ព័ត៌មានថ្មីៗ

សម្តេចបវរធិបតី ៖ ករណីវិវាទដីធ្លី មិនត្រូវអង្គុយចាំបក់ផ្សែង ត្រូវតែពន្លត់ភ្លើងជាបន្ទាន់

Posted on Author nmr Comments Off on សម្តេចបវរធិបតី ៖ ករណីវិវាទដីធ្លី មិនត្រូវអង្គុយចាំបក់ផ្សែង ត្រូវតែពន្លត់ភ្លើងជាបន្ទាន់

ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងថា ករណីវិវាទដីធ្លី មិនត្រូវអង្គុយចាំបក់ផ្សែងទៀតឡើយ គឺត្រូវតែពន្លត់ភ្លើងជាបន្ទាន់ ព្រោះអាណត្តិទី ៧នេះ រាជរដ្ឋាភិបាល ដាក់ចេញគោលដៅពង្រឹង និងជំរុញការដោះស្រាយវិវាទដីធ្លីនេះឱ្យបានចប់រួចរាល់ ។

នាឱកាសអញ្ជើញជាអធិបតី បិទសន្និបាតបូកសរុបលទ្ធផលការងារ ឆ្នាំ២០២៤ និងទិសដៅការងារឆ្នាំបន្ត របស់ក្រសួងដែនដី នគរូបនីយកម្ម និងសំណង់ នារសៀលថ្ងៃទី២៦ ខែវិច្ឆិកា ឆ្នាំ២០២៤នេះ សម្តេចបវរធិបតី ហ៊ុន ម៉ាណែត បានថ្លែងឲ្យដឹងថា រយៈពេល ១៥ខែនេះ បញ្ហាជម្លោះដីធ្លី នៅតាមបណ្ដាញសង្គមនានា បានថយចុះកម្រិតណា។

សម្តេចបវរធិបតី បន្ដថា រដ្ឋាភិបាលអាណត្តិទី៧ តាមរយៈក្រសួងរៀបចំដែនដី នគរូបនីយកម្ម និងសំណង់ បានប្រឹងប្រែងដោះស្រាយទំនាស់ដីធ្លី ដែលធ្វើឲ្យជម្លោះដីធ្លីបានថយចុះជាលំដាប់។

សម្តេចបវរធិបតី មានប្រសាសន៍ថា «ចំពោះបញ្ហាវិវាទដីធ្លី រឿងនេះ មិនមែនជារឿងដែរថ្មីទេ វាជារឿងកើតរាំរៃ តើយើងនៅរងចាំបញ្ហាបែបនេះ អង្គុយចាំបក់ផ្សែង ១០០ឆ្នាំឬទេ? នេះគឺជាការកំណត់ទិសដៅ មួយពីដើមទីឲ្យច្បាស់ តើយើងត្រូវធ្វើយ៉ាងម៉េច? ដើម្បីពន្លត់ភ្លើង កុំអង្គុយបកផ្សែង» ។

សម្តេចបវរធិបតី ហ៊ុន ម៉ាណែត បានលើកឡើងថា ចំពោះបញ្ហាវិវាទដីធ្លី រាជរដ្ឋាភិបាល បានកំណត់បញ្ហាពីដើមទី នៃអាណត្តិទី៧នេះ ក្នុងការដោះស្រាយ ក្នុងនោះបញ្ហាធំជាគេ គឺការកំណត់ព្រំប្រទល់ដី មិនទាន់មានភាពច្បាស់លាស់៕

nmr

Related Articles
ព័ត៌មានថ្មីៗ

បេក្ខជនប្រឡងសញ្ញាបត្រមធ្យមសិក្សាទុតិយភូមិ នាំគ្នាទៅពិនិត្យបញ្ជីឈ្មោះប្រឡងនៅតាមមណ្ឌលប្រឡងនានាក្នុងខេត្តសៀមរាប  សៀមរាប ថ្ងៃទី០៧ ខែតុលា ឆ្នាំ២០២៤—

