មួយថ្ងៃបន្ទាប់ពីយន្តហោះចម្បាំងរបស់សហរដ្ឋអាមេរិកបានបាញ់ទម្លាក់បាឡុងស៊ើបការណ៍របស់ចិនដែលសង្ស័យ ខណៈការចោទប្រកាន់បានលេចចេញលើអ្វីដែលអូសបន្លាយពេលយូរ។ សមាជិកសភាមកពីគណបក្សសាធារណរដ្ឋ បានរិះគន់ប្រធានាធិបតីគណបក្សប្រជាធិបតេយ្យសហរដ្ឋអាមេរិក លោក Joe Biden សម្រាប់ការមិនបាញ់ទម្លាក់បាឡុងចារកម្ម។ ព្រឹទ្ធសមាជិក លោក Tom Cotton នៃរដ្ឋ Arkansas និយាយថា យើងគួរតែបាញ់ទម្លាក់បាឡុងនេះ ដែលយើងមិនគួរអនុញ្ញាតឱ្យវាឆ្លងកាត់ទ្វីបអាមេរិកទាំងមូលនោះទេ។ លោក Biden និយាយថា លោកបានចេញបញ្ជាកាលពីថ្ងៃពុធសប្តាហ៍កន្លងទៅនេះ ដើម្បីបាញ់ទម្លាក់បាឡុងបន្ទាប់ពីវាបានឆ្លងចូលទៅក្នុងរដ្ឋ Montana ប៉ុន្តែមន្ទីរបញ្ចកោណបានផ្តល់យោបល់ឱ្យរង់ចាំរហូតដល់វាអាចត្រូវបានបាញ់ទម្លាក់នៅលើទឹកដើម្បីការពារជនស៊ីវិលពីការធ្លាក់កម្ទេចកម្ទីរមកដី។
ភ្នំពេញ ៖ រដ្ឋបាលខេត្ដសៀមរាប បានបញ្ជាក់ថា គិតពីពេលដែលលេចធ្លាយជំងឺកូវីដ១៩ ក្នុងសហគមន៍ មកដល់ចុងខែមិថុនានេះ ជំងឺនេះបានរាតត្បាតស្ទើរពាស់ពេញខេត្ដទៅហើយ។ ប៉ុន្ដែអាជ្ញាធរនៅមិនទាន់អាចកំណត់មុខសញ្ញានៃប្រភពថាផ្ទុះចេញពីណាបាននៅឡើយទេ។ តែយ៉ាងណាជាវិធានការនាពេលនេះ អាជ្ញាធរបានបង្កើនការរឹតបន្ដឹងការត្រូតពិនិត្យចរាចរណ៍ចូលខេត្ដ និងកំពុងរៀបចំកន្លែងសម្រាកព្យាបាលបន្ថែមទៀត ដើម្បីទប់ទល់និងការកើនឡើងនៃចំនួនអ្នកឆ្លង៕
យោងតាមសារព័ត៌មាន សិង្ហបុរី រ៉យទ័រ បានចេញផ្សាយថាSINGAPORE, (Reuters) - កាលពីថ្ងៃច័ន្ទ នាវាដឹកយន្តហោះថ្មីរបស់អង់គ្លេសឈ្មោះ HMS Queen Elizabeth បានចូលចតនៅប្រទេសសិង្ហបុរី ដែលជាផ្នែកមួយនៃការបង្ហាញខ្លួនជាថ្មីម្តងទៀតនៅទូទាំងពិភពលោក និងបង្កើនវត្តមានយោធារបស់ខ្លួននៅតំបន់អាស៊ី ចំពេលមានការកើនឡើងនៃការប្រកួតប្រជែងក្នុងចំណោមប្រទេសមហាអំណាចជាច្រើន ។ នាវាឈ្មោះ Queen Elizabeth បានដឹកនាំក្រុមនាវាប្រយុទ្ធរបស់ចក្រភពអង់គ្លេសក្នុងការធ្វើសមយុទ្ធជាមួយយោធាសិង្ហបុរីនៅចុងសប្តាហ៍នេះ រួមទាំងសមយុទ្ធកងទ័ពជើងទឹក និងការធ្វើសមយុទ្ធប្រយុទ្ធជាមួយយន្តហោះបំបាំងកាយ F-35B និងយន្តហោះ F-16 ជាច្រើនគ្រឿង។ ប្រទេសអង់គ្លេសគ្រោងនឹងដាក់ពង្រាយនាវាចម្បាំងពីរគ្រឿងជាអចិន្ត្រៃយ៍នៅក្នុងដែនទឹកតំបន់អាស៊ី ជាកន្លែងដែលសហរដ្ឋអាមេរិក និងសម្ព័ន្ធមិត្តលោកខាងលិចកំពុងព្យាយាមទប់ស្កាត់ការធ្វើយោធូបនីយកម្មរបស់ចិន និងការសាងសង់កោះនៅសមុទ្រដែលមានសារៈសំខាន់ចំពោះពាណិជ្ជកម្មពិភពលោកដែលមានតម្លៃរាប់ពាន់លានដុល្លារ។ មេបញ្ជាការក្រុមនាវាប្រយុទ្ធលោក Steve Moorhouse បានប្រាប់សារព័ត៌មានរ៉យទ័រនៅលើនាវាថ្មីដែលមានទម្ងន់ ៦៥.០០០តោនថា “ការពិនិត្យឡើងវិញរួមរបស់យើងនាពេលថ្មីៗនេះបានគូសបញ្ជាក់ពីសារៈសំខាន់នៃតំបន់ឥណ្ឌូប៉ាស៊ីហ្វិក និងបំណងរបស់ចក្រភពអង់គ្លេសដែលមានទំនោរមកកាន់តំបន់នេះ និងមានការបង្កើនវត្តមាន ព្រមទាំងការបង្ហាញខ្លួនជាអចិន្ត្រៃយ៍កាន់តែច្រើន” ។ “វត្តមានរបស់នាវាQueen Elizabeth កំពុងដាក់ពង្រាយនៅទីនេះសម្រាប់បំពេញប្រតិបត្តិការលើកដំបូងនោះជាការបង្ហាញនូវទំនោរក្នុងតំបន់នេះ” ។ បើយោងតាមសេចក្តីថ្លែងការណ៍របស់រដ្ឋាភិបាលអង់គ្លេសថា សិង្ហបុរីគឺជាប្រទេសមួយក្នុងចំណោមប្រទេសជាង ៤០ ដែលក្រុមនាវាប្រយុទ្ធនេះនឹងធ្វើទំនាក់ទំនងតាមរយៈដំណើរទស្សនកិច្ច ឬការធ្វើសមយុទ្ធអំឡុងការដាក់ពង្រាយនាវាជាសកលរបស់ខ្លួន ៕
