ជីវិតនិងសង្គម ព័ត៌មានជាតិ ព័ត៌មានថ្មីៗ

ប្រធានសមាគមកម្ពុជា-ជប៉ុន ប្តេជ្ញាកៀរគរវិនិយោគិនជប៉ុនឱ្យកាន់តែច្រើនមកវិនិយោគនៅកម្ពុជា

Posted on Author nmr Comments Off on ប្រធានសមាគមកម្ពុជា-ជប៉ុន ប្តេជ្ញាកៀរគរវិនិយោគិនជប៉ុនឱ្យកាន់តែច្រើនមកវិនិយោគនៅកម្ពុជា
លោក Fumiaki Takahashi ប្រធានសមាគមកម្ពុជា-ជប៉ុន ក្នុងជំនួបពិភាក្សាជាមួយលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា កាលពីថ្ងៃទី៧ ខែកុម្ភៈ ឆ្នាំ​២០២៣ បានប្តេជ្ញាចិត្តកៀរគរវិនិយោគិនជប៉ុនឲ្យកាន់តែច្រើនបន្ថែមទៀត មកវិនិយោគនៅកម្ពុជា។
លោក ប៉ាន សូរស័ក្តិ រដ្ឋមន្ត្រីពាណិជ្ជកម្ម និងលោក Fumiaki Takahashi អតីតឯកអគ្គរដ្ឋទូតជប៉ុនប្រចាំកម្ពុជា និងជាប្រធានសមាគមកម្ពុជា-ជប៉ុន បានជួបពិភាក្សាលើការងារមួយចំនួន ក្នុងគោលបំណងជំរុញការធ្វើពាណិជ្ជកម្ម និងវិនិយោគនៅកម្ពុជា។ លោក ប៉ាន សូរស័ក្តិ បានស្វាគមន៍យ៉ាងកក់ក្តៅចំពោះ លោក Fumiaki Takahashi និងសហការី ដែលបានធ្វើដំណើរមកកាន់ប្រទេសកម្ពុជាជាថ្មីម្តងទៀត។ លោករដ្ឋមន្ត្រីក៏បានថ្លែងអំណរគុណចំពោះសមាគមកម្ពុជា-ជប៉ុន ដែលបានចូលរួមចំណែកក្នុងការអភិវឌ្ឍន៍សេដ្ឋកិច្ចនៅកម្ពុជា ក៏ដូចជាការគាំទ្រជាបន្តបន្ទាប់ដល់ក្រសួងពាណិជ្ជកម្មក្នុងពេលកន្លងមក។
គណៈប្រតិភូសមាគមជប៉ុន-កម្ពុជា បានធ្វើបទបង្ហាញជូនលោករដ្ឋមន្ត្រី និងអង្គប្រជុំអំពីប្រតិបត្តិការធុរកិច្ចក៏ដូចជាទិសដៅរបស់ក្រុមហ៊ុនជប៉ុនមួយចំនួននៅកម្ពុជា ជាពិសេសការវិនិយោគលើវិស័យវារីវប្បកម្ម ផលិតផលសុខភាព កម្លាំងពលកម្ម សូត្រជាដើម។
លោករដ្ឋមន្ត្រីពាណិជ្ជកម្ម បានគាំទ្រ និងផ្តល់អនុសាសន៍ណែនាំឱ្យក្រុមហ៊ុនធ្វើការពាក់ព័ន្ធជាមួយក្រសួង-ស្ថាប័នពាក់ព័ន្ធ ដើម្បីពង្រីកប្រតិបត្តិការអាជីវកម្មរបស់ខ្លួនឱ្យកាន់តែជោគជ័យបន្ថែមទៀត ជាពិសេសការនាំផលិតផលកម្ពុជាចូលទីផ្សារជប៉ុន តាមរយៈមជ្ឈមណ្ឌលធុរកិច្ចកម្ពុជានៅជប៉ុនជាដើម។
លោករដ្ឋមន្ត្រីក៏បានលើកទឹកចិត្ត និងជំរុញឱ្យសមាគមជប៉ុន-កម្ពុជា ទាញ​យក​ផលប្រយោជន៍ពីកិច្ចព្រមព្រៀងពាណិជ្ជកម្មសេរីនានា ដែលកម្ពុជាជាសមាជិកមានដូចជា៖ អាសិប និងកិច្ចព្រមព្រៀងទ្វេភាគីក៏ដូចជា កិច្ចព្រមព្រៀងពាណិជ្ជ​កម្មសេរីនានាជាមួយដៃគូអាស៊ាន ដើម្បីពង្រីកទីផ្សារ និងប្រតិបត្តិការអាជីវកម្មរបស់ខ្លួន។
លោករដ្ឋមន្ត្រី ប៉ាន សូរស័ក្តិ ក៏បានជម្រាបប្រធានសមាគម និងសហការីនៃសមាគមជប៉ុន-កម្ពុជា អំពីការងារអាទិភាពសំខាន់ៗមួយចំនួនដែលក្រសួងពាណិជ្ជកម្ម បាននិងកំពុងអនុវត្តក្នុងកិច្ចខិតខំប្រឹងប្រែង ធ្វើឱ្យកាន់តែប្រសើរឡើងលើវិស័យ ពាណិជ្ជកម្ម និងធុរកិច្ច ដើម្បីជួយសម្រួលដល់វិនិយោគិននៅកម្ពុជា។
លោក Fumiaki Takahashi ប្រធានសមាគមកម្ពុជា-ជប៉ុន បានថ្លែងអំណរគុណចំពោះអនុសាសន៍ណែនាំរបស់លោករដ្ឋមន្ត្រី ក៏ដូចជាការខិតខំប្រឹងប្រែងឥតឈប់ឈររបស់ក្រសួងពាណិជ្ជកម្ម ក្នុងការធ្វើឱ្យប្រសើរឡើងនូវបរិយាកាសធុរកិច្ចនៅកម្ពុជា។ ជាមួយគ្នានោះ លោកប្រធានសមាគម ក៏បានប្តេជ្ញាចិត្តក្នុងការផ្សព្វផ្សាយ និងកៀរគរវិនិយោគិនជប៉ុន ឱ្យកាន់តែច្រើនបន្ថែមទៀតមកវិនិយោគនៅកម្ពុជា។
ក្នុងជំនួបនោះ ភាគីទាំងពីរ ក៏បានអបអរសាទរខួបលើកទី៧០ នៃការបង្កើតទំនាក់ទំនង ការទូតកម្ពុជា-ជប៉ុន ក្នុងឆ្នាំ២០២៣ និងបានសម្តែងសារជាថ្មីនូវការប្តេជ្ញាចិត្ត ក្នុងការបន្ត ពង្រឹងទំនាក់ទំនងរវាងប្រទេសទាំងពីរឱ្យកាន់តែជិតស្និទ្ធ ជាពិសេសកិច្ចសហប្រតិបត្តិការ លើវិស័យសេដ្ឋកិច្ច និងពាណិជ្ជកម្ម ឱ្យកាន់តែមានភាពរឹងមាំ និងស៊ីជម្រៅបន្ថែមទៀត៕
nmr

