ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន អមដំណើរដោយថ្នាក់ដឹកនាំក្រសួង អញ្ជើញទស្សនាពិព័រណ៍ផលិតផលវប្បធម៌ខ្មែរ ក្នុងឱកាសដែលឯកឧត្តមរដ្ឋមន្ត្រី អញ្ជើញជាអធិបតីពិធីបើកកិច្ចប្រជុំគណៈកម្មាធិការវប្បធម៌ និងព័ត៌មានអាស៊ាន លើកទី៥៩ (59th ASEAN-COCI) នាព្រឹកថ្ងៃទី២៨ ខែវិច្ឆិកា ឆ្នាំ២០២៤ នៅសណ្ឋាគាររ៉ាហ្វល ឡឺរ៉ូយាល់ រាជធានីភ្នំពេញ។
និយតករបារាំងបាននិយាយ កាលពីថ្ងៃពុធថា ពួកគេសម្រេចពិន័យ Google សម្រាប់ការរំលោភលើកិច្ចសន្យា ទាក់ទងនឹងការលើទូទាត់ប្រាក់ ឱ្យក្រុមហ៊ុនប្រព័ន្ធផ្សព្វផ្សាយ ដែលផលិតមាតិការបស់ពួកគេឡើងវិញ តាមអ៊ីនធឺណិត ហើយក្រៅពីនេះ ក៏ពិន័យទាក់ទងនឹងការប្រើប្រាស់គ្រឿងបង្គុំផ្សេងៗ របស់ក្រុមហ៊ុនទាំងនេះ ដើម្បីជាប្រយោជន៍ដល់បញ្ញាសិប្បនិម្មិត AI chatbot របស់ Google ដោយមិនបានជូនដំណឹង។ កាលពីឆ្នាំ២០២២ ក្រុមហ៊ុន Google បានប្តេជ្ញាចិត្ត ចរចាដោយយុត្តិធម៌ ជាមួយបណ្តាស្ថាប័នព័ត៌មានបារាំង បន្ទាប់ពីក្រុមហ៊ុនបច្ចេកវិទ្យាយក្សរបស់សហរដ្ឋអាមេរិកមួយនេះ ត្រូវបានផាកពិន័យ ៥០០ លានអឺរ៉ូ ជុំវិញជម្លោះដ៏រ៉ាំរ៉ៃនេះ។ ស្ថាប័នតំណាងឱ្យទស្សនាវដ្តី និងកាសែតបារាំងល្បីៗ នៅបារាំង រួមទាំង ទីភ្នាក់ងារសារព័ត៌មានបារាំង AFP បានដាក់សំណុំរឿងនេះ ទៅនិយតករបារាំង កាលពីឆ្នាំ២០១៩។
ភ្នំពែញ : គណៈកម្មាធិការជាតិរៀបចំការបោះឆ្នោត (គ.ជ.ប) បានជូនដំណឹងដល់សាធារណជន និងភាគីពាក់ព័ន្ធនឹងការបោះឆ្នោតទាំងអស់ឱ្យបានជ្រាបថា គ.ជ.ប បានសម្រេចលើកពេលអនុវត្តដំណើរការនៃការបោះឆ្នោតសាកល្បងសម្រាប់ជ្រើសរើសក្រុមប្រឹក្សាឃុំ សង្កាត់ឆ្នាំ២០២១ ដែលគ្រោងនឹងអនុវត្តនៅថ្ងៃទី២៣ ខែឧសភា ឆ្នាំ២០២១ នៅក្នុងឃុំ សង្កាត់គោលដៅចំនួន ២៥ នៃ រាជធានី ខេត្តទាំងអស់ទូទាំងប្រទេស។ ជាមួយគ្នានេះដែរ កិច្ចប្រជុំពិគ្រោះយោបល់ជាមួយភាគីពាក់ព័ន្ធតាមអនឡាញ ដែលគ្រោងនឹងប្រព្រឹត្តទៅនៅថ្ងៃទី២១ ខែមេសា ឆ្នាំ២០២១ ក៏ត្រូវបានលើកពេលផងដែរ។ គ.ជ.ប បានបញ្ជាក់ថា ការសម្រេចលើកពេលនេះ ដោយសារតែ គ.ជ.ប បានពិនិត្យឃើញថា ស្ថានភាពបនៃការឆ្លង រីករាលដាលជំងឺកូវីដ-១៩ ក្នុងព្រះរាជាណាចក្រកម្ពុជាបច្ចុប្បន្ន កាន់តែធ្ងន់ធ្ងរឡើងៗ ។ សូមបញ្ជាក់ថា កាលបរិច្ឆេទនៃការអនុវត្តការបោះឆ្នោតសាកល្បងជ្រើសរើសក្រុមប្រឹក្សាឃុំ សង្កាត់ ឆ្នាំ២០២១ នឹងត្រូវកំណត់ជាថ្មី តាមលទ្ធភាពដែល គ.ជ.ប អាចធ្វើបាន បន្ទាប់ពីស្ថានភាពនៃការឆ្លងជំងឺ កូវីដ-១៩ ត្រូវបានគ្រប់គ្រងទាំងស្រុងដោយរាជរដ្ឋាភិបាល។
