ព្រះករុណា ជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះអង្គសព្វព្រះរាជហឫទ័យ ស្តេចយាងចែកព្រះរាជអំណោយដល់ប្រជារាស្ត្រ ចំនួន ៤៧៣គ្រួសារ ដែលមកពីស្រុកទ្រាំង និងស្រុកត្រាំកក់ ខេត្តតាកែវ នាព្រឹកថ្ងៃទី២០ ខែកុម្ភៈ ឆ្នាំ២០២៤ ដោយអញ្ជើញអមព្រះរាជដំណើរដោយ ឧកញ៉ាមហាមន្ត្រី គុយ សុផល ទេសរដ្ឋមន្ត្រី រដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង ឯកឧត្តមកិតិ្តនីតិកោសលបណ្ឌិត ប៊ិន ឈិន ឧត្តមប្រឹក្សាផ្ទាល់ព្រះមហាក្សត្រ ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម អ៊ូច ភា អភិបាល នៃគណៈអភិបាលខេត្តតាកែវ។
ភ្នំពេញៈ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានបញ្ជាក់ថាទំនាក់ទំនងកិច្ចសហប្រតិបត្តិការរវាងយោធា និងយោធា នៃប្រទេសកម្ពុជា និងថៃ មានដំណើរការទៅមុខកាន់តែល្អប្រសើរទ្បើងជាលំដាប់ និយាយជារួម និងនិយាយដោយឡែកក្នុងកម្រិតកងទ័ពជើងគោក។ ហើយទំនាក់ទំនងមិត្តភាពរឹងមាំរវាងប្រទេស និងប្រជាជនទាំងពីរ កម្ពុជា-ថៃ ទាំងក្នុងទំនាក់ទំនងទ្វេភាគី ក៏ដូចជាកិច្ចសហប្រតិបត្តិការល្អក្នុងវេទិកាតំបន់ និងអន្តរជាតិ។
បន្ទាយមានជ័យ: រដ្ឋបាលខេត្តបន្ទាយមានជ័យ និងអន្តរក្រសួងនឹងធ្វើយុទ្ធនាការដាំដើមឈើលើកទី២នៅព្រំប្រទល់ដីព្រៃលិចទឹកតំបន់៣បឹងទន្លេសាប នៅ៣ចំណុចគឺចំណុចរហាលសំណាប, កូនគោក និងចំណុច ខាងលិចឈាងខាងជើង កូនគោក ឃុំប្រាសាទ ស្រុកព្រះនេត្រព្រះ នាព្រឹកដល់រសៀលថ្ងៃទី២៦ ខែធ្នូ ឆ្នាំ២០២១ ។ សកម្មភាពនោះដឹកនាំដោយលោកអ៊ុំ រាត្រី អភិបាលខេត្ត, លោក ខេង ស៊ុម ប្រធានក្រុមប្រឹក្សាខេត្ត តំណាងក្រសួងរៀបចំដែនដីនគរូបនីយកម្ម និងសំណង់ និងមន្ត្រីរាជការស៊ីវិលអាជ្ញាធរដែនដី សមត្ថកិច្ច និងជំនាញស្ថាប័ន មន្ទីរ អង្គភាពនានាកងកម្លាំងប្រដាប់អាវុធ យុវជន ស.ស.យ.ក. ចំនួនជិត៦០០នាក់ បានចូលរួម។ លោក យឹម យឿន អភិបាលរងស្រុកព្រះនេត្រព្រះ និង សហការី ក្រុមការងារប្រចាំការនៅវត្តបត់ត្រង់ ឃុំប្រាសាទ បានចុះត្រួតពិនិត្យរួចហើយអំពីស្ថានភាពទឹក ផ្លូវធ្វើដំណើរ នៅចំណុចដីព្រទល់ព្រៃលិចទឹកតំបន់៣ក្នុងគោលបំណង ដើម្បីរៀបចំផែនការជាក់ស្តែង សម្រាប់ការ ដាំកូន ឈើប្រភេទ ព្រៃលិចទឹក ដើមឬស្សី និង ត្នោតជិត ៥.០០០ដើម នាលើកទី២នេះ ព្រមទាំងត្រួតពិនិត្យមើលអំពីស្ថានភាពទូទៅនៃបង្គោលព្រំប្រទល់ដីព្រៃលិចទឹកតំបន់៣ នៅចំណុច […]
