ព័ត៌មានជាតិ

រាជធានី​ភ្នំពេញ​៖ អាជ្ញាធរ​ខណ្ឌដូនពេញ ចាប់​ឃាត់​ក្រុម​អ្នករត់​ម៉ូតូ​កង់​បី​ឥណ្ឌា ដែល​ប្រមូល​ផ្ដុំគ្នា ផឹកស៊ី​នៅ​ចិញ្ចើម របង​សាលា​ពេទ្យ មុខ​រ៉ា​រថភ្លើង ផ្គើន​ទៅនឹង​បម្រាម ដើម្បី​ទប់ស្កាត់​ការឆ្លង​រាលដាល​ជំងឺ​កូ​វីដ​១៩​។ មន្ត្រីរដ្ឋបាល​ខណ្ឌដូនពេញ បានឱ្យដឹង​មុននេះ​បន្តិច​ថា នៅ​ម៉ោង ៥ និង ៣០​នាទី ល្ងាច​ថ្ងៃទី​២៥ ខែសីហា ឆ្នាំ​២០២១​នេះ កម្លាំង​គណ​:​បញ្ជាការ​ឯកភាព​ខណ្ឌ​ដូនពេញ បាន​ជិះ​ល្បាត ក៏​ប្រទះឃើញ​ក្រុម​អ្នករត់​ម៉ូតូ​កង់​បី​ឥណ្ឌា ចំនួន​១០​នាក់ ដែលជា​ម្ចាស់​ម៉ូតូ​កង់​បី​ឥណ្ឌា​ចំនួន ១០​គ្រឿង បាន​ប្រមូល​ផ្ដុំគ្នា ផឹកស៊ី នៅមុខ​រ៉ា​រថភ្លើង នៅ​ចំហៀង​ខាងជើង​ជាប់​របង​សាលា​ពេទ្យ ក្នុងភូមិ​សាស្ត្រ​ខណ្ឌដូនពេញ​។ មន្ត្រី​ដដែល​បាន​បញ្ជាក់ថា កម្លាំង​គណ​:​បញ្ជាការ​ឯកភាព​ខណ្ឌ​ដូនពេញ ក៏បាន​ចាប់​ឃាត់​បាន​ម៉ូតូ​កង់​បី​ឥណ្ឌា ចំនួន​១០​គ្រឿង និង​មនុស្ស​ចំនួន ១០​នាក់ ដែល​កំពុង​ប្រមូល​ផ្ដុំគ្នា​ផឹកស៊ី​ផ្គើន​ទៅនឹង​បម្រាម​វិធានការ​របស់​គណៈកម្មកា​រ​កូ​វីដ និង​អាជ្ញាធរ​។ មន្ត្រី​ដដែល​បាន​បញ្ជាក់ថា ម៉ូតូ​កង់​បី​ឥណ្ឌា​ចំនួន ១០​គ្រឿង និង​មនុស្ស​ចំនួន ១០​នាក់ ដែល​ឃាត់​បាន​នេះ ត្រូវបាន​បញ្ជូនទៅ​អធិការដ្ឋាន​នគរបាល​ខណ្ឌដូនពេញ ដើម្បី​អនុវត្ត​វិធានការ​ច្បាប់ ដោយ​គ្មាន​ការលើកលែង​ឡើយ​៕

នារសៀលថ្ងៃទី២៣ ខែសីហា ឆ្នាំ២០២១ សមត្ថកិច្ចជំនាញនៃការិយាល័យប្រឆាំងបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ០១នាក់ ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធករណី ក្លែងបន្លំជាសមត្ថកិច្ចដាក់កុងត្រូជជុះឃាត់រថយន្តដឹកបន្លែរបស់ពលរដ្ឋ ដើម្បីសំឡុតគំរាមកំហែងទារប្រាក់។ បន្ទាប់ពីទទួលបានបណ្តឹងពីប្រជាពលរដ្ឋ កម្លាំងមូលដ្ឋានអាវុធហត្ថខណ្ឌដង្កោបានជិះល្បាតក្នុងភូមិសាស្រ្តរបស់ខ្លួនក៏ប្រទះឃើញមានករណីនេះកើតមានពិតប្រាកដមែន ភ្លាមនោះកម្លាំងល្បាតធ្វើការបង្ក្រាបបានជាក់ស្តែង នៅចំណុចមុខការដ្ឋានផ្ទះល្វែង ផ្លូវជាតិលេខ៣ ក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ កាលពីវេលាម៉ោង១២៖៤០នាទីយប់ ថ្ងៃទី២១ ខែសីហា ឆ្នាំ២០២១ ដោយឃាត់ខ្លួនបានជនសង្ស័យម្នាក់ឈ្មោះ ចិន គោ ភេទប្រុស អាយុ៣៥ឆ្នាំ មានមុខរបរមិនពិតប្រាកដ មានស្រុកកំណើត ភូមិកំពង់ត្រាច ស្រុករមាសហែក ខេត្តស្វាយរៀង ព្រមទាំងដកហូតវត្ថុតាងរួមមាន៖ រថយន្តម៉ាកហ្វតចង្កូតស្តាំមួយគ្រឿង ពណ៌ទឹកសមុទ្រ រួមនឹងកោនចរាចរណ៍០៦ដើម។ ក្រោមវិធានការជំនាញជនសង្ស័យខាងលើបានសារភាពថា ខ្លួននិងបក្ខពួកម្នាក់ទៀត ពិតជាបានឃាត់រថយន្តហ៊ីយ៉ានដាយដឹកបន្លែមួយគ្រឿង ដោយខ្លួនអះអាងប្រាប់តៃកុងឡានថាខ្លួនជា សមត្ថកិច្ច និងបានគំរាមកំហែងទារប្រាក់ពីតៃកុងឡាន ពិតប្រាកដមែន។

(ភ្នំពេញ)៖  អ្នកបើករថយន្តម៉ាកតូយូតា ហីលុចរ៉េវ៉ូទំនងជាស្រវឹងស្រាបានបើកល្បឿនលឿនក៏រេចង្កូតទៅបុកបង្កាន់ដៃស្ពានបណ្ដាលឱ្យរថយន្តបង្កខូចខ្ទេចផ្នែកខាងមុខ។ ហេតុការណ៍នេះបានកើតឡើង នៅលើស្ពានបាឡេ ក្នុងខណ្ឌជ្រោយចង្វា រាជធានីភ្នំពេញកាលពីយប់ ថ្ងៃទី២៣ ខែសីហា ឆ្នាំ២០២១។ មុនពេលកើតហេតុបុរសបើករថយន្តម៉ាក តូយូតាហីលុច រ៉េវ៉ូពណ៌ខ្មៅពាក់ផ្លាកលេខរដ្ឋ 06 2-0223 ទំនងស្រវឹង  មកដល់ ពាក់កណ្ដាលស្ពាន ស្រាប់តែរេចង្កូតបុកបង្កាន់ដៃ ពេញទំហឹងបណ្ដាលឱ្យ រថយន្តបង្កខូចខ្ទេចមួយកំណាត់មុខតែមិនមានគ្រោះថ្នាក់ដល់មនុស្សទេ។ ក្រោយកើតហេតុម្ចាស់រថយន្តបានបើកទ្វារចុះដើរគេចខ្លួនបាត់ទុករថយន្តចោលលើស្ពានតែត្រូវសមត្ថកិច្ចមក ស្ទូចយករថយន្តនេះទៅរក្សាទុកនៅនគរបាលចរាចរណ៍ផ្លូវគោក រាជធានីភ្នំពេញ រង់ចាំម្ចាស់ចូលខ្លួនដោះស្រាយសំណងទ្រព្យសម្បត្តិរដ្ឋ៕

រាជធានី​ភ្នំពេញ ៖ នៅ​ថ្ងៃ​ទី​២៤ ខែសីហា ឆ្នាំ​២០២១ មន្ត្រី​សាខា​(​ក​.​ប​.​ប​.) ការពារ​អ្នក​ប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ រាជធានី​ភ្នំពេញ បាន​បន្តសកម្មភាព​ចុះ​បង្ក្រាប​បទល្មើស​ដែល​ផ្ទុយ​នឹង​ច្បាប់​ស្តី​ពី​កិច្ច​ការពារ​អ្នក​ប្រើប្រាស់ ជា​លទ្ធផល ត្រូវ​បាន​រក​ឃើញ​ស្ថានីយ និង​ដេប៉ូ​ប្រេងឥន្ធនៈ ចំនួន ៤​ទីតាំង ក្នុង​ចំណោម ៨​ទីតាំង បាន​ប្រកប​អាជីវកម្ម​ប្រេងឥន្ធនៈ ដោយ​មិន​ស្មោះត្រង់ (ចំណុះមិនគ្រប់លីត្រ និងបន្លំប្រេងសាំងធម្មតាជាប្រេងសាំងស៊ុបពែរ ) និង​ត្រូវ​បាន​មន្ត្រី​ជំនាញ​ចាត់វិធានការ​តាម​ច្បាប់​ស្តី​ពី​កិច្ច​ការពារ​អ្នក​ប្រើប្រាស់​ផង​ដែរ ។ ទន្ទឹម​នឹង​នោះ មន្ត្រី​ជំនាញ​(​ក​.​ប​.​ប​.) សាខា​ខេត្តតាកែវ នា​ថ្ងៃ​ទី​២៣ ខែសីហា ឆ្នាំ​២០២១ បាន​ចុះ​អនុវត្ត​ភារកិច្ច​របស់​ខ្លួន ដើម្បី​ត្រួតពិនិត្យ​តាមដាន ការ​ធ្វើ​អាជីវកម្ម​ប្រេងឥន្ធនៈ សំដៅ​ទប់ស្កាត់​នូវ​អំពើ​មិន​សុចរិត​ការពារ​ផលប្រយោជន៍​ជូន​ប្រជាពលរដ្ឋ ដែល​ជា​អ្នក​ប្រើប្រាស់ ។ ជា​លទ្ធផល មន្ត្រី​ជំនាញ​បាន​រក​ឃើញ​ដេប៉ូ​ចំនួន​៣ ក្នុង​ចំណោម​ដេប៉ូ ចំនួន​០៦ នៅ​ក្នុងស្រុក​ត្រាំកក់ ខេត្តតាកែវ បាន​លក់​ប្រេង​ជូន​អតិថិជន​មិន​ស្មោះត្រង់ ហើយ​ត្រូវ​បាន​មន្ត្រី ក​.​ប​.​ប​. អនុវត្ត​វិធានការ​តាម​នីតិវិធី ៕  

ខេត្តកណ្តាល ៖ បើ​តាម​សេចក្តីរាយការណ៍​បានឱ្យ​ដឹង​ថា កូនប្រុស​ម្នាក់​សុំ​លុយ​ពី​ម្ដាយបង្កើត ដើម្បី​យក​លុយ​ទៅ​សងបំណុល​គេ លុះ​ពេល​សុំ​លុយ​ពី​ម្តាយ​មិន​បាន ក៏​សម្រេចចិត្ត​ដុត​ផ្ទះ​ចោល​ខ្ទេច រួច​រត់គេច​ខ្លួន​បាន​មួយ​ថ្ងៃ ក៏​ត្រូវ​សមត្ថកិច្ច​ចាប់​បាន​មក​វិញ ។ ហេតុការណ៍​នេះ​បាន​កើតឡើង​នៅ​ថ្ងៃ​ទី​២១ ខែសីហា ឆ្នាំ​២០២១ វេលា​ម៉ោង​១២​និង​១៥​នាទី​ថ្ងៃត្រង់ នៅ​ចំណុច​ភូមិ​តា​ដោល​ទី​១ ឃុំ អំពៅព្រៃ ស្រុក​កណ្ដាលស្ទឹង ខេត្តកណ្ដាល ។ សេចក្តីរាយការណ៍​បន្ត​ថា ជន​រង​គ្រោះ​ឈ្មោះ យុន ផាត ភេទ​ស្រី អាយុ​៦៨​ឆ្នាំ មាន​ទីលំនៅ​ភូមិ​តា​ដោល​ទី​១ ឃុំ​អំពៅព្រៃ ស្រុក​កណ្តាល​ស្ទឹង ខេត្តកណ្ដាល មុខរបរ​កសិករ (​ត្រូវជា​ម្តាយ​)​។ ចំណែក​ជនសង្ស័យ​ឈ្មោះ សេន ម៉ៅ ភេទ​ប្រុស អាយុ​៣២​ឆ្នាំ មាន​ទីលំនៅ​ភូមិ​តា​ដោល​ទី​១ ឃុំ​អំពៅព្រៃ ស្រុក​កណ្ដាលស្ទឹង ខេត្តកណ្ដាល មុខរបរ មិន​ពិតប្រាកដ (​ត្រូវជា​កូន​) ។ បើ​តាម​សាក្សី​នៅ​ក្បែរ​កន្លែង​កើតហេតុ​បានអោយ​ដឹង​ថា នៅ​ថ្ងៃ​ទី​២០ ខែសីហា ឆ្នាំ​២០២១ មុន​ពេល​កើតហេតុ ជនសង្ស័យ​ខាងលើ បាន​សុំ​លុយ​ពី​ម្ដាយបង្កើត​របស់​ខ្លួន ដើម្បី​យក​លុយ​ទៅ​សងបំណុល​គេ ប៉ុន្តែ​ម្ដាយ​មិន​ឲ្យ ស្រាប់តែ​ជនសង្ស័យ​ខាងលើ​ខឹង​ម្ដាយ […]

