ខេត្តតាកែវ ៖ ក្មេងប្រុសម្នាក់ក្នុងចំណោមគ្នា៧នាក់បានលង់ទឹកស្លាប់ខណៈដែលនាំគ្នាទៅលោតលេងក្នុងទឹកត្រពាំង។ ហេតុការណ៍នេះបានកើតឡើងនៅវេលាម៉ោង១៥នឹង៣០នាទី ថ្ងៃពុធ ៩រោច ខែបុស្ស ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៦ ខែមករា ឆ្នាំ២០២២ ស្ថិតនៅចំណុចត្រពាំងទឹក(ទួលទទឹងថ្ងៃ)ចម្ងាយប្រហែល១០០ម៉ែត្រពីផ្ទះឈ្មោះ នួន សុធា ស្ថិតក្នុងភូមិសាមគ្គី ឃុំអង្គរបូរី ស្រុកអង្គរបូរី ខេត្តតាកែវ។ សមត្ថកិច្ចបានឲ្យដឹងថាសាកសពកុមាររងគ្រោះឈ្មោះ ផាន់ ពន្លក ភេទប្រុស អាយុ៦ឆ្នាំ ត្រូវជាកូនឈ្មោះ នួន សុធា និងម្តាយឈ្មោះ ភុំ ភា មានទីលំនៅភូមិ-ឃុំ កើតហេតុខាងលើ ។ សមត្ថកិច្ចបានបន្តឲ្យដឹងទៀតថាមូលហេតុ កុមាររងគ្រោះ បានទៅលោតទឹកជាមួយមិត្តភក្តិចំនួន៧នាក់ តែកុមាររងគ្រោះបានលោតទៅបណ្តាលឱ្យលង់ទឹកតែម្តង បន្ទាប់មកមិត្តភក្តិរបស់កុមារារងគ្រោះបានទៅប្រាប់ឪពុកម្តាយកុមារារងគ្រោះ ហើយឪពុកម្តាយក៏បានរកឃើញនិងស្រង់ យកទៅមន្ទីរពេទ្យបង្អែកអង្គរបូរី តែជាអកុសលកុមារារងគ្រោះបានស្លាប់បាត់ទៅហើយ។ ក្រោយកើតហេតុសមត្ថកិច្ចបានចុះពិនិត្យនិងធ្វើកោសល្យវិច័យឃើញថាកុមាររងគ្រោះពិតជាបានលង់ទឹកស្លាប់ពិតប្រាកដមែនហើយបានធ្វើកំណត់ហេតុនិងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណីនិងទំនៀមទំលាប់សាសនា៕
ភ្នំពេញ: (ព័ត៌មានបឋម) នៅវេលាម៉ោង០៤និង១៨នាទីរសៀលថ្ងៃទី០៣ ខែមករា ឆ្នាំ២០២២ មានករណីភ្ញាក់ផ្អើលមួយកើតឡើង មានស្ត្រីជនជាតិចិនម្នាក់លោតពីលើអាគារយាតិថៃគ្រប់ បាក់ជើងទាំងពីរហើយបោកក្បាល ទីតាំងកើតហេតុ ស្ថិតនៅក្នុងសង្កាត់ទន្លេបាសាក់ ខណ្ឌចម្ការមន រាជធានីភ្នំពេញ ។ ករណីខាងលើនេះ មូលហេតុមិនទាន់បានដឹងច្បាស់នោះទេ ។ បន្ទាប់ពីកើតហេតុ វត្តមានកម្លាំងសមត្ថកិច្ចនៅក្នុងមូលដ្ឋានបានចុះទៅ ពិនិត្យសាកសពស្រ្តីរងគ្រោះ និងធ្វើកោសល្យវិច្ច័យ ទៅតាមនីតិវិធីផ្លូវច្បាប់ ។ សម្រាប់ព័ត៌មានលម្អិតក្រុមការងារ នៃអង្គភាពសារព័ត៌មាន នឹងផ្សាយជូននៅពេលក្រោយបន្តទៀត ៕
សម្តេចតេជោ ហ៊ុន សែន បញ្ជាក់ថា ជំនួបជាមួយប្រធានាធិបតីអាមេរិក មិនមែននិយាយពីតួអង្គមនុស្សណាម្នាក់ នោះឡើយ គឺជជែកគ្នាតែអំពីការបោសសំអាតមីននៅកម្ពុជា និងលំហប្រជាធិបតេយ្យប៉ុណ្ណោះ។ ថ្លែងក្នុងពិធីបិទសន្និបាតខួប៣០ឆ្នាំ នៃសកម្មភាពមីននៅកម្ពុជា នៅថ្ងៃទី២២ ខែវិច្ឆិកា ឆ្នាំ២០២២នេះ សម្តេចតេជោហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ជាថ្មីម្ដងទៀតថា ជំនួបរវាងសម្តេចតេជោ ជាមួយ លោក ចូ បៃឌិន ប្រធានាធិបតីអាមេរិក កាលពីល្ងាចថ្ងៃទី១២ ខែវិច្ឆិកា ឆ្នាំ២០២២ ដែលជាថ្ងៃទី៣ នៃកិច្ចប្រជុំកំពូលអាស៊ានលើកទី៤០ ទី៤១ ដែលកម្ពុជាធ្វើជាម្ចាស់ផ្ទះ មិនមែននិយាយពីតួអង្គមនុស្សណាម្នាក់ នោះឡើយ។ ប៉ុន្តែជំនួបនេះកម្ពុជា និងអាមេរិក ជជែកគ្នាតែអំពីការបោសសំអាតមីននៅកម្ពុជា និងលំហប្រជាធិបតេយ្យ តែប៉ុណ្ណោះ។ លោក ចូ បៃឌិន បានជម្រាបជូនសម្ដេចតេជោ ហ៊ុន សែន ថាសហគមន៍អាស៊ានពិតជាមានសារៈសំខាន់ណាស់សម្រាប់សហរដ្ឋអាមេរិក ពិសេសចំពោះរដ្ឋាភិបាលរបស់លោកផ្ទាល់តែម្ដង ហើយសហរដ្ឋអាមេរិកគាំទ្រចំពោះមច្ចុភាពអាស៊ាន។ លោក ចូ បៃឌិន ក៏បានវាយតម្លៃខ្ពស់ចំពោះវិធានការរបស់ប្រទេសកម្ពុជាជាប្រធានអាស៊ានក្នុងការប្រឹងប្រែងដោះស្រាយបញ្ហានៅប្រទេសមីយ៉ាន់ម៉ាឲ្យវិលត្រឡប់ទៅរកស្ថានភាពដើមវិញនោះ។ ជាការឆ្លើយតបសម្ដេចតេជោក៏បានអរគុណចំពោះឯកឧត្តម ចូ បៃឌិន ដែលបានអញ្ជើញធ្វើដំណើរមកចូលរួមនៅក្នុងកិច្ចប្រជុំកំពូលអាស៊ាននៅរាជធានី […]
