ព័ត៌មានជាតិ

ក្រោយពីរធូស្រាល វិបត្តិជំងឺកូវីដ ១៩ច្រកទ្វារព្រំដែនអន្តរជាតិ ជាំសាងាំ បានបបើលបន្ថែមទៀតហើយ

Posted on Author nmr Comments Off on ក្រោយពីរធូស្រាល វិបត្តិជំងឺកូវីដ ១៩ច្រកទ្វារព្រំដែនអន្តរជាតិ ជាំសាងាំ បានបបើលបន្ថែមទៀតហើយ

ឧត្តរមានជ័យៈ អាជ្ញាធរខេត្តជាប់ព្រំដែន កម្ពុជា-ថៃ បានសម្របសម្រួលគ្នា បើកច្រកអន្តរជាតិ ជាំសាងាំ ស្ថិតក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ព្រំដែនស្រុកភូស៊ីង ខេត្តស៊ីសាកេត ឲ្យដំណើរការបន្ថែមទៀត ដើម្បីផ្តល់ឱកាស ដល់ប្រជាពលរដ្ឋ នៃប្រទេសទាំងពីរ បានប្រាស្រ័យទំនាក់ទំនង និងដោះដូរទំនិញគ្នា ជាធម្មតាឡើងវិញ ក្រោយពីបានធូរស្រាល នូវវិបត្តិកូវីដ-១៩។

ការសម្របសម្រួល នៃដំណើរការបើកច្រកអន្តរជាតិជាំ សាងាំឡើងវិញនេះ នៅមុខច្រកដីថៃ ថ្ងៃទី៩ ខែឧសភា ឆ្នាំ២០២២។ ភាគីកម្ពុជា ដឹកនាំដោយលោក ប៉ែន កុសល្យ អភិបាលខេត្តឧត្តរមានជ័យ ឯភាគីថៃ ដឹកនាំដោយលោក វ៉ាត់ថៈណា វុតធិឆាត អភិបាលខេត្តស៊ីសាកេត និងមន្ត្រីពាក់ព័ន្ធមួយចំនួន។ ការជូបសម្របសម្រួលគ្នា ភាគីទាំងបានឯកភាពគ្នា តាមល័ក្ខខ័ណ្ឌមួយចំនួន តាមគោលការណ៍ នៃការណែនាំ របស់ប្រមុខរាជរដ្ឋាភិបាល រៀងៗខ្លួន។

លោក ប៉ែន កុសល្យ អភិបាលខេត្តឧត្តរមានជ័យ បានលើកឡើងដល់ភាគីថៃ ជួយបន្ថូរបន្ថយ ករណីប័ណ្ណធានារ៉ាប់រងសុខភាព ដល់ពលរដ្ឋ អ្នកកាន់លិខិត ឆ្លងដែន (ប៉ាស្ព័រ) និងដល់ពលរដ្ឋ អ្នកកាន់ប័ណ្ណព្រំដែន (Border Pass) ចូលដីប្រទេសថៃ ដែលកំណត់រយៈពេល ៣ ថ្ងៃ ឱ្យមានសុពលភាព ៧ ថ្ងៃ ដូចកាលពីលើកមុន៕