Related Articles
ព័ត៌មានថ្មីៗ

កម្មវិធីសម្ពោធ ដាក់ប្រើប្រាស់សាលាបឋមសិក្សាល្អនៅភូមិល្អ ឃុំចង្ក្រង់ស្រុកចិត្របុរី ខេត្តក្រចេះក្រោមអធិបតីភាព ឯកឧត្តម ព្រុំ សុខា ទេសរដ្ឋមន្រ្តី អាជ្ញាធរជាតិប្រយុទ្ធប្រឆាំងគ្រឿងញៀន -សមាសភាពចូលរួមមាន

Posted on Author nmr

– ឯកឧត្តមនេត្រ ភត្រា រដ្ឋមន្ត្រីក្រសួងព័ត៌មាន – ឯកឧត្តម វ៉ា ថន អភិបាល នៃ គណ:អភិបាលខេត្តក្រចេះ – ឯកឧត្តម លោកជំទាវ សមាជិកក្រុមប្រឹក្សាខេត្ត – លោក លោកស្រីក្រុមប្រឹក្សាស្រុកចិត្របុរី – លោក លោកស្រីអភិបាលអភិបាលរងស្រុកចិត្របុរី – មន្ទីរពាក់ពន្ធ័ជុំវិញខេត្ត – ការិយាល័យពាក់ពន្ធ័ជុំវិញស្រុក – កងកម្លាំងប្រដាប់អាវុធទាំង ០៣ ប្រភេទ – លោកគ្រូ អ្នកគ្រូ សិស្សានុសិស្ស និង ប្រប្រជាពលរដ្ឋចូលរួមសរុបចំន ៣៦៥ នាក់ ស្រីចំនួន ២១៧ នាក់។
ព័ត៌មានជាតិ ព័ត៌មានថ្មីៗ

ឃើញមានភាពរញ៉េរញ៉ៃគ្មានសណ្តាប់ធ្នាប់លើផ្លូវដើមពុទ្រ្ទាទើបសមត្ថកិច្ចចុះណែនាំអ្នកលក់ដូរតាមចិញ្ចើមផ្លូវបណ្តាលឱ្យកកស្ទះចរាចរណ៍ និងអាចបង្កគ្រោះថ្នាក់

