អ្នកជំនាញផ្នែកសុខភាពផ្លូវចិត្តបានសម្តែងការព្រួយបារម្ភ អំពីការកើនឡើងបញ្ហាសុខភាពផ្លូវចិត្តស្ទើរទ្វេដង ក្នុងចំណោមប្រជាជនឡាវ ដោយសារតែវិបត្តិអតិផរណា និងគ្រោះទឹកជំនន់ធ្ងន់ធ្ងរ។ បន្ទាប់ពីមានការកើនឡើងនៃអតិផរណា និងគ្រោះទឹកជំនន់ដ៏ធ្ងន់ធ្ងរកាលពីពេលថ្មីៗនេះ ក្រុមគ្រូពេទ្យនៅនាយកដ្ឋានសុខភាពផ្លូវចិត្តនៃមន្ទីរពេទ្យមហាសុត បានបង្ហាញការព្រួយបារម្ភអំពីការកើនឡើងចំនួនអ្នកជម្ងឺផ្លូវចិត្តដែលបានកើតឡើងលើប្រជាជនឡាវជាច្រើន។ បើតាមសារព័ត៌មានវៀងចន្ទន៍ថាមស៍ ក្រុមគ្រូពេទ្យបានបញ្ជាក់ថា អ្នកស្រុកជាង ៧០,០០០នាក់ ត្រូវបានគេរាយការណ៍ថា មានបញ្ហាសុខភាពផ្លូវចិត្តកាលពីឆ្នាំមុន ហើយចំនួននេះត្រូវបានគេព្យាករណ៍ថា នឹងកើនឡើងទ្វេដងនៅឆ្នាំនេះ។ មូលហេតុចម្បងនៃបញ្ហានេះ គឺដោយសារតែការកើនឡើងតម្លៃនៃការរស់នៅ ដែលបណ្តាលមកពីភាពតានតឹងផ្នែកហិរញ្ញវត្ថុ លើសពីការគ្រប់គ្រងរបស់មនុស្ស។
———————————— (កណ្តាល)៖ ក្នុងការអនុវត្តវិធានការទប់ស្កាត់ការរីករាលដាលនៃជំងឺកូវីដ-១៩ កងការពារព្រំដែនលេខ៦០១ បានចូលរួមយ៉ាងកម្ម ក្នុងការចុះ សហការជាមួយកម្លាំងចម្រុះ ដើម្បី ឈរជើងការពារ និង ចុះល្បាតទាំងថ្ងៃ ទាំងយប់ ក្នុងភូមិសាស្ត្រ នៃបណ្តាស្រុកមួយចំនួន ក្នុងខេត្តកណ្តាល។ ក្រៅពីការងារ សហការជាមួយកម្លាំងចម្រុះ និងអន្តរាគមន៍ជួយទប់ស្កាត់ការឆ្លងរាលដាលនៃជំងឺកូវីដ-១៩ ក៏នៅតែបន្តអនុវត្តជាប់ជាប្រចាំការងារល្បាតតាមខ្សែបន្ទាត់ព្រំដែន ដើម្បីរក្សាបាននូវបូរណភាពដែនដី សុខសន្តិភាព និងទប់ស្កាត់រាល់បទល្មើសផ្សេងៗដែលអាចកើតមាន ។ នៅព្រឹកថ្ងៃទី០៩ ខែមិថុនា ឆ្នាំ២០២១នេះ លោកវរសេនីយ៍ឯក លន់ លុច មេបញ្ជាការកងការពារព្រំដែនលេខ៦០១ បានចាត់តាំងកម្លាំងកងល្បាតទី១ ដឹកនាំដោយ វរសេនីយ៍ត្រី វ៉េង ហ៊ាចចាន់រ៉ា មេបញ្ជាការកងអនុសេនាធំល្បាតទី១ ដោយបានធ្វើការចុះល្បាត ក្នុង ភូមិសាស្ត្រ ឃុំព្រែកជ្រៃ ស្រុកកោះធំ ខេត្តកណ្តាល។ ជាការកត់សម្គាល់ គឺពុំមានបទល្មើស ឆ្លងដែន ឬមានបញ្ហាអសន្តិសុខ ក្នុងតំបន់នេះឡើយ។ ជាមួយនិងការងារចុះល្បាតតាមគោលដៅ របស់កងការពារព្រំដែនលេខ៦០១ គឺកម្លាំងទាំងអស់បានអនុវត្តខ្ជាប់ខ្ជួន នូវវិធានការអនាម័យរបស់ក្រួសួងសុខាភិបាល ដោយការពាក់ម៉ាស់ និងរក្សាគម្លាតសុវត្ថិភាព៕
នាព្រឹកថ្ងៃទី៣០ ខែមករា ឆ្នាំ២០២៣ ឯកឧត្តម ឡាំ ជា រដ្ឋលេខាធិការក្រសួងមហាផ្ទៃ បានអញ្ជើញជាអធិបតីដឹកនាំកិច្ចប្រជុំអន្តរក្រសួងដើម្បីពិនិត្យ ពិភាក្សា និងផ្តល់យោបល់ លើការស្ថាបនាច្រាំងទន្លេដើម្បីការពារបង្គោលព្រំដែននៅតាមបណ្តោយព្រំដែនប្រទេសកម្ពុជា-វៀតណាម នៅក្នុងទឹកដីខេត្តកណ្តាល ដំណាក់កាលទី២ ដោយមានការអញ្ជើញចូលរួមពី តំណាង ក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន ក្រសួងរ៉ែ និងថាមពល ក្រសួងការបរទេស និងសហប្រតិបត្តិការអន្តរជាតិ អាជ្ញាធរជាតិទន្លេសាប គណៈកម្មាធិការទន្លេមេគង្គ អគ្គស្នងការដ្ឋាននគរបាលជាតិ និងរដ្ឋបាលខេត្តកណ្តាល ព្រមទាំងមន្ត្រីពាក់ព័ន្ធផងដែរ។ ក្នុងឱកាសនោះ ឯកឧត្តម ឡាំ ជា រដ្ឋលេខាធិការក្រសួងមហាផ្ទៃ បានមានប្រសាសន៍ថា កិច្ចប្រជុំនាពេលនេះជាកិច្ចប្រជុំលើកទី៧ ដើម្បីជជែកពិភាក្សាលើវឌ្ឍនភាព នូវផែនការលើការសាងសង់សំណង់រឹង រក្សាស្ថេរភាពច្រាំងទន្លេរ នៅតាមបណ្តោយព្រំដែនប្រទេសកម្ពុជា-វៀតណាម នៅក្នុងទឹកដីខេត្តកណ្តាល ដំណាក់កាលទី២ ស្ថិតក្នុងភូមិ ព្រែកជ្រៃ ឃុំព្រែកជ្រៃ ស្រុកកោះធំ។ ឯកឧត្តម ឡាំ ជា មានប្រសាសន៍បន្តថា កិច្ចប្រជុំនេះមានគោលបំណងធំៗចំនួន៣ គឺ ទី១.ពិនិត្យវឌ្ឍនភាពច្រាំងទន្លេដើម្បីការពារបង្គោលព្រំដែន ស្ថិតក្នុងភូមិព្រែកជ្រៃ ឃុំព្រែកជ្រៃ ស្រុកកោះធំ, […]