សៀមរាប​ ៖​ សាកសព​បុរស​ម្នាក់​ត្រូវ​បាន​គេ​ប្រទះ​ឃើញ​នៅ​ចំណុច​ស្ទឹង​សង្កែ​ ស្ថិត​ក្នុង​ ភូមិ​ទ្រាយ​ ឃុំ​ពោធិ៍​ទ្រាយ​ ស្រុក​ពួក​ ខេត្តសៀមរាប​ វេលា​ម៉ោង​០៨​និង​៣០​នាទី​ព្រឹក​ ថ្ងៃ​ទី​២១​ ខែសីហា​ ឆ្នាំ​២០២១​ ។​ លោក​វរសេនីយ៍ឯក​ ទេព​ ពុំសែន​ អធិការ​នៃ​អធិការដ្ឋាន​នគរបាល​ស្រុក​ពួក​បានអោយ​ដឹង​ថា​ នៅ​វេលា​ម៉ោង​១៨​ និង​៣០​នាទី​ ថ្ងៃ​ទី​២០​ ខែសីហា​ ឆ្នាំ​២០២១​ ជន​រង​គ្រោះ​បាន​អង្គុយ​ផឹក​ស្រាស​ជាមួយ​មិត្តភក្តិ​ ០២​នាក់​ :​ ១.​ ឈ្មោះ​ អ៊ី​ ភេទ​ប្រុស​ អាយុ​៥២​ឆ្នាំ​ ២.​ ឈ្មោះ​ ជា​ វ៉ិ​ត​ ភេទ​ប្រុស​ អាយុ​ ៣៤​ឆ្នាំ​ រស់នៅ​ភូមិ​ជុំ​គ្នា​ បាន​ផឹក​ស្រាស​អស់​ ចំនួន​ ៣.៥​លី​ត្រ​ រួច​បែក​គ្នា​នៅ​វេលា​ម៉ោង​ ២០​ និង​១៥​នាទី​ ។​ ចំណែក​ជន​រង​គ្រោះ​បាន​អុំ​កាណូត​(​មិន​បញ្ឆេះ​ម៉ាស៊ីន​)​ តែ​ម្នាក់ឯង​ទៅ​ផ្ទះ​លើ​ដីចំការ​ ។​ លុះ​នៅ​ម៉ោង​ប្រហែល​ ០៧​ និង​៣០​នាទី​ព្រឹក​ ថ្ងៃ​ទី​២១​ ខែសីហា​ ឆ្នាំ​២០២១​ ត្រូវ​បាន​បងប្អូន​អ្នក​ភូមិ​ឃើញ​កាណូត​របស់​ជន​រង​គ្រោះ​អណ្ដែត​លើ​ទឹក​(​ស្ទឹង​)​ […]

ខេត្ត​ប៉ៃលិន​៖ នៅ​ព្រឹក​ថ្ងៃទី​២១ ខែសីហា ឆ្នាំ​២០២១ លោកជំទាវ បាន ស្រីមុំ អភិបាលខេត្ត​ប៉ៃលិន និង​ឯកឧត្តម សៅ សារ៉ាត់ អ្នកតំណាងរាស្ត្រ​មណ្ឌល​ប៉ៃលិន បាន​ដឹកនាំ​មន្ត្រី​នៃ​មន្ទីរជំនាញ ចុះ​អន្តរាគមន៍ បើក​ទំនប់ទឹក ដែល​ប្រជាពលរដ្ឋ​មួយចំនួន​តូច ខ្វះ​ការយល់ដឹង នាំគ្នា​បិទ​ខ្ទប់​ទុក​ទឹក សម្រាប់​បង្ហូរ​ចូល​តែ​ស្រែ​របស់ខ្លួន​។ បញ្ហា​នេះ តែងតែ​កើតមានឡើង​ជាច្រើន​ឆ្នាំ និង​មានការ​ឈ្លោះទាស់ទែង​ពាក្យសម្តី​គ្នា រហូតមកដល់​ពេលនេះ​។ ជម្លោះ​ដណ្តើម​ទឹក​នេះ កើតឡើង នៅ​ភូមិ​ភ្នំ​កុយ (​ចំនុច​សំបូរ​) ឃុំ​សាលា​ក្រៅ ស្រុក​សាលា​ក្រៅ ខេត្ត​ប៉ៃលិន​។ នៅពេល​ពិនិត្យ​ដីស្រែ និង​ប្រព័ន្ធ​ប្រឡាយ​របស់​ប្រជាពលរដ្ឋ​ខ្វះខាត​ទឹក លោកជំទាវ បាន ស្រីមុំ អភិបាលខេត្ត​ប៉ៃលិន បាន​ចាត់​អោយ​មន្ត្រី​ចុះ​បើក​ផ្លូវទឹក ដែល​បាន​បិទ​ខ្ទប់​បង្ហូរ​ចូល​ស្រែ​តែ​បុគ្គល​រៀងខ្លួន ដោយ​មិនបាន​គិតដល់​ប្រយោជន៍​រួម​។ លោកជំទាវ បាន​អំពាវនាវ​ដល់​កសិករ​ទាំងអស់ ដែលមាន​ដីស្រែ នៅជាប់​នឹង​មាត់​ប្រឡាយទឹក មិនត្រូវ​គិតតែ​ពី​ផលប្រយោជន៍​បុគ្គល​ឡើយ គឺ​ត្រូវ​គិតពី​ផលប្រយោជន៍​រួម ពោលគឺ​មិនត្រូវ​ធ្វើ​ទំនប់ ទប់ទឹក​ប្រឡាយ សម្រាប់​បង្ហូរ​ចូល​ដីស្រែ​របស់ខ្លួន​តែម្នាក់ឯង​នោះឡើយ គឺ​ត្រូវ​បង្ហូរ​ចែកចាយ​ដល់​ប្រជាកសិករ ដែលមាន​ដីស្រែ នៅ​ផ្នែក​ខាងក្រោយ និង​ខាងក្រោមៗ​ផងដែរ​។ ម្យ៉ាងវិញទៀត បើសិន​ជាមាន បងប្អូន​ប្រជាពលរដ្ឋ​ណា​ម្នាក់ […]

ភ្នំពេញ ៖ កម្លាំងនគរបាលមន្ទីរប្រយុទ្ធប្រឆាំងគ្រឿងញៀន (ក៧) នៃអគ្គស្នងការ នគរបាលជាតិ បានចុះបង្ក្រាបមុខសញ្ញាជួញដូរគ្រឿងញៀន រហូតឈានដល់ការផ្ទុះអាវុធចំនួន៧គ្រាប់ ឃាត់ខ្លួនជនសង្ស័យចំនួន២នាក់ រួមទាំងវត្ថុតាងមួយចំនួន។ ប្រតិបត្តិការនេះបង្កការភ្ញាក់ផ្អើល នៅវេលាម៉ោង២រសៀលថ្ងៃទី១៩ ខែសីហា ឆ្នាំ២០២១នេះ នៅចំណុចស្តុបផ្ទះសំណាក់ហេងលៀប តាមបណ្ដោយផ្លូវជាតិលេខ ៦អា ស្ថិតនៅសង្កាត់ព្រែកលាប ខណ្ឌជ្រោយចង្វាររាជធានីភ្នំពេញ។ តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា នៅមុនពេលកើតហេតុ ឃើញមានរថយន្តថែមទាំងម៉ូតូធ្វើដំណើរតាមបណ្ដោយផ្លូវលេខ៦A ក្នុងទិសដៅពីត្បូងទៅជើង គោលបំណងចេញពីទីក្រុងភ្នំពេញ ខណ:មកដល់នៅចំណុចស្តុប ផ្ទះសំណាក់ហេងលៀប តាមបណ្ដោយផ្លូវជាតិលេខ ៦A ស្រាប់តែកម្លាំងសមត្ថកិច្ចទាំងឯកសណ្ឋាននិ ងស៊ីវិល ចុះប្រសាចពេញផ្លូវ រួចបានដកកាំភ្លើង បាញ់ចំនួន៧គ្រាប់ រួមមានទាំងអាវុធខ្លី និងវែងផងដែរ តែក្នុងប្រតិបត្តិការនេះមិនបណ្ដាលឱ្យមានមនុស្សរងរបួសឡើយ ។ ក្រោយប្រតិបត្តិការ បានប្រមូលគ្នាឡើងរថយន្តចាកចេញពីកន្លែងកើតហេតុភ្លាមៗ ។ ចំណែកកម្លាំងសមត្ថកិច្ចមូលដ្ឋានបានចុះមកដល់ទីតាំងកើតហេតុ បានបញ្ចាក់ថា៖ ពាក់ព័ន្ធករណីនេះ គឺប្រតិបត្តិការរបស់កម្លាំងមន្ទីរប្រឆាំងគ្រឿង ចុះចាប់ជនសង្ស័យរួមទាំងវត្ថុតាង ៕

ប្តី ប្រពន្ធ  ១គូរ បាន ឈ្លោះប្រកែក គ្នា រហូត ឈានទៅដល់ ការដុត ពូក ដែល នៅក្នុង ផ្ទះ បណ្តាលឱ្យ ឆាបឆេះ ផ្សែង ខ្មួរ ខ្មាញ់ បង្ក ការ ភ្ញាក់ ផ្អើ ល ដល់ បងប្អូន ប្រជាពលរដ្ឋ និង សមត្ថកិច្ច ហៅ រថយន្ត ពន្លត់ អគ្គិភ័យ មក ចុះ អន្តរាគមន៍ កាលពីវេលា ម៉ោង១ និង ១៨ នាទី រសៀល ថ្ងៃទី ១៨ ខែសីហា ឆ្នាំ ២០២១ នេះ ស្ថិតនៅ ចំណុច ផ្លូវ ព្រះមុន្នី រ៉េត ភូមិ ៤ សង្កាត់ […]

ខេត្ត​បន្ទាយមានជ័យ៖ មជ្ឈមណ្ឌលជីវិតថ្មី ភ្នំបាក់ ដែលជាកន្លែងបន្សាបគ្រឿងញៀន បានអ្នក​រកឃើញវិជ្ជមានកូវីដ ១៩ ចំនួន ១៣២នាក់ ​ក្នុងចំណោមអ្នកធ្វើតេស្ត​ជិត ៧០០នាក់។ ក្នុងនោះ នៅខេត្តបន្ទាយមានជ័យ មានអ្នកឆ្លងកូវីដ១៩ ចំនួន ៣៨៧នាក់ នៅថ្ងៃទី១៧ ខែសីហា ឆ្នាំ២០២១។ លោក ភា មានិត ប្រធានមជ្ឈមណ្ឌលជីវិតថ្មី ភ្នំបាក់ បានអោយដឹងនៅ​ថ្ងៃទី១៧ ខែសីហា ឆ្នាំ២០២១ ថា នៅថ្ងៃទី១៦ ដល់ថ្ងៃទី១៧ ខែសីហា ឆ្នាំ២០២១ នេះ មណ្ឌលកែប្រែជីវិតថ្មី ភ្នំបាក់ បានរកឃើញវិជ្ជមានកូវីដ១៩ ចំនួន ១៣២នាក់ ក្នុងនោះ មានមន្ត្រីបម្រើ​ការងារ ក្នុងមណ្ឌលចំនួន ៣នាក់ បានឆ្លងកូវីដ.១៩ ក្នុងចំណោមមន្ត្រីសរុប ១៥នាក់។ លោកបានបញ្ជាក់ថា ជាការខិតខំយកចិត្តទុកដាក់ពីអភិបាលបាលខេត្តបន្ទាយមានជ័យ ឯកឧត្តម អ៊ុំ រាត្រី ទាំងគ្រូពេទ្យ ប្រចាំក្នុងមណ្ឌល សហការជាមួយគ្រូពេទ្យចល័តរបស់មន្ទីសុខាភិបាលខេត្ត បានជួយយកសំណាក់យុវជន ដែលកំពុងកែប្រែ និងមន្ត្រីបម្រើការងារ […]