Posted on Author nmr

  បេក្ខជន និងបេក្ខនារី បាននាំគ្នាទៅពិនិត្យឈ្មោះនៅតាមបណ្ដាមណ្ឌលប្រឡងនានាក្នុងខេត្តសៀមរាប នាព្រឹកថ្ងៃទី០៧ ខែតុលា ឆ្នាំ២០២៤នេះ សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៤ ដែលនឹងប្រព្រឹត្តិទៅនាថ្ងៃទី០៨ និងទី០៩ ខែតុលា ឆ្នាំ២០២៤ ស្អែកនេះ។   ខេត្ដសៀមរាបមានអ្នកត្រូវប្រឡងនៅឆ្នាំនេះ ចំនួន ១១ ០៩២នាក់ និងមានមណ្ឌលប្រឡងចំនួន ១៦មណ្ឌល ស្មើនឹង ៤៤៧បន្ទប់ ដោយថ្នាក់វិទ្យាសាស្ដ្រមាន ០៥មណ្ឌល និងថ្នាក់វិទ្យាសាស្ដ្រសង្គម ១១មណ្ឌល។   រូបថត៖ ឃុត សៅ ———
ជីវិតនិងសង្គម ព័ត៌មានជាតិ ព័ត៌មានថ្មីៗ

សហភាពសហជីពនិងសហព័ន្ធសហជីពនៃកម្ពុជា ប្តឹងអង្គការ ACILS ដែលប្រើប្រាស់គ្រប់មធ្យោបាយ ធ្វើសកម្មភាពបំបែកបំបាក់សាមគ្គីភាព និងឯកភាពក្នុងចលនាកម្មករនិយោជិតកម្ពុជា