Posted on Author nmr

ខេត្តបន្ទាយមានជ័យ ៖ ក្រោយឃើញមានភាពរញ៉េរញ៉ៃគ្មានសណ្តាប់ធ្នាប់លើផ្លូវដើមពុទ្រ្ទា មន្ត្រីនគរបាលបានចុះរៀបចំសណ្តាប់ធ្នាប់ នៅថ្ងៃទី០៣ ខែឧសភា ស្ថិតសង្កាត់ប៉ោយប៉ែត ក្រុងប៉ោយប៉ែត ។ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានប្រាប់ថា ស្ថានភាពផ្លូវនេះគ្មានសណ្តាប់ធ្នាប់ទេ កម្លាំងផ្នែកសណ្តាប់ធ្នាប់នៃអធិការដ្ឋាននគរបាលក្រុងប៉ោយប៉ែត ក៏បានចុះរៀបចំសណ្តាប់ធ្នាប់ជូនប្រជាពលរដ្ឋអោយមានសោភ័ណភាពល្អ ដែលអ្នកលក់បានយកចិញ្ចើមផ្លូវលក់ដូរ បណ្តាលប៉ះពាល់ឱ្យអ្នកធ្វើដំណើរដែលប្រឈមគ្រោះថ្នាក់បានគ្រប់ពេល ។ លោកបានបញ្ជាក់ថា នៅពេលចុះរៀបចំសណ្តាប់ធ្នាប់នៅចំណុចផ្លូវដើមពុទ្រ្ទា ឃើញបងប្អូនប្រជាពលរដ្ឋបានចូលរួមរុះរើចេញរាល់អីវ៉ាន់ ដែលយកមកលក់ដូរលើចិញ្ចើមផ្លូវ បណ្តាលឱ្យផ្លូវតូចចង្អៀត នៅពេលប្រជាពលរដ្ឋចរាចរណ៍ទៅមកជួបការលំបាក និងធ្វើឱ្យអ្នកដំណើររអ៊ូរទាំថា ផ្លូវចង្អៀត ។ លោកវរសេនីយ៍ឯក សៅ សារឿន បានបញ្ជាក់ទៀតថា កម្លាំងនគរបាលសណ្តាប់ធ្នាប់ក្រុងប៉ោយប៉ែត និងចុះរៀបចំសណ្តាប់ធ្នាប់តាមដងផ្លូវទីប្រជុំក្រុងប៉ោយប៉ែត ដើម្បីអោយមានសោភ័ណភាពល្អប្រជាពលរដ្ឋធ្វើចរាចរណ៍ទៅមកបានដោយងាយស្រួលនិងកាត់បន្ថយគ្រោះថ្នាក់ចរាចរណ៍កើតឡើង ហើយសុំអោយប្រជាពលរដ្ឋបញ្ឈប់សកម្មភាពយកចិញ្ចើមផ្លូវលក់ដូរ បណ្តាលអោយប៉ៈពាល់ផ្លូវសាធារណៈនិងសណ្តាប់ធ្នាប់៕ ចំណែកលោកស្រីចាន់សុគន្ធាប្រធានផ្នែកអភិវឌ្ឍប្រព័ន្ធផ្សព្វផ្សាយនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យវិញបានឲ្យដឹងថាចាប់តាំងពីឆ្នាំ២០១៧មកវិស័យសារព័ត៌មាននៅកម្ពុជាមានការធ្លាក់ចុះបន្ទាប់ពីរដ្ឋាភិបាលធ្វើការបង្រ្កាបទៅក្រុមអង្គការសង្គមស៊ីវិលគណបក្សប្រឆាំងនិងប្រព័ន្ធផ្សព្វផ្សាយដែលហ៊ានរិះគន់មកលើភាពអសកម្មរបស់រដ្ឋាភិបាលកម្ពុជា។ ជាការឆ្លើយតប រដ្ឋមន្ត្រីក្រសួងព័ត៌មានបានបញ្ជាក់ថា អ្នកសារព័ត៌មានត្រូវបានរដ្ឋាភិបាលចាត់ទុកថាជាក្រុមទីមួយស្មើនិងមន្ត្រីរាជការនិងក្រុមគ្រូពេទ្យដែលត្រូវបានអនុញ្ញាតឲ្យចាក់វ៉ាក់សាំងមុនគេបង្អស់ក៏ប៉ុន្តែចំណុចនេះមិនត្រូវបានអ្នកកាសែតមួយចំនួនយកទៅផ្សព្វផ្សាយនោះទេ។ ប៉ុន្តែ អ្វីដែលពួកគេផ្សាយ គឺបញ្ហាអសកម្ម ខ្វះភាពជាក់ស្ដែង ដូចជាការផ្សាយអំពីការដែលសមត្ថកិច្ចហាមឃាត់មិនមិនឲ្យអ្នកសារព័ត៌មានចូលក្នុងតំបន់ផ្ទុះកូវីដ១៩និងចាត់ទុកវិធានការទាំងនេះជាការបំបិទសិទ្ធិសេរីភាពចំពោះពួកគេទៅវិញ។ សម្រាប់លោកខៀវកាញារីទ្ធការដែលអ្នកកាសែតលើកអំពីបញ្ហានេះធ្វើជាមូលហេតុគឺអាចចាត់ទុកថាអ្នកកាសែតនោះខ្សោយចំណេះដឹងទាក់ទងនឹងកាសែត ឬក៏គាត់ចង់លើកបញ្ហា ដើម្បីសុំលុយ ឬផ្គាប់ចិត្តម្ចាស់ជំនួយប៉ុណ្ណោះ៕
ព័ត៌មានជាតិ ព័ត៌មានថ្មីៗ