រាជធានី​ភ្នំពេញ​ ៖ ហេតុការណ៍​នេះ​បាន​បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​៦​និង​៣០​នាទី ព្រឹក​ថ្ងៃ​ទី​១៧ ខែសីហា ឆ្នាំ​២០២១ នៅ​ក្នុង​បន្ទប់​ជួល​លេខ​៦ អគារ​លេខ​៦១ ក្នុង​បរិវេណ​សួន​ឧស្សាហកម្ម កា​ណា​ឌី​យ៉ា ស្ថិត​នៅ​ក្នុងភូមិ​ត្រពាំង​ថ្លឹង សង្កាត់ ចោម​ចៅ​ទី​១ ខណ្ឌ​ពោធិ៍​សែន​ជ័យ រាជធានី​ភ្នំពេញ​។ ស្ត្រី​​រងគ្រោះ​​ឈ្មោះ​ថា អៀង អាយុ​២៥​ឆ្នាំ មុខរបរ​កម្មការិនី​រោងចក្រ​កាត់ដេរ មានស្រុក​កំ​ណើ​ត នៅ​ស្រុក​បារ​ភ្នំ ខេត្តព្រៃវែង​ ។ ស្ត្រី​​រងគ្រោះ​​មាន​ប្ដី​ជា​កម្មករ​រោងចក្រ​កាត់ដេរ​ដូច​គ្នា​ដែរ​។ តាម​ប្រភព​ព័ត៌មាន​ពី​កន្លែង​កើតហេតុ​បាន​ឲ្យ​ដឹង​ថា កន្លង​មក​ប្ដី​ប្រពន្ធ​១​គូនេះ​តែងតែ​ឈ្លោះប្រកែក​គ្នា​ជា​រឿយ​ៗ ហើយ​ដើមចម​ចេញពី​ភ្លើង​ប្រច័ណ្ឌ​តែ​ម្ដង​ ។ ​ដោយ​អ្នក​ទាំង​២​នាក់​ប្រច័ណ្ឌ​គ្នា​ទៅ​វិញ​ទៅ​មក ។ មុន​ពេល​កើ​ត​ហេតុ​ ​នៅ​​វេលា​យប់​ថ្ងៃ​ទី​១៦ ខែសីហា ក៏​បាន​ឈ្លោះប្រកែក​គ្នា​យ៉ាង​ខ្លាំង​ម្ដងទៀត​។ តាម​ប្រភព​ដដែល​បាន​បន្ត​ថា ខណៈនោះ​បាន​បង្ក​ឲ្យ​មានការ​ភ្ញាក់ផ្អើល​ដល់​អ្នក​ជិតខាង​នាំ​គ្នា​ឃាត់​ទាំង​យប់ ហើយ​បន្ទាប់​ពី​ឈ្លោះ​គ្នា​រួច​មក អ្នក​ទាំង​ពី​ក៏​បាន​គេង​បន្ទប់​ផ្សេង​គ្នា ​ដោយ​ពុំ​មាន​នរណា​ចាប់​អារ​ម្ម​ណ៍ ​ឬ​គិត​ថា​​ស្ត្រី​ជា​ប្រពន្ធ​បញ្ចប់ជីវិត​បែប​​នេះ​​ឡើយ លុះ​ព្រឹក​ឡើ​ង​ដោយសារ​តែ​ពុំ​ឃើញ​នាង​ចេញ​ទៅ​ធ្វើ​ការងារ ទើប​មិត្តភក្ដិ​ទៅ​ហៅ តែ​មិន​ឮ​ឆ្លើយ​តប​សោះ ក៏​នាំ​គ្នា​ទម្លាយ​ទ្វារ​ចូល​មើល ស្រាប់តែប្រទះ​ឃើញ​​​នាង​យក​អៀម​ចង​ភ្ជាប់​​ជាមួយ​ដែក​បង្កាន់ដៃ​ធ្នឹម​ឡៅតឿ ​បណ្តាល​ឱ្យបាត់​​បង់ជីវិត​បាត់​ទៅ​ហើយ​។ បន្ទាប់ពីកើតហេតុ ក៏​​បាន​រាយការណ៍​ជូន​នគរបាល​ប៉ុស្តិ៍​ចោម​ចៅ​ទី​១ ដើម្បី​រាយការណ៍​បន្ត​ទៅ​កាន់​នគរបាល​ការិយាល័យ​បច្ចេកទេស​វិទ្យាសាស្ត្រ​នៃ​ស្នងការដ្ឋាន​នគរបាល​រាជធានី​ភ្នំពេញ​ចុះ​ទៅ​ពិនិត្យ​កោសល្យវិច័យ​ និង​ប្រគល់​ស.ព​ជូន​ក្រុម​គ្រួសារ​នាំ​យក​ធ្វើបុណ្យ​តាម​ប្រពៃណី​ ៕​

រាជធានី​ភ្នំពេញ ៖ អ្នក​ជិះ​កង់​ចំនួន​១២​គ្រឿង និង​ម៉ូតូ​ចំនួន​៤​គ្រឿង បាន​ជិះ​បញ្ច្រាស់​សួនច្បារ និង​រង្វង់​មូល​វិមាន​ឯករាជ្យ ត្រូវ​បាន​សមត្ថកិច្ច​ចាប់​ឃាត​អប់រំ និង​ពិន័យ​ឱ្យ​រាងចាល​។ ជាង​៣​ឆ្នាំ​ ហើយ បើ​គិត​ចាប់ពី​ថ្ងៃ​ទី​០១ ខែមករា ឆ្នាំ​២០១៨ រហូត​ដល់​ថ្ងៃ​ទី​១៧ ខែសីហា ឆ្នាំ​២០២១​នេះ ដែល​កម្លាំង​គណៈ​បញ្ជាការ​ឯកភាព​ខណ្ឌដូនពេញ បាន​សហការ​ជាមួយ​ការិយាល័យ​ចរាចរណ៍​ជើង​គោក​នៃ​ស្នងការដ្ឋាន​នគរបាល​រាជធានី​ភ្នំពេញ បាន​ដាក់​វេ​ណ​ជា​ប្រចាំ ដើម្បី​ចាប់​ឃាត់​ម៉ូតូ និង​រថយន្ត បើក​បញ្ច្រាសទិស​ដៅ​ចរាចរណ៍ នៅ​រង្វង់​មូល​ជុំវិញ​វិមាន​ឯករាជ្យ បន្ទាប់​ពី​មាន​បទបញ្ជា​របស់​សម្តេច អគ្គមហាសេនាបតី​តេ​ជោ ហ៊ុន សែន នោះ ។ លោក សុខ ពេញ​វុ​ធ អភិបាល​ខណ្ឌដូនពេញ បានអោយដឹងថា ចាប់ពី​ពេល​នេះ​តទៅ មិន​អនុញ្ញាត​ឱ្យ​មាន​អ្នក​ជិះ​កង់​លើ​សួនច្បារ​ទៀត​ទេ ហើយ​ចំពោះ​អ្នក​ជិះ​បញ្ច្រាស់​ក៏​ត្រូវ​ចាប់​ឃាត់​ដោយ​មិន​មានការ​លើកលែង​ដែរ​។ ទាក់ទិន​ទៅ​នឹង​ករណី​ជិះ​បញ្ច្រាស់​សួនច្បារ​វិមាន​ឯករាជ្យ លោក សុខ ពេញ​វុ​ធ បាន​បញ្ជាក់​ថា ចំពោះ​ករណី​អ្នក​ជិះ​ល្មើសច្បាប់​ចរា​ចរណ៍ ទាំង​អ្នក​ជិះ​កង់ ម៉ូតូ និង​យានជំនិះ​ផ្សេង​ៗ​នៅ​វិមាន​ឯករាជ្យ យើង​ត្រូវ​ធ្វើការ​អនុវត្ត​ការ​ផាកពិន័យ​ដូច​អ្នក​ល្មើសច្បាប់​ចរាចរណ៍​ជើង​គោក​ដែរ ដែល​ការងារ​នេះ​ត្រូវ​ប្រគល់​ឱ្យ​ការិយាល័យ​ចរាចរណ៍​ជើង​គោក ដោយ​ខណ្ឌ​មិន​លូកដៃ​ទេ​។ លោក​បន្ត​ថា បច្ចុប្បន្ន​នេះ មាន​បងប្អូន​អ្នក​ជិះ​កង់​មួយ​ចំនួន​មានការ​យល់​ច្រឡំ​ថា ខ្លួន​ដូច​អ្នក​ដើរ​ហាត់ប្រាណ​ដែរ គឺ​អ្នក​ហាត់ប្រាណ​គាត់​ដើរ​លើ​សួនច្បារ គាត់​បត់​មួយ​ជុំ​អត់​កុង​វិមាន​ឯករាជ្យ​ទេចឹ​ង​គាត់​ជា​អ្នក​ហាត់ប្រាណ […]

រាជធានី​ភ្នំពេញ ៖ សត្វ​តោ​ឈ្មោះ «​ហ៊ី​ម៉ា​» ដែល​បុរស​ជនជាតិ​ចិន យក​មក​ចិញ្ចឹម​ក្នុងផ្ទះ​វីឡា ស្ថិត​នៅផ្ទះ​លេខ​២២ ផ្លូវ​៣០៦ ភូមិ​៧ សង្កាត់​បឹង​កេងកង​១ ខណ្ឌ​បឹង​កេងកង​នោះ ត្រូវ​បាន​ប្រជាពលរដ្ឋ​ប្រទះ​ឃើញ និង​ថត​វី​ដេ​អូ​បាន នា​ព្រឹក​ថ្ងៃ​ទី​១៦ សីហា ២០២១​នេះ ពី​សកម្មភាព​របស់​សត្វ​តោ​ឈ្មោល​១​ក្បាល​នេះ ដើរ​ចេញ​ខាងក្រៅ​ផ្ទះ​វីឡា ។ បើ​តាម​រូបភាព និង​វី​ដេ​អូ ដែល​គេ​បង្ហោះ​នៅ​លើ​បណ្តាញ​សង្គម Twitter បាន​បង្ហាញ​ថា បន្ទាប់​ពី​សត្វ​តោ​រួច​ចេញពីផ្ទះ​វីឡា ដើរ​លើ​ចិញ្ចើម​ផ្លូវ បុរស​ជនជាតិ​ចិន ជា​ម្ចាស់​តោ ក៏​បាន​តាម​មក​ចាប់​យក​ចូល​ទៅ​ក្នុងផ្ទះ​វីឡា​វិញ ផង​ដែរ ។ កន្លង​មក បុរស​ជនជាតិ​ចិន​ឈ្មោះ TOM MU ដែល​ប្រើ​គណនី​ហ្វេ​ស​ប៊ុ​ក «Qi Xiao» បាន​អនុញ្ញាត​អោយ​បងប្អូន​ប្រជាពលរដ្ឋ​ជា​ច្រើន ចូល​ក្នុង​វីឡា មើល​សត្វ​តោ​ផ្ទាល់ និង​ថតរូប​ជាមួយ​វា ប៉ុន្តែ​ក្រោយមក ដោយសារ​ខ្លាច​មានការ​ឆ្លង​រីក​រាលដាល នៃ​ជំងឺ​កូ​វី​ដ​-១៩ បុរស​ជនជាតិ​ចិន​រូប​នោះ ក៏​បាន​ផ្អាក​វិញ ។ សូម​ជម្រាប​ដែរ​ថា សត្វ​តោ​ឈ្មោល​១​ក្បាល​នេះ មាន​ទម្ងន់​ជាង​៧០​គីឡូក្រាម ត្រូវ​បាន​បុរស​ជនជាតិ​ចិន យក​មក​ចិញ្ចឹម​តាំងពី​តូច រហូត​ដល់​ពេល​នេះ មាន​អាយុប្រមាណ […]