Posted on Author nmr

សហភាពសហជីព និងសហព័ន្ធសហជីពកម្ពុជា ដែលតំណាងឱ្យសមាជិកភាគច្រើនក្នុងប្រទេសកម្ពុជា បានចេញលិខិតតវ៉ាប្រឆាំងទៅនឹងសកម្មភាពបំបែកបំបាក់សាមគ្គីភាព និងឯកភាពក្នុងចលនាកម្មករនិយោជិតនៃព្រះរាជាណាចក្រកម្ពុជា ធ្វើឡើងដោយអង្គការ ACIL ដោយបានបញ្ជាក់ថា អង្គការមួយនេះបាននិងកំពុងផ្តល់ការគាំទ្រដោយផ្ទាល់និងប្រយោលផ្នែកបច្ចេកទេស និងហិរញ្ញវត្ថុដល់ចលនាលួចលាក់ក្នុងការញុះញង់អូសទាញតំណាងសហជីពមូលដ្ឋានជាសមាជិករបស់សហភាពសហជីព និងសហព័ន្ធសហជីពកម្ពុជា ឱ្យធ្វើការផ្តាច់ខ្លួនទៅបង្កើតសហជីពថ្មី។ លិខិតចេញដោយថ្នាក់ដឹកនាំសហភាពសហជីពនិងសហព័ន្ធសហជីពនៃកម្ពុជា ផ្ញើទៅកាន់លោក លោក WILLIAM CONKLIN នាយកប្រចាំប្រទេសនៃមជ្ឈមណ្ឌលអាមេរិកាំងសម្រាប់សាមគ្គីភាពការងារអន្តរជាតិ ចេញនៅថ្ងៃទី២៨ ខែវិច្ឆិកា ឆ្នាំ២០២២ បានបន្តថា សកម្មភាពរបស់អង្គការ ACIL គឺជាការចូលរួមក្នុងការធ្វើឱ្យមានការបែកបាក់សាមគ្គីភាព និងឯកភាពក្នុងចលនាកម្មករនិយោជិត ដែលធ្វើឱ្យចុះទន់ខ្សោយដល់សំឡេងឯកភាពរួមរបស់សហជីព ដែលនឹងធ្វើឱ្យប៉ះពាល់និងខូចខាតផលប្រយោជន៍បច្ចុប្បន្ន និងអនាគតរបស់កម្មករនិយោជិតនៅកម្ពុជា។ លើសពីនេះសកម្មភាពទាំងនេះគឺផ្ទុយនឹងគោលការណ៍ទូទៅក្នុងការលើកកម្ពស់ចលនាកម្លាំងកម្មករនិយោជិត និងអាចឈានទៅរំលោភបំពានច្បាប់ជាធរមាន។ លិខិតដដែលបានបន្តថា សហភាពសហជីពនិងសហព័ន្ធសហជីពនៃកម្ពុជាប្រឆាំងដាច់អហង្ការចំពោះការផ្តល់ការគាំទ្រសកម្មភាពទាំងអស់នេះ ដែលបង្កប់នូវចេតនាទុច្ចរិត និងទាមទារជាដាច់ខាតឲ្យអង្គការ ACILS បញ្ឈប់ជាបន្ទាន់នូវការផ្តល់ការគាំទ្រទាំងផ្នែកបច្ចេកទេសនិងហិរញ្ញវត្ថុដល់សកម្មភាពទាំងនេះ ដែលនឹងធ្វើឱ្យប៉ះពាល់ដល់ផលប្រយោជន៍និងគោលដៅរួមក្នុងការលើកកម្ពស់សំឡេងនិងកម្លាំងឯកភាពគ្នានៃចលនាកម្មករនិយោជិតនៅកម្ពុជា។ ស្របពេលនឹងការទន្ទឹងរង់ចាំការបកស្រាយបំភ្លឹជុំវិញបញ្ហានេះពីអង្គការ ACIL សហភាពសហជីពនិងសហព័ន្ធសហជីពនៃកម្ពុជា នឹងបន្តតាមដានរាល់សកម្មភាពរបស់អង្គការ ACILS ហើយប្រសិនបើមិនបញ្ឈប់សកម្មភាពទុច្ចរិតទាំងនេះទេ សហភាពសហជីពនិងសហព័ន្ធសហជីពនៃកម្ពុជា នឹងចាត់វិធានការម៉ឺងម៉ាត់ដើម្បីការពារជាដាច់ខាតនូវផលប្រយោជន៍រួមរបស់ចលនាកម្មករនិយោជិតនៅកម្ពុជាដោយ៖ • បញ្ឈប់រាល់កិច្ចសហការជាមួយអង្គការ ACILS និងការចូលរួមក្នុងគម្រោងនិងសកម្មភាពបច្ចុប្បន្ននិងទៅអនាគតដែលគាំទ្រដោយអង្គការ ACILS។ • ធ្វើការប្តឹងតវ៉ាទៅក្រសួង ស្ថាប័នមានសមត្ថកិច្ចឱ្យពិនិត្យឡើងវិញលើក្របខណ្ឌកិច្ចសហប្រតិបត្តិការរបស់អង្គការ ACIL […]
ជីវិតនិងសង្គម ព័ត៌មានជាតិ ព័ត៌មានថ្មីៗ

