហាវិទ្យាល័យសន្តិសុខប្រជាជន នៃសាធារណរដ្ឋសង្គមនិយមវៀតណាម។ ក្នុងជំនួបនោះ សម្ដេចក្រឡាហោម បានថ្លែងអំណរគុណចំពោះថ្នាក់ដឹកនាំមហាវិទ្យាល័យ និងសាលានគរបាលជាតិវៀតណាម សម្រាប់ការយកចិត្តទុកដាក់បណ្ដុះបណ្ដាល និងការគាំទ្រគ្រប់បែបយ៉ាងដល់សិក្ខាកាមនគរបាលជាតិកម្ពុជា។ ក្នុងនាមក្រសួងមហាផ្ទៃ នៃព្រះរាជាណាចក្រកម្ពុជា សម្ដេចក្រឡាហោម ស ខេង បានស្នើដល់ភាគីវៀតណាម ឱ្យបន្តការទទួលបណ្ដុះបណ្ដាលសិក្ខាកាមនគរបាលកម្ពុជានៅឆ្នាំបន្តបន្ទាប់ទៀត។ ជាការឆ្លើយតប ឧត្ដមសេនីយ៍ត្រី បណ្ឌិត ដ័ន មិញលី នាយកមហាវិទ្យាល័យសន្តិសុខប្រជាជន នៃសាធារណរដ្ឋសង្គមនិយមវៀតណាម បានឯកភាព និងគាំទ្រចំពោះសំណើរបស់សម្ដេចក្រឡាហោម ជាមួយក្ដីសង្ឃឹមថា ភាគីទាំងពីរនឹងបន្តពង្រឹងកិច្ចសហប្រតិបត្តិការជាមួយគ្នាលើវិស័យបណ្ដុះបណ្ដាលនេះបន្ថែមទៀត។ ក្រោយបញ្ចប់ជំនួបជាមួយថ្នាក់ដឹកនាំសាលានគរបាលវៀតណាម សម្ដេចក្រឡាហោម ស […]
ភ្នំពេញ៖ នាព្រឹកថ្ងៃទី០៥ ខែមីនា ឆ្នាំ២០២១នេះ ក្រសួងមហាផ្ទៃ បានបន្ដយុទ្ធនាការចាក់វ៉ាក់សាំងបង្ការជំម្ងឺកូវីដ-១៩ ជូនថ្នាក់ដឹកនាំ និងមន្ដ្រីនគរបាលជាតិ នៃអគ្គស្នងការដ្ឋាននគរបាលជាតិ ដោយឈរលើគោលការណ៍ស្ម័គ្រចិត្ត មានរយៈពេល១៤ថ្ងៃ ចាប់ពីថ្ងៃទី០៥ ដល់ ២០ ខែមីនា ឆ្នាំ២០២១ នៅមន្ទីរពេទ្យ ១៦ ឧសភា ដែលមានទីតាំងស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ។ សូមជម្រាបថា កាលពីថ្ងៃទី០៤ ខែមីនា ឆ្នាំ២០២១ ក្រសួងមហាផ្ទៃ បានបើកយុទ្ធនាការចាក់វ៉ាក់សាំងបង្ការជំម្ងឺកូវីដ-១៩ក្នុងថ្ងៃដំបូង ជូនដល់ថ្នាក់ដឹកនាំក្រសួងមហាផ្ទៃ និងនាយកដ្ឋានសុខាភិបាល នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ បានយ៉ាងច្រើនកុះករ ហើយបានអនុវត្តគោរពតាមវិធានការរបស់ក្រសួងសុខាភិបាលយ៉ាងល្អខ្ជាប់ខ្ជួន ដោយរក្សាគម្លាត មានកន្លែងបាញ់អាកល់ និងវ៉ាស់កម្ដៅជាដើម។ លើសពីនេះទៀត ដើម្បីឲ្យយុទ្ធនាការចាក់វ៉ាក់សាំងបង្ការជម្ងឺកូវីដ-១៩ ជូនថ្នាក់ដឹកនាំ និងមន្ដ្រីរាជការគ្រប់ជាន់ថ្នាក់ ដែលបម្រើការងារ នៅទីស្ដីក្រសួងមហាផ្ទៃ និងតាមបណ្តាអង្គភាពចំណុះទីស្តីការក្រសួង ប្រព្រឹត្តទៅបានរលូន ប្រកបដោយប្រសិទ្ធភាព និងមានសណ្ដាប់ធ្នាប់ល្អ ធានាបាននូវវិធានការ ដែលកំណត់ដោយក្រសួងសុខាភិបាលនោះ ក្រសួងមហាផ្ទៃ បានណែនាំដល់ថ្នាក់ដឹកនាំ និងមន្ត្រីរាជការគ្រប់ជាន់ថ្នាក់ ឲ្យចូលរួម និងចាក់ចែងមន្ដ្រីរាជការក្រោមឱវាទដែលចំណុះទីស្ដីការក្រសួងមហាផ្ទៃ […]