រាជធានី​ភ្នំពេញ​ ៖​ នៅ​ក្នុង​រយះ​ពេល​២​ថ្ងៃ​ជាប់​ៗ​អាជ្ញាធរ ខណ្ឌ​ជ្រោយចង្វារ​បាន​សហការ​ជាមួយ​សង្កាត់​ព្រែក​លៀប បាន​ធ្វើការ​បិទ​ខ្ទប់​បុរី​អ័​រ​គី​ដេ​និង​បុរី​ប៉េង​ហួត ក្នុងភូមិ​ខ្ទរ ព្រមទាំង​កំណាត់​ផ្លូវ​សម្តេច​ជា​ស៊ី​ម និង​ផ្សារ​ព្រែក​ខ្វិត ស្ថិត​នៅ​ក្នុងភូមិ​ព្រែក​លៀប​សង្កាត់​ព្រែក​លៀប ខណ្ឌ​ជ្រោយចង្វារ ដើម្បី​យក​សំណាក​លើ​កម្មករ អាជីវករ និង​អ្នក​លក់ដូរ ប្រជាពលរដ្ឋ នៅ​ជុំវិញ ដោយ​រក​ឃើញ នូវ​វិជ្ជមាន​កូ​វី​ដ​១៩​សរុប​ទាំងអស់​ចំនួន ៧៧​នាក់ ដែល​ក្នុង​នោះ មាន​ផ្ទុកមេរោគ​ទាំង​៣​ប្រភេទ​ទាំង​ចាស់​និង​ថ្មី ។ តាម​ព័ត៌មាន​អោយ​ដឹង​ថា កាលពី​ថ្ងៃ​ទី​១៥​ ខែ​សីហា អាជ្ញាធរ​ខណ្ឌ​ជ្រោយចង្វារ​បាន​ធ្វើការ​បិទ​ខ្ទប់​បុរី​ចំនួន​២ ​នៅ​ក្នុងភូមិ​ខ្ទរ​សង្កាត់​ព្រែក​លៀប ក្នុង​នោះ​រោង​កម្មករ​បុរី​អ័​រ​គី​ដេ ផ្លូវ​ប៊ី​អេស ដើម្បី​រក​សំណាករក​ឃើញ​វិជ្ជមាន​លើ​កម្មករ​ចំនួន​៧​នាក់​ក្នុង​ចំណោម​អ្នក​ធ្វើ​យក​សំណាក​ធ្វើតេស្ត​ចំនួន​៩៥​នាក់​។ ដោយឡែក​នៅ​ព្រឹក​ថ្ងៃ​ទី​១៥ ខែ សីហា ឆ្នាំ ២០២១​ នោះ​ដែរ​ អាជ្ញាធរ​បិទ​ខ្ទប់ បុរី​ប៉េង ហួត ស្ថិត​នៅ​សង្កាត់​ព្រែក​លៀប ដើម្បី​យក​សំណាក​កម្មករ​រហូត​ដល់​វេលា​ម៉ោង​ប្រមាណ​៦​ល្ងាច​ទើប​បញ្ចប់​រក​ឃើញ​វិជ្ជមាន​ចំនួន​៦៤​នាក់​ ស្រី​២២​នាក់ ក្នុង​ចំណោម​អ្នក​យក​សំណាក​ទាំងអស់​ចំនួន​២៩១​នាក់​ ។ ​អ្នក​វិជ្ជមាន​ទាំង​៦៤ នាក់ ត្រូវ​បាន​ក្រុម​គ្រូពេទ្យ​បញ្ជូន​ទៅ​មណ្ឌល​ព្យាបាល​នៅ​មង្គល​ឧត្តម ។​បន្ទាប់​ពី​យក​សំណាកទីតាំង​ត្រូវ​បាន​អាជ្ញាធរ​បិទ​ខ្ទប់​ដើម្បី​ធ្វើ​ច​ត្តា​ឡី​ស័ក​។ ដោយឡែក​ផ្សារ​ព្រែក​ខ្វិត​នេះ ត្រូវ​បាន​អាជ្ញាធរ បិទ​ខ្ទប់​កាលពី​វេលា​ម៉ោង​ប្រមាណ​៨​ព្រឹក ថ្ងៃ​ទី​១៦ ​ខែសីហា ឆ្នាំ២០២១ បន្ទាប់​ពី ក្រុម​គ្រូពេទ្យ​រក​ឃើញ​អ្នក​វិជ្ជមាន​កូ​វី​ដ​១៩​​បំប្លែង​ថ្មី​ដែល​តា​ជា​ច្រើន​នាក់ […]

សាច់ និងគ្រឿងក្នុងជ្រូកប្រមាណជា១៥០០ គីឡូក្រាម ត្រូវបានមន្ត្រីជំនាញការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តសហការណ៍ ជាមួយកម្លាំងយោធាសឹករង ស្រុកម៉ាឡៃ ចាប់បាននៅ ព្រឹកថ្ងៃទី១៤ សីហា ២០២១ លើដងផ្លូវលំមួយជិត បន្ទាត់ព្រំដែន ក្នុងភូមិសន្តិភាពឃុំទួលពង្រ ស្រុកម៉ា ឡៃ ខេត្តបន្ទាយមានជ័យ សង្ស័យមានលាយសារធាតុគីមី។សូមជម្រាបជូនថា, សាច់ និងគ្រឿងក្នុងជ្រូកចម្រុះនេះ មន្ត្រីជំនាញចាប់ បានស្ថិតលើរថយន្តម៉ាកកូរ៉េ១គ្រឿង ពាក់ស្លាកលេខ បាត់ដំបង ៣A.២៥៦១ ដោយក្នុងនោះមាន៣០កេស ស្នា ដែលក្នុង១កេសមានទម្ងន់៥០គីឡូក្រាម សរុប ១៥០០គីឡូក្រាម។ ចុះបើមិនចាប់ ឬចាប់មិនបាន តើប្រជាពលរដ្ឋងាយរងគ្រោះប៉ះពាល់សុខភាពដល់កម្រិតណាទៅ ?។ អ្វីដែលសំខាន់ឆ្ងល់ថា, ចាប់បានហើយ ហេតុអីក៏មិនមានម្ចាស់ ទៅជាអារញ្ញត្តិជន ! ។ ប្រភពពីមន្រ្តីជំនាញថា ក្រោយឃាត់បានពុំមានជន ណាម្នាក់ ចេញមុខទទួលខុសត្រូវថា ជាម្ចាស់ឡើយ ខណៈអ្នកបើកបររថយន្តដឹកសាច់ និងគ្រឿងក្នុង ខាងលើឆ្លើយបែបដោះសារថា ខ្លួនគ្រាន់តែស៊ីឈ្នួល ដឹកឲ្យ និងមិនស្គាល់ម្ចាស់នោះទេ ហើយថា សាច់ ទាំងនេះគ្រោងដឹកទៅកាន់ខេត្តបាត់ដំបង ។ […]

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា មាន​គ្រោះថ្នាក់​ចរាចរណ៍​មួយ​កើតឡើង​រវាង​ម៉ូតូ​មួយ​គ្រឿង​បុក​ជាមួយនឹង​ម៉ូតូ​មួយ​គ្រឿង​ទៀត ហើយ​ព្យាយាម​បើក​រត់គេច តែ​ត្រូវ​អ្នក​ប្រកប​មុខរបរ​ដឹក​ជញ្ជូន​ម្ហូបអាហារ​ឃើញ​ហេតុការណ៍​ទាន់ ក៏​បើក​ម៉ូតូ​ដេញ​តាម​ទាន់ តែ​បែរជា​ត្រូវ​ចោទ​ថា វាយ​ប្លន់​យក​ម៉ូតូ​ទៅ​វិញ បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​១០​យប់ ថ្ងៃ​ទី​១៤ ខែសីហា ឆ្នាំ​២០២១ នៅ​ចំណុច​ផ្លូវ​ព្រះ​នរោត្តម សង្កាត់​ទន្លេបាសាក់ ខណ្ឌចំការមន ។ ប្រភព​ព័ត៌មាន​ពី​អ្នក​ប្រកប​មុខរបរ​ដឹក​ជញ្ជូន​ម្ហូបអាហារ បាន​ប្រាប់​ឲ្យ​ដឹង​ថា មុន​ពេល​កើតហេតុ មាន​ម៉ូតូ​ម៉ាក HONDA DREAM ពណ៌​ខ្មៅ ស៊េរី​ឆ្នាំ​២០១៨ ពាក់​ស្លាក​លេខ ភ្នំពេញ ១HB-៣៥៧០ បើកបរ​ដោយ​បុរស​ម្នាក់​មាន​អាយុ​៤០​ឆ្នាំ បាន​ឆ្លងកាត់​ទទឹង​ផ្លូវជាតិ​លេខ​២ ចំណែក​ម៉ូតូ​ម៉ាក ZOOMER X ពណ៌​សលាយ​ទឹកក្រូច ស៊េរី​ឆ្នាំ​២០២០ ពាក់​ស្លាក​លេខ កណ្ដាល ១AD-០១៨៤ ឌុ​ប​ប្រពន្ធ​ដែល​មាន​ផ្ទៃពោះ​៦​ខែ ជិះ​តាម​ផ្លូវជាតិ​លេខ​២ ក្នុង​ទិស​ដៅ​ពី​ត្បូង​ទៅ​ជើង ក៏​បាន​បុក​ម៉ូតូ HONDA DREAM ចំ​ពីក្រោយ​ស្លាក​លេខ​ម៉ូតូ ធ្វើ​ឲ្យ​ដួល​ម៉ូតូ​ទាំង​២​គ្រឿង​តែ​ម្តង បណ្តាល​ឱ្យ​រង​របួស​ស្ត្រី​មាន​ផ្ទៃពោះ​។ អ្នក​ប្រកប​មុខរបរ​ដឹក​ជញ្ជូន​ម្ហូបអាហារ​ខាងលើ​បន្ត​ថា ភ្លាម​ៗ​នោះ ខាង​បុរស​ជិះ​ម៉ូតូ HONDA DREAM បាន​លើក​ម៉ូតូ​ឡើង ហើយ​ព្យាយាម​បើក​ម៉ូតូ​រត់គេច ទើប​រូប​គាត់​ដែល​ជា​អ្នក​ប្រកប​មុខរបរ​ដឹក​ជញ្ជូន​អាហារ​ប្រទះ​ឃើញ […]

រាជធានី​ភ្នំពេញ​ ៖ ​រថយន្ត​ក្រឡុក​ស៊ីម៉ង់​តិ៍​មួយ​គ្រឿង បាន​ជាន់​ហ្វ្រាំង​ឈប់​ហ្វ្រាំង​​មិន​ស៊ី ក៍បាន​ទាញ​ចង្កូត​គេច​យានយន្ត ដែល​កំពុង​ឈប់​នៅ​ពីមុខ ក៍បាន​ជ្រុល​ឡើង​សួនច្បារ​ខណ្ឌ​ចែក​ទ្រូងផ្លូវ បុក​ដើម​អំពិលទឹក​បារាំង​មួយ​ដើម​រលើង​ទាំង​ឬ​ស​ហើយ​ជាប់​នៅ​លើ​សួន ។ ហេតុការណ៍​ខាងលើ​នេះ បាន​កើតឡើង​កាលពី​វេលា​ម៉ោង​ប្រមាណ​១០​និង​២៥​នាទី​ព្រឹក​ថ្ងៃ​ទី​១៤ ​ខែសីហា​ ឆ្នាំ​២០២១ ​នៅ​តាម​មហាវិថី​ឈ្នះ​ឈ្នះ​កែង​ផ្លូវជាតិ​លេខ​៦​ក្នុងភូមិ បាក់​ខែង សង្កាត់​បាក់​ខែង ខណ្ឌ​ជ្រោយចង្វារ រាជធានី​ភ្នំពេញ​។ រថយន្ត​ដែល​បង្ក​គ្រោះថ្នាក់​ខាងលើ​ម៉ាក​ FUSO ពណ៌​ស​ ពាក់​ស្លាក​លេខ ​ភ្នំពេញ​ 5A-0647 ​បើកបរ​ដោយ​ឈ្មោះ​ស៊ី វ៉ា ​ភេទ​ប្រុស ​អាយុ ៤២​ឆ្នាំ ។ តាម​ប្រភព​ព័ត៌មាន​បាន​ឲ្យ​ដឹង​ថា នៅ​មុន​ពេល​កើតហេតុ​ រថយន្ត​ក្រឡុក​ស៊ីម៉ង់​តិ៍​ខាងលើ​បាន​ធ្វើ​ដំណើរ​តាម​មហាវិថី​ឈ្នះ​ឈ្នះ​ក្នុង​ទិស​ដៅ​ពី​លិចទៅ​កើត​ក្នុង​ល្បឿនលឿន​ លុះ​​នៅ​ពេល​ជិត​មក​ដល់​ស្តុ​ប​កែង​ផ្លូវជាតិ​លេខ​៦ មាន​យានយន្ត​ឈប់​ស្តុ​ប​ត្រៀបត្រា ខ​ណះ​នោះ រថយន្ត​ក្រឡុក​ស៊ីម៉ង់​ត៍​ទំ​នង​ជា​មាន​ឧបសគ្គ​ក៍បាន​ទាញ​ចង្កូត​គេច​ទៅ​ឆ្វេង​ដៃ​ជ្រុល​ឡើង​សួនច្បារ​បុក​ដើមឈើ​មួយ​ដើម​បាក់​រាប​រលើង​ទាំង​ឬ​ស​តែ​ម្តង​។ តាម​ប្រភពពី​​អ្នកបើកបរ​បានអោយ​ដឹង​ថា មូលហេតុ ដែល​កើត​មាន​គ្រោះថ្នាក់​ ដោយសារ​តែ​រថយន្ត​ដាច់​ហ្វ្រាំង ហើយ​គាត់ក៍បាន​ទាញ​ចង្កូត​ឡើង​សួន​ដើម្បី​បញ្ចៀស​គ្រោះថ្នាក់​ដល់​អ្នកដំណើរ​ដែល​កំពុង​ឈប់​ស្តុ​ប ។ ​បើ​មិន​ធ្វើ​បែប​នេះ វា​អាចបុក​រះ​អ្នកដំណើរ​បង្ក​គ្រោះថ្នាក់​ធ្ងន់ធ្ងរ​។ បន្ទាប់​ពី​​កើតហេតុ​ នគរបាល​ក៍បាន​ចុះ​ទៅ​វាស់វែង រួច​នាំ​យក​រថយន្ត​និង​បើកបរ បញ្ជូន​ទៅ​កាន់​ការិយាល័យ​ចរាចរណ៍​ផ្លូវគោក ដើម្បី​ដោះស្រាយ​សងការ​ខូចខាត​ ៕