សម្តេចតេជោ ហ៊ុន សែន ដឹកនាំគណៈប្រតិភូធ្វើមាតុភូមិនិវត្តន៍មកដល់កម្ពុជសវិញហើយ

Posted on Author nmr

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញដឹកនាំគណៈប្រតិភូជាន់ខ្ពស់រាជរដ្ឋាភិបាល មាតុភូមិនិវត្តន៍មកប្រទេសកម្ពុជាវិញហើយ នៅរសៀលថ្ងៃទី២៨ ខែកញ្ញា ឆ្នាំ២០២២ បន្ទាប់ពីចូលរួមមហាសន្និបាតអង្គការសហប្រជាជាតិលើកទី៧៧ នៅសហរដ្ឋអាមេរិក, បំពេញទស្សនកិច្ចផ្លូវការនៅសាធារណរដ្ឋគុយបា និងចូលរួមពិធីបុណ្យសពថ្នាក់ជាតិរបស់ លោក អាបេ ស៊ីនហ្សូ អតីតនាយករដ្ឋមន្ត្រីជប៉ុនពីថ្ងៃទី២១ដល់ថ្ងៃ២៨ ខែកញ្ញាឆ្នាំ២០២២។ គួរបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រី បានបំពេញបេសកកម្មនៅក្រៅប្រទេសរយៈពេលពេញមួយសប្តាហ៍កន្លងទៅនេះ គឺទទួលបានលទ្ធផលជាផ្លែផ្កាយ៉ាងត្រចះត្រចង់សម្រាប់ជាតិមាតុភូមិ។ ក្នុងនោះ ទាក់ទងទៅនឹងសម័យប្រជុំលើកទី៧៧ នៃកិច្ចពិភាក្សាទូទៅ របស់មហាសន្និបាតអង្គការសហប្រជាជាតិ សម្ដេចតេជោនាយករដ្ឋមន្ត្រី បានអញ្ជើញធ្វើសេចក្តីថ្លែងការណ៍ជាតិរបស់កម្ពុជា នៅក្នុងកិច្ចពិភាក្សាទូទៅរបស់មហាសន្និបាតអង្គការសហប្រជាជាតិ។ បទអន្តរាគមន៍នេះ បានផ្តោតលើតួនាទីស្ថាបនារបស់កម្ពុជាក្នុងការគាំទ្រពហុភាគីនិយមផ្អែកលើគោលការណ៍ច្បាប់ ការរួមសហការគ្នាប្រយុទ្ធប្រឆាំងនឹងការគំរាមកំហែង ផ្នែកសន្តិសុខជាសកលដែលកំពុងបន្តកើតមាន ការប្រែប្រួលអាកាសធាតុ ការពង្រឹងប្រព័ន្ធពាណិជ្ជកម្មពហុភាគី គោលនយោបាយឌីជីថលនិងសេដ្ឋកិច្ចបៃតង ព្រមទាំងការធ្វើជាប្រធានអាស៊ានរបស់កម្ពុជា និងខិតខំប្រឹងប្រែងរបស់កម្ពុជាក្នុងការកាត់បន្ថយផលប៉ះពាល់នៃជំងឺរាតត្បាតកូវីដ-១៩ និងការរក្សាបាននូវនិរន្តរភាពនៃកំណើនសេដ្ឋកិច្ច-សង្គមយូរអង្វែង។ ក្នុងអំឡុងពេលស្នាក់នៅទីក្រុងញូវយ៉ក សម្តេចតេជោនាយករដ្ឋមន្ត្រី ក៏បានជួបជាបន្តបន្ទាប់គ្នា ជាមួយថ្នាក់ដឹកនាំអង្គការសហប្រជាជាតិ ថ្នាក់ដឹកនាំក្រុមប្រឹក្សាអឺរ៉ុប និងថ្នាក់ដឹកនាំសំខាន់ៗជាច្រើនទៀតផងដែរ។ សម្រាប់ដំណើរបំពេញទស្សនកិច្ចទៅកាន់ប្រទេសគុយបា សម្ដេចតេជោ បានទទួលជួបជាមួយថ្នាក់ដឹកនាំរបស់ប្រទេសគុយបាសំខាន់ៗដូចជា ឯកឧត្តមប្រធានាធិបតីគុយបា ប្រធានរដ្ឋសភាគុយបា និងថ្នាក់ដឹកនាំសំខាន់ៗជាច្រើនទៀត រួមទាំងការចុះហត្ថលេខាលើឯកសារសំខាន់ចំនួន០៣ […]