nmr

Related Articles
កសិកម្ម ជីវិតនិងសង្គម ព័ត៌មានជាតិ ព័ត៌មានថ្មីៗ

ឈ្វេងយល់ពីប្រវត្តិនៃព្រះរាជពិធីច្រត់ព្រះនង្គ័ល

Posted on Author nmr

(ភ្នំពេញ)៖ នៅថ្ងៃចន្ទ ៤រោច ខែពិសាខ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែឧសភា ឆ្នាំ២០២៣នេះ ជាថ្ងៃដែលព្រះរាជាណាចក្រកម្ពុជា ប្រារព្ធនូវព្រះរាជពិធីបុណ្យ «ច្រត់ព្រះនង្គ័ល» ដែលត្រូវបានធ្វើឡើងជារៀងរាល់ឆ្នាំក្នុងខែពិសាខ។ ព្រះរាជ​ពិធីបុណ្យ​ច្រត់ព្រះនង្គ័ល ក្នុងឆ្នាំនេះ ​ប្រព្រឹត្តទៅ​នៅក្នុងបរិវេណ​កីឡដ្ឋានខេត្តកំពង់ធំថ្មី​ ស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ នៅថ្ងៃ​៤​រោច​ ​ខែ​ពិសាខ​ ​ត្រូវនឹង​ថ្ងៃ​ទី​​៨​ ​ខែ​ឧសភា​ ​ឆ្នាំ​២​០​២​៣ ក្រោម​ព្រះរាជាធិ​ប​តី​ភាព​ព្រះករុណា​ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រកម្ពុជា។ ព្រះរាជពិធីនេះ គឺសំខាន់បំផុត បន្ទាប់ពីព្រះរាជាអភិសេក ដែលជាពិធីមួយស្ថិតក្នុងចំណោមពិធីផ្សេងៗ ជាច្រើនទៀតប្រចាំឆ្នាំ។ ព្រះរាជពិធីប្រពៃណីនេះ ធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ម្យ៉ាងទៀតក៏ជាការដាស់តឿន ក្រើនរំឭកដល់ប្រជាជនខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវវស្សាបានចូលមកដល់ហើយ។ ខាងក្រោមនេះជាប្រវត្តិខ្លះៗ នៃព្រះរាជពិធីច្រត់ព្រះនង្គ័ល៖ ព្រះរាជពិធីច្រត់ព្រះនង្គ័ល ដែលត្រូវបានគេប្រារព្ធធ្វើឡើង ជារៀងរាល់ឆ្នាំ នៅក្នុងខែពិសាខ គឺជាព្រះរាជពិធីមួយ សំខាន់បំផុត បន្ទាប់ពីព្រះរាជាអភិសេក ហើយក៏ជាព្រះរាជពិធីមួយ ស្ថិតក្នុងចំណោមព្រះរាជពិធីផ្សេងៗឯទៀតប្រចាំឆ្នាំ ដែលចាត់ចូលជាព្រះរាជពិធីទ្វារទសមាស។ […]
ជីវិតនិងសង្គម ព័ត៌មានជាតិ ព័ត៌មានថ្មីៗ

សម្តេចតេជោ ហ៊ុន សែន នឹងអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

Posted on Author nmr

នៅព្រឹកថ្ងៃទី២០ ខែមិថុនា ឆ្នាំ២០២២ស្អែកនេះ សម្តេចអគ្គមហាសេនាបតីតេជោ​ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម Pham Minh Chinh នាយករដ្ឋមន្ត្រីវៀតណាម នឹងអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។ គួររំលឹកថា នៅថ្ងៃទី២០ ខែមិថុនា ឆ្នាំ២០២២ នេះគឺជាខួបគម្រប់ ៤៥ឆ្នាំ នៃដំណើរតស៊ូឆ្ពោះទៅរកការរំដោះជាតិរបស់សម្តេចតេជោ ហ៊ុន សែន និងយុទ្ធមិត្ត ដើម្បីរំដោះជាតិ និងប្រជាជនកម្ពុជាចេញពីការកាប់សម្លាប់របស់ខ្មែរក្រហម។ ថ្ងៃទី២០ ខែមិថុនា ឆ្នាំ១៩៧៧ ជាពេលដែលសមមិត្ត ហ៊ុន សែន ក្នុងវ័យ ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ ៤រូបផ្សេងទៀត បានសម្រេចចិត្តក្នុងស្ថានភាពដ៏តាន់តឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ធ្វើដំណើរជ្រែកស្បៃរាត្រីឆ្លងកាត់ព្រំដែនទាំងគ្រោះថ្នាក់បំផុត ឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ និងប្រជាជនកម្ពុជា ចេញពីក្រញាំបិសាចដ៏សែនឃោរឃៅ ប៉ុលពត។ ផ្តេីមចេញពីដំណើរតស៊ូជាមួយទឹកចិត្តដ៏មុះមុតនោះហើយ ទើបនាំឱ្យមានការរំដោះប្រទេសជាតិ និងប្រជាជនកម្ពុជា ចេញពីរបបវាលពីឃាត ប៉ុល ពត នៅថ្ងៃទី០៧ ខែមករា […]
ព័ត៌មានជាតិ ព័ត៌មានថ្មីៗ

សម្ដេច ស ខេង អំពាវនាវពលរដ្ឋគោរពច្បាប់ចរាចរណ៍ឱ្យបានខ្ជាប់ខ្ជួន និងមានស្មារតីប្រុងប្រយ័ត្នគ្រប់ពេលវេលា