លោកស្រី ហ៊ុន ស៊ីណាត ដែលជាប្អូនស្រីបង្កើតសម្តេចតេជោ ហ៊ុន សែន នាយករដ្ឋមន្ត្រី បានសរសេរក្នុងផេករបស់លោកស្រីឈ្មោះ Sinath Hun ថា៖ “មើលទៅរឿងមួយនេះមិនប្រក្រតីទេ ក្នុងការកាត់ក្ដីខ្ញុំធ្លាប់ស្គាល់ក្រុមគ្រួសារនេះយូរហើយ ម្យ៉ាងទៀតហេតុអីបានជាតុលាការយកដីក្មួយស្រី បែន សុធារី ទៅឱ្យអ្នកឈ្លោះគ្នាទៅវិញ? រាស្ត្រសព្វថ្ងៃសង្ឃឹមលើច្បាប់ បើច្បាប់កាត់បែបៗនេះវិញចប់បាត់។ ក្មួយស្រីមានតែសម្ដេចតេជោទេ រត់ទៅរកលោកឱ្យជួយទៅពីព្រោះលោកមានទសពិធរាជធម៌ អាចជួយក្មួយបាន”។ លោកស្រី ហ៊ុន ស៊ីណា បានបន្តថា៖ “សូមតុលាការកំពូលមេត្តាជួយមើលផងក្រុមគ្រួសារនេះ ហេតុអីបានជាយកដីអារី (បែន សុធារី) ឱ្យទៅគេអ៊ីចឹង? ខ្ញុំអត់យល់ទេ កន្លែងដីនេះពួកខ្ញុំញ៊ាំនំបញ្ចុកញឹកញាប់”។ លោកស្រី ហ៊ុន ស៊ីណាន បានសរសេរ Comment ឆ្លើយតបចំពោះឈ្មោះព្រះគុណ ម៉ែ ថា៖ “ចាសលោកមានប្រសាសន៍ពិតជាត្រឹមត្រូវហើយ សម្ដេចសព្វថ្ងៃនេះមួយរយជំពូក។ តែរឿងមួយនេះតុលាការកាត់គ្មានសុក្រឹត និងតម្លាភាពទេ ពីព្រោះ១ និងខុសអយុត្តិធម៌សម្រាប់ក្មួយស្រី បែន សុធារី ណាស់ ដីក្មួយស្រី កាលឪពុករបស់ខ្ញុំនៅរស់គាត់ទៅជាមួយខ្ញុំញឹកញាប់ ហេតុអីបានជាយកដីក្មួយស្រីអស់អញ្ចឹង”។ គួររំលឹកថា កាលពីថ្ងៃទី១៣ […]

សៀមរាប ថ្ងៃព្រហស្ស៤កើតខែស្រាពណ៍ឆ្នាំឆ្លូវព.ស២៥៦៦ត្រូវថ្ងៃទី12ខែសីហាឆ្នាំ2021 មានករណីយស្ត្រីម្នាក់ ឈ្មោះកន ខំ ភេទស្រីអាយុ៣៥ឆ្នាំ មានទីលំនៅភូមិត្រពាំងទឹម ឃុំកណ្តែក ស្រុកប្រាសាទបាគង ខេត្តសៀមរាប បានធ្វើអត្តឃាដ ដោយចងករសម្លាប់ខ្លួន នៅយប់រំលងអាធ្រាតឈានចូលថ្ងៃទី08ខែសីហាឆ្នាំ2021 តាមការផ្តល់ព័ត៌មានពីអ្នកស្រុកក៏ដូចជាឪពុកម្តាយសាកសព បានរៀបរាប់ប្រាប់អ្នកសាព័ត៌មានថា គ្រួសាពីអ្នកប្តីប្រពន្ធនេះ ឧស្សាហ៍មានបញ្ញាទំនាស់ទាស់ទែងគ្នាបង្ករជម្លោះញឹកញាប់ជាប្រចាំ ឯចំណែកលោកជា ចា ដែលត្រូវជាប្តីរបស់សាកសពដែលបានចងករស្លាប់នោះ បានរៀបរាប់ប្រាប់អ្នកសាព័ត៌មានថា ពីដំបូងពីក្បាលល្ងាច លោបានប្រាប់ប្រព្ធលោកថា ឯងអើយកុំផឹកស្រាទៀត ព្រោះយើងជិតដល់ថ្ងៃចាក់វ៉ាក់សាំងជាលើកទី២ទៀតហើយ ពេលនោះគាត់ថាប្រពន្ធគាត់ឆ្លើយតបវិញថា អញផឹកក៏បានស្រេចនឹងអញ បន្តពាក្យសំដីទាស់ទែងគ្នាតិចទួច បន្ទាប់មកទៀតលោកថាខ្លួនលោកមិនបាននៅជាមួយប្រពន្ធគាត់ទេ ឡើងមកមើលក្របី ដែលគាត់ទើបតែទិញថ្មីមកពីភូមិកញ្ចូរ លោកជា ចាបានបន្តទៀតថា ពេលដែលគាត់ត្រឡប់មកពីមើលក្របីវិញ មកដល់ផ្ទះទាំងយប់អាធ្រាត ម៉ោងប្រហែលជា២ជាង គាត់បានមកដល់ផ្ទះ គាត់ថាផ្ទះគាត់បានបិតទ្វាជិតងងឹតមិនបានបើកភ្លើងទេ គាត់បានស្រែកហៅប្រពន្ធគាត់ តែប្រពន្ធគាត់មិនបានឆ្លើយតបគាត់ទេ គាត់បានមកហៅឪពុកម្តាយក្មេកសួនាំនឹងជួយរកប្រពន្ធគាត់ ក្រោយមកទៀតគាត់បានថា គាស់ទ្វាផ្ទះចូលទៅរកដល់បន្ទប់ទឹក ហើយក៏បានឃើញបន្ទប់ទឹកជាប់សោទៀត ពេលគាស់ទ្វាមើលទៅទើបឃើញប្រពន្ធគាត់បានចងករសម្លាប់ខ្លួននៅក្នុងបន្ទប់ទឹកបាត់ទៅហើយ នេះជាការរៀបរាប់របស់ប្តីសាកសព ប៉ុន្តែក្នុងករណីយនេះមានបងប្អូនសាច់ញាតិខាងស្ត្រីជនរងគ្រោះដោយសារចងករសម្លាប់ខ្លួននោះមិនអស់ចិត្ត មូលហេតុគាត់ប្រាប់ថា ស្រ្តីចងករសម្លាប់ខ្លួននោះចងតែខ្សែអង្រឹងអោយកូនដេកសឹងតែមិនចេះចងផង ហេតុអីក៏ខ្សែដែលចងករនឹងបន្ទប់ទឹកចងបានមាំមួនរឹតយ៉ាងតឹងរឹងបានល្អម្លេះ បងប្អូនសាច់ញាតិខាងស្រ្តីបញ្ជាក់ទៀតថា ខ្សែចងករស្រ្តីរឹតករយ៉ាងតឹង ហើយមានស្នាមជាំខ្លះៗនៅក្បែករ ហើយសាសពលុតជង្គង់នឹងការ៉ូមិនមែនជើងផុតពីដីទេ គាត់បានឈរផ្ទឹមសាកសពស្មើចង្កេះគាត់ […]

ខេត្តតាកែវ ៖ នៅថ្ងៃចន្ទ ១កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៩ ខែសីហា ឆ្នាំ២០២១ វេលាម៉ោង២៣ និង២០នាទី កម្លាំងអធិការដ្ឋាននគរបាលស្រុកបាទី បានទទួលព័ត៌មាន អំពី ករណី អត្តឃាត ដោយចងករមួយ ករណី នៅចំណុចភូមិខ្វាយខម ឃុំដូង ស្រុកបាទី ជនរងគ្រោះឈ្មោះ ឌី ង៉ាន់ ភេទស្រី អាយុ៤៥ឆ្នាំ រស់នៅភូមិ-ឃុំកើតហេតុ បានយកទុយោជ័ពណ៌ស មួយកំណាត់ទៅចងកជាមួយក្បាំងគ្រែក្នុងបន្ទប់ក្រោមផ្ទះ ។ ក្រោយទទួលព័ត៌មានកម្លាំងជំនាញបច្ចេកទេស និងវិទ្យាសាស្ត្រ នៃស្នងការដ្ឋាននគរបាលខេត្តតាកែវ សហការ ជាមួយកម្លាំងជំនាញអធិការដ្ឋាននគរបាលស្រុកបាទី ចុះធ្វើកោសល្យវិច្ច័យសាកសពរួចសន្និដ្ឋានថាជាករណីឃាតកម្ម។ ក្រោមការដឹកនាំរបស់លោកឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ និងមានការសម្របសម្រួលនីតិវិធីពីសំណាក់ឯកឧត្តមព្រះរាជអាជ្ញាអមសាលាដំបូងខេត្តតាកែវ កម្លាំងធ្វើការស្រាវជ្រាវយ៉ាងម្មត់ចត់ដើម្បីកំណត់មុខសញ្ញា រហូតដល់ថ្ងៃទី១១ ខែសីហា ឆ្នាំ២០២១ វេលាម៉ោង ៧ និង ៣០នាទី កម្លាំងជំនាញបានឃាត់ខ្លួនជនសង្ស័យ ឈ្មោះ ឃឹង […]

