ក្នុងឱកាសនៃជំនួបលោក Zhao Yudong ប្រធានក្រុមហ៊ុន Everbright Group Everbright Sunshine Asset Management Co.,Ltd និងជាតំណាងគណៈប្រតិភូក្រុមហ៊ុនវិនិយោគសម្ដែងនូវការពេញចិត្ត និងការកោតសរសើរ ចំពោះរាជរដ្ឋាភិបាលកម្ពុជា ដែលបានដាក់ចេញនូវគោលនយោបាយ និងវិធានការថ្មីប្រកបដោយភាពជាក់ស្ដែងនិយម ក្នុងការលើកទឹកចិត្តដល់វិនិយោគិន និងការធានានូវបរិស្ថានល្អប្រសើរសម្រាប់ការវិនិយោគនៅកម្ពុជា។ លោក Zhao Yudong ក៏បានគោរពជម្រាបជូនសម្ដេចធិបតីថាដំណើរទស្សនកិច្ចរបស់គណៈប្រតិភូក្រុមហ៊ុនវិនិយោគ ទាំង១២ក្រុមហ៊ុននៅកម្ពុជានាឱកាសនេះ គឺក្នុងគោលបំណងស្វែងរកឱកាសវិនិយោគលើវិស័យសក្ដានុពលនានា ដូចជា វិស័យថាមពលស្អាត និងបរិស្ថាន សុខាភិបាល កសិកម្ម ឧស្សាហកម្ម ហិរញ្ញវត្ថុ និងវិស័យផ្សេងៗមួយចំនួនទៀត។ ជាការឆ្លើយតប សម្ដេចធិបតីបានសម្ដែងនូវក្ដីសោមនស្សរីករាយ និងស្វាគមន៍ចំពោះចំណាប់អារម្មណ៍ របស់ក្រុមហ៊ុនទាំង១២ ក្នុងការស្វែងរកឱកាសវិនិយោគនៅកម្ពុជា។ សម្តេចធិបតីបានគូសបញ្ជាក់ថា វិស័យសក្តានុពលដែលគណៈប្រតិភូចាប់អារម្មណ៍គឺជាវិស័យអាទិភាពរបស់រាជរដ្ឋាភិបាល ដែលយកចិត្តទុកដាក់ និងត្រៀមផ្តល់កិច្ចសម្របសម្រួល ក៏ដូចជាការលើកទឹកចិត្តដល់ណ្តាក្រុមហ៊ុនវិនិយោគ។ សម្ដេចធិបតីក៏បានគូសរំលេចអំពីគោលនយោបាយយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការបង្កើតនូវក្របខ័ណ្ឌសម្រាប់វិនិយោគិនបរទេស ដែលរួមមានដូចជា៖ ការដាក់ចេញនូវច្បាប់ស្ដីពីការវិនិយោគនៃព្រះរាជាណាចក្រកម្ពុជា, លិខិតបទដ្ឋានគតិយុត្ត និងវិធានការចាំបាច់នានា ជាមួយនឹងកញ្ចប់វិធានការលើកទឹកចិត្ត ដែលបង្កើតនូវបរិយាកាសវិនិយោគ ដែលមានលក្ខណៈអំណោយផល […]
ព្រឹកថ្ងៃសុក្រ ទី២៦ ខែកុម្ភៈ ឆ្នាំ២០២១ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានអញ្ជើញពិនិត្យ និងសួសុខទុក្ខ បងប្អូនដែលកំពុងធ្វើចត្តាឡីស័ក នៅមណ្ឌលវិទ្យាល័យព្រះរាជសម្ភារ ស្ថិតនៅក្នុងភូមិសាស្ត្រក្រុងកំពត ខេត្តកំពត ដោយមានការអញ្ជើញចូលរួមពី ឯកឧត្តម លោកជំទាវ អភិបាលរងខេត្ត ប្រធានមន្ទីរអង្គភាពជំនាញជុំវិញខេត្ត កងកម្លាំងទាំងបីប្រភេទ អភិបាលក្រុង ស្រុក មន្ត្រីជំនាញពាក់ព័ន្ធ ក្រុមគ្រូពេទ្យ សរុបប្រមាណជាង ៣០នាក់។ សូមបញ្ជាក់ដែរថា បច្ចុប្បន្នបងប្អូនដែលកំពុងធ្វើចត្តាឡីស័កនៅមណ្ឌលវិទ្យាល័យព្រះរាជសម្ភារនេះ មានចំនួន៤១នាក់ ភាគច្រើននៃពួកគាត់ គឺជាពលករដែលវិលត្រលប់មកពីប្រទេសថៃ ដែលស្ថិតនៅក្រោមការ ពិនិត្យ និងគ្រប់គ្រងពីមន្ទីរសុខាភិបាលខេត្ត ក្នុងការយកសំណាកទៅពិនិត្យជាប្រចាំ និងមានការការពារពីសមត្ថកិច្ច។ អ្នកដែលត្រូវធ្វើចត្តាឡីស័ក ត្រូវបានផ្តត់ផ្តង់ថវិកាប្រចាំថ្ងៃក្នុងម្នាក់ចំនួន ២០០០០រៀលសម្រាប់ការហូបចុក តាមការណែនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។ នាឳកាសនេះដែរ ឯកឧត្តមអភិបាលខេត្ត បានណែនាំដល់លោកប្រធានមន្ទីរសុខាភិបាល និងអ្នកពាក់ព័ន្ធ ត្រូវផ្គត់ផ្គង់សម្ភារៈចាំបាច់បន្ថែមទៀត ជូនដល់បងប្អូនដែលកំពុងធ្វើចត្តាឡីស័កនៅមណ្ឌលនេះ ហើយឯកឧត្តមបានផ្តល់សម្ភារៈជូនមន្ទីរសុខាភិបាលខេត្ត នូវ អាល់កុលចំនួន ៦០លីត្រ ម៉ាស់ចំនួន១០០ប្រអប់ […]
អភិបាលរងស្រុកចិត្របុរី បានចុះសួរសុខទុក្ខប្រជាពលរដ្ឋដែលមានជំងឺពិការភាព និងមានការខ្វះខាតក្នុងជីវភាពជាលើកទី២ ដោយនាំយកអំណោយឧបត្ថម្ភរបស់ ឯកឧត្តម នេត្រ ភត្ត្រា រដ្ឋមន្ត្រីក្រសួងព័ត៌មាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងអំណោយឧបត្ថម្ភពីការិយាល័យកាកបាទក្រហមស្រុកចិត្របុរី ទៅជូនដល់ អ៊ុំស្រីឈ្មោះ ណាវ អេន អាយុ៧៥ រស់នៅភូមិច្រវ៉ា ឃុំគោលាប់ ស្រុកចិត្របុរី ខេត្តក្រចេះ ដែលរួមមាន រទេះរុញសម្រាប់ជនពិការ១គ្រឿង អង្ករ២បេតូច (១បេទម្ងន់១៥គីឡូក្រាម) ទឹកត្រី១យួរ ទឹកស៊ីអ៉ីវ១យួរ ត្រីខ១កេស មី១កេស ទឹកផ្លែឈើ១កេស មុង១ ភួយ១ ក្រមា២ កាធុនទឹក១ កាទឹក១ កំសៀវ១ វែកឆា១ វែកបាយ១ វែកសម្លរ១ ឃីត១កញ្ចប់ និងថវិការចំនួន ១០០,០០០រៀល៕ _____________ #បណ្តាញយុវជនក្នុងវិស័យព័ត៌មាន៖ ចូលរួមផ្សព្វផ្សាយព័ត៌មានពិត ប្រឆាំងព័ត៌មានក្លែងក្លាយ 🌐 Facebook 🌐 telegram 🌐 TikTok