Posted on Author nmr

ទោះជាចំនួនគ្រោះថ្នាក់ចរាចរណ៍ក្នុងឆ្នាំ២០២១ កន្លងទៅនេះ មានការធ្លាក់ចុះក្តីបើធៀបនឹងឆ្នាំ២០២០ តែសម្តេច ស ខេង ឧបនាយករដ្ឋមន្ត្រី នៅតែព្រួយបារម្ភពីចំនួនគ្រោះថ្នាក់ចរាចរណ៍ដែលនៅតែមានចំនួនច្រើននៅឡើយ និងបណ្ដាលឱ្យមានការបាត់បង់ជីវិត មានពិការភាព ខូចខាតទ្រព្យសម្បត្តិប្រជាពលរដ្ឋ និងទ្រព្យសម្បតិ្តសាធារណៈជារៀងរាល់ថ្ងៃ។ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានកត់សម្គាល់អំពីស្ថានភាពគ្រោះថ្នាក់ចរាចរណ៍ផ្លូវគោកកាលពីឆ្នាំ២០២១ ដែលមានការធ្លាក់ចុះគួរឱ្យកត់សម្គាល់ ទោះបីជាតួលេខគ្រោះថ្នាក់នៅរាជធានីខេត្តមួយចំនួននៅតែស្ថិតក្នុងអត្រាខ្ពស់ និងមានកំណើនគ្រោះថ្នាក់នាថ្ងៃបុណ្យឈប់សំរាកក៏ដោយ។ ការកត់សម្គាល់នេះ បានធ្វើឡើងក្នុងឱកាសដែលសម្តេច អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆ្នាំ២០២១ និងលើកទិសដៅការងារឆ្នាំ២០២២ ប្រារព្ធនៅទីស្ដីការក្រសួងសាធារណការ និងដឹកជញ្ជូន នាព្រឹកថ្ងៃទី៩ ខែកុម្ភៈ ឆ្នាំ២០២២។ ទោះជាយ៉ាងណាសម្ដេចក្រឡាហោម នៅតែបន្តសម្ដែងក្ដីព្រួយបារម្ភអំពីស្ថានភាពគ្រោះថ្នាក់ចរាចរណ៍ដែលនៅតែបន្តកើតមានក្នុងចំនួនច្រើន និងបណ្ដាលឱ្យមានការបាត់បង់ជីវិត មានពិការភាព និងខូចខាតទ្រព្យសម្បត្តិប្រជាពលរដ្ឋ និងទ្រព្យសម្បតិ្តសាធារណៈ ពិសេសការចាប់ផ្ដើមហក់ឡើវិញនៃអត្រាគ្រោះថ្នាក់ចរាចរណ៍បន្ទាប់ពីមានការបើកសកម្មភាពសេដ្ឋកិច្ច និងសង្គម។ ទន្ទឹមគ្នានេះ សម្ដេចបានអំពាវនាវពលរដ្ឋធ្វើដំណើរតាមដងផ្លូវគោរពច្បាប់ចរាចរណ៍ឱ្យបានខ្ជាប់ខ្ជួន និងមានស្មារតីប្រុងប្រយ័ត្នគ្រប់ពេលវេលា។ សម្ដេចក៏បានទាញចំណាប់អារម្មណ៍ឱ្យយកចិត្តទុកដាក់បន្តបង្កើនការត្រួតពិនិត្យសារធាតុញៀនលើអ្នកបើកបររថយន្តធុនធំដឹកទំនិញ ជាពិសេសនៅពេលយប់។ ពាក់ព័ន្ធនឹងស្ថានភាពចរាចរណ៍នេះ សម្ដេចបានផ្ដល់អនុសាសន៍ឱ្យគ្រប់សមាសភាពនៃគណៈកម្មាធិការជាតិសុវត្ថិភាពចរាចរណ៍បង្កើនការអប់រំផ្សព្វផ្សាយអំពីច្បាប់ និងបទដ្ឋានសុវត្ថិភាពចរាចរណ៍តាមគ្រប់រូបភាព និងឱ្យបានទូលំទូលាយ ត្រូវពង្រឹងបន្ថែមទៀតគុណភាពសាលាបង្រៀនបើកបរ បង្កើនការបំពាក់ភ្លើងស្តុប ស្លាកសញ្ញា និងគំនូសសញ្ញាចរាចរណ៍ និងរិះរកវិធីសាស្ត្រថ្មីៗបន្ថែមទៀតដើម្បីពង្រឹងការអនុវត្តច្បាប់ និងកាត់បន្ថយគ្រោះថ្នាក់ចរាចរណ៍។ សម្ដេចក៏បានណែនាំបន្តការរឹតបន្តឹងអនុវត្តច្បាប់ស្ដីពីចរាចរណ៍ផ្លូវគោក […]