រាជធានីភ្នំពេញ ៖ហេតុការណ៍​​នេះ​បង្ក​ឱ្យ​មាន​ការ​ភ្ញាក់ផ្អើល​​កើតឡើង​កាលពី​វេលា​ម៉ោង​១២និង​៣០​នាទី​រំលងអា​ធ្រា​ត្រ​ឈាន​ចូល​ថ្ងៃ​ទី​១២ ខែសីហា ឆ្នាំ​២០២១ នៅ​ក្នុងភូមិ​១៦ (​ហៅ​ផ្សារ រន្ទះបាញ់ ) សង្កាត់​ទន្លេបាសាក់ ខណ្ឌចំការមន ​រាជធានីភ្នំពេញ​។ ជនសង្ស័យទាំង២នាក់ដែលត្រូវឃាត់ខ្លួន ​ក្នុងនោះម្នាក់​ឈ្មោះ អ៊ឹម យូ​សែ​ប ភេទប្រុស អាយុ​២០​ឆ្នាំ មុខរបរ​រត់​ម៉ូតូ​កង់​បី ស្នាក់​នៅផ្ទះ​លេខ​B2 ផ្លូវ​បេតុង ភូមិ​បុរី​កម្មករ សង្កាត់​ដង្កោ ខណ្ឌដង្កោ ជា​អ្នក​បើក​ម៉ូតូ​កង់​បី មាន​សារធាតុ​ញៀន ​និងម្នាក់ទៀត​​ឈ្មោះ អឿ សម្បត្តិ ភេទប្រុស អាយុ​៣០​ឆ្នាំ មុខរបរ​មិន​ពិតប្រាកដ ស្នាក់​នៅ​ផ្ទះ​ជួល ផ្លូវ​១៥៤ សង្កាត់​ផ្សារ​កណ្តាល​២ ខណ្ឌដូនពេញ មាន​សារធាតុ​ញៀន ។ ដោយឡែក​ជនសង្ស័យ​ម្នាក់​ទៀតដែល​​រត់គេច​​ខ្លួន​ចូល​ផ្ទះ​បាត់ ​មិនស្គាល់អត្តសញ្ញាណនោះទេ ។ តាម​ប្រភព​ព័ត៌​មាន​ពី​កន្លែង​កើតហេតុ​បាន​​ប្រាប់​ឲ្យ​ដឹង​ថា មុន​ពេល​កើតហេតុ​ គឺ​កម្លាំង​សមត្ថកិច្ច​នៃ​អធិកា​ររដ្ឋាន​ខណ្ឌចំការ​មន បាន​ល្បាត​ពួនស្ទាក់​ក្នុង​មូលដ្ឋាន ក្រែង​មាន​ប្រជាពលរដ្ឋ​ប្រមូលផ្ដុំ​​ជួបជុំ​គ្នា​ផឹកស៊ី​ល្មើស​នឹងបម្រាម​របស់​រដ្ឋបាល​រាជធានី​ភ្នំពេញ ។ តាម​ប្រភព​ដដែល​បាន​បន្ត​ថា ស្រប​ពេល​សមត្ថកិច្ច​ល្បាត​មក​ដល់​ផ្លូវ​សុធារស ចំនុច​មុខ​ផ្សារ​អ៊ី​អន​១ ក៏​ប្រទះ​ឃើញ​បុរស​៣​នាក់ កំពង់​ឈរ​ក្បែរ​កង់​បី​ឥណ្ឌា​ ពណ៌​ស​មួយ​គ្រឿង គ្មាន​ស្លាក​លេខ ហើយ​ធ្វើ​សកម្មភាពហុច​របស់​អ្វី​ម្យ៉ាង​អោយ​គ្នា​ដោយ​លាក់​លៀម​ៗ​​គួរ​សង្ស័យ បន្ទាប់មក​សមត្ថកិច្ច​ក៏​ចូល​ទៅ​សួរនាំ […]

ខេត្ត​ព្រះ​សីហ​នុ​ ៖ ​មានកណីប្រទះឃើញ​ស.ព​​បុរស​ជនជាតិ​ចិន​ម្នាក់​បាន​​អណ្តែត​ទឹក នៅ​ចំណុ​ច​ឆ្នេរ​លំហែកាយ​ ស្ថិត​ក្នុងភូមិ​១​សង្កាត់​៣ ​ក្រុងព្រះសីហនុ ​បង្កការ​ភ្ញាក់​ផ្អើលកើតឡើង​​កាលពី​​វេលា​ម៉ោង​៨​ព្រឹក​​ថ្ងៃទី​១១ សីហា ឆ្នាំ​២០២១ ។ ស.ពបុរសជនជាតិចិន​ខាងលើនោះ មិនទាន់ស្គាល់​អត្តសញ្ញាណ​នៅឡើយទេ​ ​​មាន​អាយុ​ប្រហែល​ជាង​៣០ ឆ្នាំ ​ពាក់​ស្រោមជើង ព​ណ៍​ស ស្លៀក​ខោខ្លី​ ព​ណ៍​សរ ពាក់អាវ​យឹត​ព​ណ៍​ស នៅ​ក្នុង​ហោប៉ៅ​ជន​រង​​គ្រោះ​មាន​ទូរស័ព្ទ​មួយ​គ្រឿង​ ​។ គេសង្កេតឃើញ​នៅ​ក្បែរ​ស.ព លើ​ឆ្នេរ ក៍បាន​ប្រទះ​ឃើញ​ស្បែកជើង​មួយគូ និង​អក្សរ​ចិនផងដែរ​ ប៉ុន្តែ​គេ​ពុំ​ទាន់​ដឹង​ថា ជា​របស់​ជន​រង​គ្រោះ ឬ​យ៉ាងណា​នោះ​ទេ​។ តាម​ប្រភពពី​បុរស​ម្នាក់​ដែល​មាន​មុខរបរ​លក់ដូ​នៅ​ក្បែរ​​កន្លែង​កើតហេតុ​នោះ​បាន​រៀបរាប់​ថា មុនពេលកើតហេតុ ខ​ណៈ​ពេល​គាត់​កំពុង​រៀប​ចំ​អី​វ៉ា​ន់​លក់ ក៍​មាន​ភ្ញៀវ​ទេសចរចំនួន​៣​នាក់បាន​មក​ប្រាប់​គាត់​ថា ​​បានប្រទះ​ឃើញ​ស.ព​​មនុស្ស​ម្នាក់​អណ្តែត​នៅ​ចម្ងាយ​ពី​កន្លែងរបស់​​គាត់​ប្រហែល​ជាង​២០០​ម៉ែត្រ​ ។ ​ក្រោយ​ពី​ទទួល​ព័​ត៍​មាន​នេះ​ភ្លាម គាត់​ក៍បាន​ស្ទុះ​រត់​មក​មើល​ក៍បាន​ឃើញ​មែន ហើយ​គាត់​ក៍បាន​ទូរស័ព្ទ​ប្រាប់​នគរបាល​ប៉ុ​ស្តិ៍​រដ្ឋបាល​​ឱ្យចុះពិនិត្យ​ភ្លាមៗផង​​ដែរ​។ យោង​តាម​ប្រភព​ពី​លោក សា​រ៉ាត់ វិទ្យា ប្រធាន​ការិយាល័យ​ពិនិត្យ​​ស.ពនៃ​ស្នងការដ្ឋាន​នគរបាល​ខេត្ត​ព្រះ​សីហ​នុ​អោយ​ដឹង​ជាបឋម​ថា ចំពោះ​ការ​ស្លា.ប់​របស់​​ជនរងគ្រោះ​​នៅ​ពុំ​ទាន់​ដឹង​ទេ រង់ចាប់​ពិនិត្យ​អោយ​បាន​ល្អិតល្អន់​សិន ព្រោះ​ស.ព​ជនរងគ្រោះ​ត្រូវ​ដឹក​យក​ទៅ​ពិនិត្យ​នៅ​សាល​តម្កល់​ស.ព​នៃ​មន្ទី​ពេទ្យ​បង្អែក​ចំការ​ចេក ៕​

ខេត្តកំពង់ស្ពឺ​ ៖ មន្ត្រី​នគរបាល​ជា​ច្រើន​នាក់​នៅ​ស្រុក​ប​សេដ្ឋ ខេត្តកំពង់ស្ពឺ រាប់​ទាំង​លោក​អធិការរង ប្រធាន​ផ្នែក នាយ​រង​ផ្នែក និង​នាយ​នគរបាល​តាម​បណ្តាញ​ប៉ុស្តិ៍ បាន​រួម​គ្នា​ប្តឹង​ទៅ​កាន់​សម្តេច​ក្រឡាហោម ស ខេ​ង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួង​មហាផ្ទៃ​, នាយ​ឧត្តមសេនីយ៍​សន្តិ​បណ្ឌិត នេ​ត សា​វឿ​ន អគ្គស្នងការ​នគរបាល​ជាតិ និង​លោក​ឧត្តមសេនីយ៍ទោ សម សា​មួន ស្នងការ នគរបាល​ខេត្ត សុំ​ឱ្យផ្លាស់​ប្តូរ​អធិការ​នគរបាល​ស្រុក​ប​សេដ្ឋ លោក អ៊ុំ ចំរើន ចេញ​ដោយសារ​មន្ត្រី​នគរបាល​រូប​នេះ បាន​ប្រព្រឹត្ត​កំហុស​ជា​ច្រើន ដែល​ពួក​គាត់​មិន​អាច​ទទួលយក​បាន និង​មិន​ព្រម​ឲ្យ​បន្ត​តំណែង​ជា​អធិការ​នគរបាល​ស្រុក​ទៀត​។ នៅ​ក្នុង​ពាក្យបណ្ដឹង​របស់​មន្ត្រី​នគរបាល​ស្រុក​ប​សេដ្ឋ ដែល​ទទួល​បាន​នៅ​ព្រឹក​ថ្ងៃ​ទី​១១ ​សីហា ឆ្នាំ​២០២១​ នេះ បាន​រៀបរាប់​ថា លោក អ៊ុំ ចំរើន អធិការ​នគរបាល​ស្រុក​ប​សេដ្ឋ បាន​ប្រព្រឹត្ត​ទ​ង្វើ​មួយ​ចំនួន​រួម​មាន ​៖ *​រាល់​ការ​តែងតាំង និង​ផ្លាស់​ប្ដូរ​មុខងារ​មន្ត្រី​ក្រោម​ឱវាទ តែង​ទាមទារ​លាភសក្ការៈ ពោល​គិតតែ​ផលប្រយោជន៍​ផ្ទាល់ខ្លួន *​ចំពោះ​ការងារ​កសាង​អង្គភាព និង​ហេដ្ឋារចនាសម្ព័ន្ធ​ផ្សេង​ៗ​វិញ គ្មាន​រីក​ចម្រើន​ទាល់តែ​សោះ *​មិន​ឲ្យ​តម្លៃ​ដល់​មន្ត្រី​ក្រោម​ឱវាទ​របស់​ខ្លួន ដឹកនាំ​ខ្វះ​ក្រមសីលធម៌ ហើយ​គ្មាន​ការ​ទទួលខុសត្រូវ *​ចំពោះ​ចរិត​ឫកពា​មិន​សមជា​ថ្នាក់ដឹកនាំ ឬ​មិន​ធ្វើ​ជា​គំរូ​ដល់​កូនចៅ ជា​រឿយ​ៗ​បាន​ជេរ​ប្រមាថមើលងាយ​កូនចៅ​ក្រោម​ឱវាទ […]