មេបញ្ជាការកងទ័ពជើងគោក កម្ពុជា-ថៃ ចុះហត្ថលេខារួមគ្នាលើ“លក្ខខណ្ឌស្តីពីកិច្ចសហប្រតិបត្តិការ” រវាងកងទ័ពជើងគោកនៃប្រទេសទាំងពីរ !!!!

Posted on Author nmr

រាជធានីភ្នំពេញ: តបតាមការអញ្ជើញរបស់កងទ័ពជើងគោកនៃកងយោធពលខេមរភូមិន្ទ ឯកឧត្តម នាយឧត្តមសេនីយ៍ ណារ៉ុងផាន់ ជិតកែវធែ (Narongpan Jittkaewtae) អគ្គមេបញ្ជាការកងទ័ពជើងគោកភូមិន្ទថៃ បានអញ្ជើញមកបំពេញទស្សនកិច្ចជាផ្លូវការរយៈពេល ២ថ្ងៃ នៅព្រះរាជាណាចក្រកម្ពុជាជាលើកដំបូងបន្ទាប់ពី ឯកឧត្តម នាយឧត្តមសេនីយ៍ បានចូលកាន់តំណែង។ នៅក្នុងអំឡុងពេលនៃដំណើរទស្សនកិច្ចនេះ នាព្រឹកថ្ងៃទី៣ ខែកុម្ភៈ ឆ្នាំ២០២២ ឯកឧត្តម បានដឹកនាំគណៈប្រតិភូជាន់ខ្ពស់នៃកងទ័ពជើងគោកភូមិន្ទថៃ ចូលជួបពិភាក្សាការងារទ្វេភាគីជាមួយ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅបញ្ជាការដ្ឋានកងទ័ពជើងគោក។ ក្នុងជំនួបនេះ ភាគីទាំងពីរក៏បានសម្តែងមោទនភាពចំពោះទំនាក់ទំនងមិត្តភាពជាប្រពៃណី ភាពជា អ្នកជិតខាងល្អ និងកិច្ចសហប្រតិបត្តិការជិតស្និទ្ធលើគ្រប់វិស័យរវាងប្រទេសទាំងពីរ កម្ពុជា-ថៃ ដែលនាំមកនូវផលប្រយោជន៍ទៅវិញទៅមក និងការអភិវឌ្ឍរីកចម្រើនរួមគ្នាទាំងក្នុងពេលបច្ចុប្បន្ន និងសក្តានុពលបន្តទៅមុខ ជាពិសេសកិច្ចខិតខំប្រឹងប្រែងជួយគ្នា និងឧបត្ថម្ភគាំទ្រគ្នាទៅវិញទៅមក ក្នុងពេលជួបគ្រោះយថាហេតុផ្សេងៗ ដូចជា៖ កិច្ចសហការទប់ស្កាត់ការរាតត្បាតនៃជំងឺកូវីដ-១៩ ក្នុងរយៈកាលកន្លងមកនេះ ជាដើម។ ភាគីទាំងពីរ ក៏បានធ្វើការវាយតម្លៃខ្ពស់ចំពោះកិច្ចសហប្រតិបត្តិការយោធា កម្ពុជា-ថៃ ដែលបានដំណើរការបោះជំហានរីកចម្រើនទៅមុខ និងសម្រេចបានលទ្ធផលផ្លែផ្កាជាច្រើនទាំងនៅក្នុងក្របខ័ណ្ឌជារួម និងក្នុងកម្រិតកងទ័ពជើងគោក ជាអាទិ៍ ការអប់រំបណ្តុះបណ្តាលធនធានមនុស្ស ការអនុវត្តលំហាត់ហ្វឹកហ្វឺន និងការផ្លាស់ប្តូរគណៈប្រតិភូទៅវិញទៅមក […]