រាជធានី​ភ្នំពេញ ៖ ជា​គ្រោះ​អកុសល​មួយ​ដែល​នឹក​ស្មាន​ពុំ​ដល់ និង​កើតឡើង​ដោយ​កម្រ ខណៈ​ពេល​ដែល​យុវជន​ជា​កម្មករ​ម្នាក់​កំពុង​តែ​លើកដាក់​ភេសជ្ជៈ​លើ​រ៉ឺ​ម៉ក ដើម្បី​ដឹក​ឲ្យ​ម៉ូយ​សុខ​ៗ ស្រាប់តែ​ខ្សែ​កា​ប្លិ៍​ភ្លើង​ស្រាត​ដែល​ស្ថិត​នៅ​ពីលើ​នោះ​បាន​ទុ​ស្សេ រួច​ដាច់​ធ្លាក់​ចុះ​មក​លើ​ដី​ជិត​យុវជន​រង​គ្រោះ​។ ភ្លាម​ៗ​នោះ​យុវជន​រូប​នេះ​បាន​យក​បំពង់​ពន្លត់​អគ្គិភ័យ​១​បំពង់​ទៅ​បាញ់​ពន្លត់​ព្រោះ​ខ្លាច​ឆេះ​អីវ៉ាន់​ថៅកែ តែ​អកុសល​ខ្សែ​កា​ប្លិ៍​ភ្លើង​នោះ​បាន​ដាច់​ធ្លាក់​រួច​មក​វ័ធ​ត្រូវ បណ្ដាល​ឲ្យ​ឆក់​យុវជន​រង​គ្រោះ​ឆេះ​រលាក​រលួយ​ខ្លួនប្រាណ និង​ដៃជើង​ខ្លោច ហើយ​ក៏​ដួល​ស្លា​.​ប់​ភ្លាម​ៗ​នៅ​នឹង​កន្លែង​តែ​ម្ដង បង្ក​ឲ្យ​មានការ​ភ្ញាក់ផ្អើល​កាលពី​ម៉ោង​៨​និង​១០​នាទី​ព្រឹក ថ្ងៃ​ទី​១០ ខែសីហា ឆ្នាំ​២០២១ នៅ​ចំណុច​ផ្ទះ​លក់​ភេសជ្ជៈ និង​គ្រឿងទេស​យីហោ «​ប៊ុ​ន សោភា​» មាន​ទីតាំង​ស្ថិត​នៅ​តាម​បណ្ដោយ​ផ្លូវ​លេខ​៣៧១ ក្នុងភូមិ​ម័​ល សង្កាត់​ដង្កោ ខណ្ឌដង្កោ រាជធានី​ភ្នំពេញ​។ យុវជន​រង​គ្រោះ​ខាងលើ​នោះ​មានឈ្មោះ ឡុ​ង រី​ន អាយុ​២៣​ឆ្នាំ មុខរបរ​ជា​កម្មករ​ដឹក​អីវ៉ាន់​ឲ្យ​ដេប៉ូ​លក់​បោះ​ដុំ​ភេសជ្ជៈ​ខាងលើ មាន​ទីលំនៅ​ក្នុង​សង្កាត់​បឹង​ទំពុន​២ ខណ្ឌមានជ័យ រាជធានី​ភ្នំពេញ​។ តាម​ប្រភព​ព័ត៌មាន​បាន​ឲ្យ​ដឹង​ថា នៅ​មុន​ពេល​កើតហេតុ បុរស​រង​គ្រោះ​បាន​លើក​ភេសជ្ជៈ​ដាក់​នៅ​លើ​ម៉ូតូ​សណ្ដោង​រ៉ឺ​ម៉ក​១​គ្រឿង ដើម្បី​ដឹក​ចេញពីផ្ទះ​ថៅកែ​យក​ទៅ​ដើរ​ដាក់​ឲ្យ​ម៉ូយ​ៗ ។ ខណៈ​ពេល​នោះ ស្រាប់តែ​មាន​ហេតុការណ៍​ឆ្លង​ចរន្តអគ្គិសនី​ឆាបឆេះ​ខ្សែ​កា​ប្លិ៍​ភ្លើង​ស្រាត នៅ​ខាងលើ​ដំបូល​ដេប៉ូ​លក់ដូរ យ៉ាង​សន្ធោរ​សន្ធៅ​តែ​ម្តង ។ ប្រភព​ដដែល​បន្ត​ថា បន្ទាប់​ពី​បានឃើញ​បែប​នេះ បុរស​រង​គ្រោះ​ក៏​បាន​យក​បំពង់​ពន្លត់​អគ្គិភ័យ​ទៅ​បាញ់​ពន្លត់ ព្រោះ​ខ្លាច​ឆាប​ឆេះ​ដល់​ដេប៉ូ​បោះ​ដុំ​របស់​ថៅកែ តែ​ជា​អកុសល​ក៏​ត្រូវ​បាន​ខ្សែ​កា​ប្លិ៍​ភ្លើង​នោះ​ដាច់​ធ្លាក់​ចុះ​មក រួច​វ័ធ​ត្រូវ​ជន​រង​គ្រោះ បណ្តាល​ឱ្យ​ឆក់​ឆាបឆេះ​រលាក​រលួយ​ខ្លួនប្រាណ និង​ដៃជើង​ខ្លោច ហើយ​ក៏​ដួល​ស្លា​.​ប់​ភ្លាម​ៗ​យ៉ាង​អាណោច​អ​ធ័​ម​តែ​ម្តង​។ ប្រភព​ដដែល​បាន​បន្ត​ទៀត​ថា នៅ​ពេល​ខ្សែភ្លើង​កំពុង​តែ​ដាច់​ធ្លាក់​នោះ […]

បាត់ដំបង៖ ជនសង្ស័យម្នាក់ បានប្រើអាវុធកែច្នៃ គ្រាប់ព្រួញដែកបាញ់សម្លាប់ម្តាយបង្កើតរបស់ខ្លួនបណ្តាលអោយស្លាប់ភ្លាមៗនៅនឹងកន្លែងកើតហេតុ។ ហេតុការណ៍នេះ បង្កអោយមានការភ្ញាក់ផ្អើលដល់អាជ្ញាធរនិងសមត្ថកិច្ចស្រុកគាស់ក្រឡ កាលពីវេលាម៉ោង១១យប់ ថ្ងៃទី៨ ខែសីហា ឆ្នាំ២០២១ ចំណុចភូមិកូនព្រហ្ម ឃុំធិបតី ស្រុកគាស់ក្រឡ ខេត្តបាត់ដំបង។ ក្រោយពេលកើតហេតុសមត្ថកិច្ចនគរបាលស្រុកគាស់ក្រឡ បានចុះទៅឃាត់ខ្លួនជនសង្ស័យយកទៅឃុំខ្លួនបណ្តោះអាសន្ននៅអធិការដ្ឋានស្រុកគាស់ក្រឡដើម្បីសាកសួរនិងធ្វើកំណតហេតុបញ្ជូនទៅស្នងការនគរបាលខេត្តបាត់ដំបង។ ប្រភពព័ត៌មានបានអោយដឹងថា៖ជនសង្ស័យឈ្មោះ៖ឈឿម សំណាង ភេទប្រុស អាយុ២៦ឆ្នាំ ត្រូវជាកូនបង្កើតរបស់ស្ត្រីរងគ្រោះ ឈ្មោះ ធីវ មុន្នី ភេទស្រី អាយុ៦២ឆ្នាំ រស់នៅក្នុងភូមិកើតហេតុខាងលើ។ យោងតាមរបាយកាណ៍របស់អធិធិការដ្ឋានស្រុកគាស់ក្រឡបានបញ្ជាក់ថាជនសង្ស័យប្រើប្រាស់ថ្នាំញៀនលើសកំរិត មានសតិមិនល្អ ឆេវឆាវ ទើបហ៊ានធ្វើឃាតម្តាយ ជាហេតុធ្វើអោយសាច់ញាតិនិងអ្នកភូមិតក់ស្លុតយ៉ាងខ្លាំង។ បច្ចុប្បន្នជនសង្ស័យត្រូវបានកម្លាំងនគរបាលស្រុកគាស់ក្រឡ កសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តបាត់ដំបងចាត់ការបន្តទៅតាមនិតិវិធី៕

កណ្ដាល:  នៅថ្ងៃទី១០ ខែសីហា ឆ្នាំ២០២១ ករណីមានស្ថានទម្ងន់ទោសទាក់ទង ទៅនឹងជនរងគ្រោះ (រំលោភសេពសន្ថវ:) កើតហេតុ អំឡុងខែមីនា ឆ្នាំ២០២១ វេលាម៉ោង ៩.០០នាទី ចំណុចក្រោមស្ពានម្ដុំអ្នកតាក្បាល ប្រាំបីភូមិព្រែកឫស្សី ឃុំព្រែកឬស្សី ស្រុកល្វាឯម ខេត្តកណ្តាល។ ជនរងគ្រោះចំនួន ០១ នាក់ ៖ ១-ឈ្មោះ ល គ ឡ ភេទស្រី អាយុ ១៣ឆ្នាំ (ក្នុងពេលកើតហេតុ) ជនជាតិខ្មែរ មុខរបរកសិករ។ ជនសង្ស័យចំនួន០១នាក់ ១-ឈ្មោះទឹម ទូច ភេទប្រុស អាយុ ៥៩ឆ្នាំ ជនជាតិ ខ្មែរ មុខរបរ កសិករ ទីលំនៅភូមិព្រែកឫស្សី ឃុំព្រែកឫស្សី ស្រុកល្វាឯម ខេត្តកណ្តាល(ឃាត់ខ្លួន)។ វត្ថុតាងចាប់យក៖ គ្មាន។ សភាពរឿងហេតុ៖ នៅក្នុងអំឡុងខែមិនាឆ្នាំ២០២១ វេលាម៉ោង ៩និង០០នាទី ឈ្មោះ លីម គឹមឡាង បានយកគោទៅចងឲ្យស៊ីស្មៅនៅម្ដុំព្រែកអ្នកតាក្បាលប្រាំបី […]

ករណី​កាប់​ដើមឈើ​ទាល​នេះ​កើតឡើង​៣​ថ្ងៃ​មកហើយ​គឺ​ចាប់តាំងពី​ថ្ងៃទី​០៧-​ទី​៨ ខែសីហា ឆ្នាំ​២០២១ រហូតមកដល់​ថ្ងៃទី​០៩ ខែសីហា​នេះ អស់​ចំនួន​២០​ដើម​រាប់ទាំង​ដើម​តូច​និង​ធំ​។ ទាក់ទិន​ករណីនេះ​ដែរ លោក ខៀវ សំអុល ប្រធាន​មន្ទីរអប់រំ​យុវជន​និង​កីឡា​ខេត្តស្វាយរៀង​បានអោយ​ភ្នាក់ងារ​យក​ព័​ត៌មាន​ដឹងថា​: ដោយ​ដើម​ឈើទាល នៅក្នុង​បរ​វេណ​នៃ​មន្ទីរអប់រំ​នេះ ជា​ទ្រព្យសម្បត្តិ​របស់​មន្ទីរ លោក​មិនបាន​សុំ ទៅខាង​ក្រៅ​ទេ​។ -​ទី​១ ដើមឈើ​ទាល​២​ទៅ​៣​ដើម គឺ​នៅ​ជិត​ផ្ទះ​របស់​ប្រជាពលរដ្ឋ​នៅ​ជិត​របង​មន្ទីរ​មានការ​ភ័យខ្លាច ដើមឈើ​បាក់​រលំ​សង្កត់​លើផ្ទះ​គាត់ ទើប​កាប់​ចេញ​២​ទៅ​៣​ដើម​។​ -​ទី​២ ដើមឈើ​ទាល​០៣​ដើម​ទៀត គឺ​នៅ​គៀក​និង​អាគារ នៃ​មន្ទីរ ពេល​មាន​ខ្យល់​មក​ខ្លាំង​បាក់មែក​ធ្លាក់​លើដំបូល​បែក​ក្បឿង​បង្ក​ឲ្យ​ទឹក​ហូរ​ស្រក់​ខូច​ពី​ដាន​អគារ ទើប​កាប់​ចេញ​។ -​ទី​៣ ហើយ​ចំពោះ​ដើមឈើ​ទាល​ជាង​១០​ដើម​ទៀត គឺ​កាប់​ចេញ​យក​ទីធ្លា សាងសង់​សំណង់ ដោយ​មន្ទីរ មាន​គម្រោង​រៀបចំ សាងសង់​អាគារ​សម្រាប់​កីឡាករ​ស្នាក់នៅ ដាក់​សម្ភារៈ​កីឡា និង​គម្រោង​សាងសង់ ទីលានកីឡា បា​ស្កេ ​(​ប៉ាល់​បោះ​) កន្លែង​បោះ​ប៉ូល និង​រោង​ចំណតរថយន្ត​។​ លោក ខៀវ សំអុល ប្រធាន​មន្ទីរអប់រំ​យុវជន​និង​កីឡា​ខេត្ត បាន​បន្តទៀតថា ដើមឈើ​ទាល​មេះ​លក់​ក្នុង​១​ដើម​បាន​៣០​ម៉ឺន​រៀល ទៅ​៦០​ម៉ឺន​រៀល​ប៉ុណ្ណឹង ហើយ​លោក​យកប្រាក់​គ្រាន់​ធ្វើការ​អភិវឌ្ឍន៍ នៅក្នុង​មន្ទីរ​ដូច​បាន​រៀបរាប់​ខាងលើ​។ ទាក់ទិន​រឿងរ៉ាវ​នេះដែរ ឯកឧត្តម តូច ប៉ូ​លី​វ៉ា​អភិបាលរង​ខេត្តស្វាយរៀង បាន​មាន​ប្រសាសន៍​ថា […]

ខេត្តកំពង់ឆ្នាំង ៖ បន្ទាប់​ពី​ពិនិត្យ​ធ្វើ​កោសល្យវិច័យ​យ៉ាង​យកចិត្តទុកដាក់​រយៈពេល​មួយ​ព្រឹក គឺ​នៅ​ថ្ងៃ​ទី​៩ ខែសីហា ឆ្នាំ​២០២១ របស់​ក្រុម​គ្រូពេទ្យ និង​មន្ត្រី​ជំនាញ​លើ​សាកស​.​ព​បុរស​ជនជាតិ​ស្វី​ត​លេ​ន ដែល​បាន​ស្លា​.​ប់​នៅ​ក្នុង​បន្ទប់​ផ្ទះសំណាក់​យីហោ «​មាន​.​មាន​» ស្ថិត​នៅ​ក្នុងភូមិ​ម៉ុង​បារាំង សង្កាត់​ប្អេ​រ ក្រុង​កំពង់ឆ្នាំង រួច​មក ជា​លទ្ធផល​បាន​បញ្ជាក់​ថា ជនជាតិ​បរទេស​រូប​នោះ មាន​ជំងឺហឺត​ប្រចាំ​កាយ ដែល​បណ្ដាល​អោយ​ស្លា​.​ប់​នៅ​ក្នុងផ្ទះ​សំណាក់​ខាងលើ​នេះ ។ សូម​រំលឹក​ថា នៅ​ល្ងាច​ថ្ងៃ​ទី​៨ ខែសីហា ឆ្នាំ​២០២១ មានការ​ភ្ញាក់ផ្អើល​យ៉ាង​ខ្លាំង ដោយសារ​តែ​មាន​គេ​បាន​ប្រទះ​ឃើញ​បុរស​ជនជាតិ​ស្វី​តលែ​ន​ម្នាក់​មានឈ្មោះ បូ​រី ផា​ទ្រី​ក​អូ​លី​វី បាន​ដេក​ស្លា​.​ប់​នៅ​ក្នុង​បន្ទប់​ផ្ទះសំណាក់​យីហោ «​មាន មាន​» ។ ក្រោយមក​សមត្ថកិច្ច​បាន​ធ្វើការ​ហ៊ុម​ព័ទ្ធ​ខ្សែ​មួយ​យប់​ទល់​ភ្លឺ ទើប នៅ​ព្រឹក​ថ្ងៃ​ទី​៩ ខែសីហា​នេះ សមត្ថកិច្ច​ជំនាញ ព្រមទាំង​ក្រុម​គ្រូពេទ្យ បាន​ចុះ​ពិនិត្យ​ធ្វើ​កោសល្យវិច័យ ក្នុង​នោះ​ក៏​មានការ​យក​សំណាក​ធ្វើតេស្ត​រហ័ស​រក​វិជ្ជមាន​កូ​វី​ដ​១៩ ផង​ដែរ ។ សូម​រំលឹក​ទៀត​ថា ជា​លទ្ធផល សមត្ថកិច្ច និង​មន្ត្រី​ជំនាញ បាន​អះអាង​ថា បុរស​ជនជាតិ​បរទេស​រូប​នោះ គឺ​បាន​ស្លា​.​ប់​ដោយសារ​តែ​ជំងឺហឺត ដែល​បាន​ឈឺ​រ៉ាំរ៉ៃ​ប្រចាំ​កាយ ។ ក្រោយ​ពេល​ពិនិត្យ​យ៉ាង​ល្អិតល្អន់​រួច សមត្ថកិច្ច​ក៏​បាន​រៀបចំ​វេច​ខ្ចប់​ស​.​ព​បញ្ជូន​ទៅ​រក្សា​ទុក រួច​ផ្តល់​ជូន​ទៅ​ស្ថានទូត​ស្វី​តលែ​ន ប្រចាំ​កម្ពុជា នឹង​បញ្ជូន​ស​.​ព​ជន​រង​គ្រោះ​ទៅ​ប្រទេស​ដើម​កំណើត​វិញ […]

រាជធានី​ភ្នំពេញ ៖ សាកស​.​ព​បុរស​ម្នាក់​ដែល​ជិះ​ម៉ូតូ​កង់​៣​ទៅ​លោ​.​ត​ទឹកស​ម្លា​.​ប់​ខ្លួន​ពីលើ​ស្ពាន​ជ្រោយចង្វារ ហើយ​លិច​បាត់​កាលពី​៣​ថ្ងៃមុន​នោះ ពេល​នេះ​ស​.​ព​ជន​រង​គ្រោះ​បាន​អណ្តែត​ឡើង​ហើយ និង​បាន​រសាត់​តាម​ខ្យល់​ទៅ​ទើរ​នៅ​កំប្លោក​ក្បែរ​ច្រាំង​ទន្លេសាប ខាងត្បូង​ស្ពាន​ព្រែក​ព្នៅ ប្រមាណ​១​គីឡូម៉ែត្រ ស្ថិត​ក្នុងភូមិ​ព្រែក​រាំង សង្កាត់​ព្រែក​តា​សេក ខណ្ឌ​ជ្រោយចង្វារ រាជធានី​ភ្នំពេញ​។ តាម​ប្រជាពលរដ្ឋ​ដែល​រកស៊ី​បូម​ខ្សាច់​នៅ​មាត់ច្រាំង​ទន្លេ បានអោយ​ដឹង​ថា នៅ​វេលា​ម៉ោង​ប្រមាណ​២​និង​៤០​នាទី​រសៀល ថ្ងៃ​ទី​០៩ ខែសីហា ឆ្នាំ​២០២១​នេះ ខណៈ​ពេល​ដែល​កំពុង​តែ​បូម​ខ្សាច់ ស្រាប់តែ ប្រទះ​ឃើញ​សាកស​.​ព​បុរស​ម្នាក់​បាន​អណ្តែត​ទឹក ហើយ​ចេះ​តែ​រសាត់​តាម​ខ្យល់​មក​ទើរ​នឹង​កំប្លោក​នៅ​ក្បែរ​ច្រាំង​ទន្លេសាប រួច​ក៏​បាន​រាយការណ៍​ទៅ​នគរបាល​ប៉ុស្តិ៍​ព្រែក​តា​សេក ចុះ​ទៅ​ស្រង់ ដើម្បី​ត្រួតពិនិត្យ​។ តាម​ព័ត៌មាន​អោយ​ដឹង​ថា បន្ទាប់​ពី​ភ្ញាក់ផ្អើល​ប្រទះ​ឃើញ​ស​.​ព ក្រុម​គ្រួសារ​ក៏​បាន​ចុះ​ទៅ​ដល់​កន្លែង​កើតហេតុ​ភ្លាម​ៗ​ដែរ​។ ស​.​ព​បុរស​រង​គ្រោះ​ខាងលើ ត្រូវ​បាន​ក្រុម​គ្រួសារ​អោយ​ដឹង​ថា ឈ្មោះ ព្រំ វណ្ណៈ អាយុ​៣៦​ឆ្នាំ មុខរបរ​រត់​ម៉ូតូ​កង់​៣ មាន​លំនៅ​ស្នាក់​នៅ​ភូមិ​ឃ្លាំង​សណ្តាយ សង្កាត់​ពងទឹក ខណ្ឌដង្កោ រាជធានី​ភ្នំពេញ មាន​ប្រពន្ធ​ឈ្មោះ លន់ ចាន់​ឌី អាយុ​៣២​ឆ្នាំ ព្រមទាំង​មានកូន​ចំនួន​២​នាក់​ផង​ដែរ​។ តាម​ក្រុម​គ្រួសារ​អោយ​ដឹង​បន្ត​ថា នៅ​វេលា​ម៉ោង​ប្រមាណ​ជាង​១​យប់​រំ​អធ្រាត្រ​ថ្ងៃ​កើតហេតុ បុរស​រូប​នោះ បាន​ប្រាប់​ប្រពន្ធ​ថា ចេញ​ដឹក​ម៉ូយ ស្រាប់តែ​មក​លោ​.​ត​ទទឹក​ស​ម្លា​.​ប់​ខ្លួន​តែ​ម្តង ។ ទាក់ទិន​នឹង​មូលហេតុ​នេះ ត្រូវ​បាន​ក្រុម​គ្រួសារ​អោយ​ដឹង​ថា បណ្តាល​មក​ពី​មូលហេតុ ជំពាក់​ប្រាក់​ធានា​គារ […]

រាជធានីភ្នំពេញ ​៖ ​ជនសង្ស័យ​ម្នាក់​ត្រូវ​បាន​កម្លាំង​នគរបាល​ខណ្ឌដង្កោ​ឃាត់ខ្លួន​និង​ម្នាក់​ទៀត​រត់​រួច ក្រោយ​ពេល​ធ្វើ​សកម្មភាព​លួច​ម៉ូតូ​១​គ្រឿង​បាន​សម្រេច​រួច​ព្យាយាម​ជិះ​គេចខ្លួន ប៉ុន្តែ​ត្រូវ​បាន​ម្ចាស់​ម៉ូតូ​ឃើញ​ទាន់​ស្រែក​ឆោឡោ​ ព្រមទាំង​ដេញ​តាម​រហូត​ជួប​កម្លាំង​នគរបាល​កំពុង​ល្បាត​តាម​ផ្លូវ​ ។ ​ក្រោយ​ពេល​ជន​នេះ​ត្រូវ​នគរបាល​ឃាត់ខ្លួន​បាន​នោះ បក្ខ​ពួក​ដែល​រត់​រួច​អត់​បានដឹង​ទេ​ព្រោះ​ពេល​គេចខ្លួន​នោះ​ជិះ​ម៉ូតូ​ម្នាក់​១​គ្រឿង ​ខណៈនោះ​នគរបាល​បាន​ប្រើ​ជំនាញ​ឲ្យ​ជន​នេះ​ខ​ល​ទៅ​អន្ទង​ហៅ​និង​ណាត់ជួប​ដើម្បី​ចាប់ខ្លួន​បក្ខពួក​ម្នាក់​នោះ​ទៀត ។ ​ប៉ុន្តែ​នគរបាល​អត់​បានដឹង​ថា​ជនសង្ស័យ​រូប​នេះ​ស្មោះស្ម័គ្រ​ជាមួយ​បក្ខពួក​របស់​ខ្លួន​ខ្លាំង​ណាស់ ដោយ​សុខចិត្ត​ជាប់គុក​តែ​ម្នាក់ឯង​ គឺ​មិន​ឲ្យ​នគរបាល​ចាប់​បក្ខពួក​ខ្លួន​ឡើយ​ ។ ​ជនសង្ស័យ​ខាងលើ​ពុំ​ព្រម​និយាយ​តាម​ការ​បង្គាប់​នោះ​ទេ នៅ​ពេល​ខ​ល​ចូល ​ស្រាប់តែ​និយាយ​ប្រាប់​បក្ខពួក​ថា «​អញ​ត្រូវ​ប៉ូលិស​ចាប់​បាន​ហើយ​»​ ជា​ហេតុ​ធ្វើ​ឲ្យ​​បក្ខពួករូបនោះ​គេចខ្លួន​ទៅ​បាត់​ស្រមោល​តែ​ម្ដង​។ ហេតុការណ៍​ខាងលើ​នោះ​បាន​កើតឡើង​កាលពី​ថ្ងៃ​ទី​០៧ ខែសីហា ឆ្នាំ​២០២១ វេលា​ម៉ោង​១១​និង​៣០​នាទី​ព្រឹក នៅ​ត្រង់​ចំណុច​គល់​ស្ពាន​ព្រែក​ជ្រៃ តាម​ផ្លូវ​លេខ​២១៧​ហៅ​ផ្លូវ​ចំការ​ដូង ​ស្ថិត​នៅ​ក្នុងភូមិ​ព្រែក​ជ្រៃ សង្កាត់​ស្ពានថ្ម ខណ្ឌដង្កោ រាជធានី​ភ្នំពេញ ។ ជនសង្ស័យ​ម្នាក់​​ដែល​ត្រូវ​ចាប់ខ្លួន​ឈ្មោះ ខុ​ម ចិន្តា ភេទ​ប្រុស អាយុ​៣២​ឆ្នាំ មុខរបរ​មិន​ពិតប្រាកដ ទីលំនៅ​ភូមិ​អន្លង់​ភេ ឃុំ​ត្រពាំង​ល្វា ស្រុក​ឧដុង្គ ខេត្តកំពង់ស្ពឺ ។​ នគរបាល​ដកហូត​បាន​វត្ថុ​តាង​មួយ​ចំនួន​រួម​មាន​ដែក​ជ្រុង​ចុង​សំប៉ែត​ស្រួច​ចំនួន​២, សោរ​ខ្សៀ​លេខ​៨​មួយ​ដើម​, ​កូនសោរ​ម៉ូតូ​ចំនួន​៥ ដែល​សម្ភារៈ​ទាំងនេះ​គឺ​ឧបករណ៍​របស់​ជនសង្ស័យ​ប្រើប្រាស់​សម្រាប់​ធ្វើ​សកម្មភាព​កាច់​សោ​រក​ម៉ូតូ ។ ក្រៅពី​នេះ​ក៏​បាន​ដកហូត​ម៉ូតូ​១​គ្រឿង​ស៊ុ​យ​ហ្ស៊ុ​យ​គី​និ​ច ពណ៌​លឿង លា​យស ពាក់​ផ្លា​ក​លេខ​ភ្នំពេញ​1FZ-8413 លេខ​តួ​316724 និង​លេខ​ម៉ាស៊ីន​317116 ដែល​ជនសង្ស័យ​លួច​បាន​និង​ជា​កម្មសិទ្ធិរបស់​បុរស​ម្នាក់​ឈ្មោះ សន […]