ខេត្តតាកែវ ៖ អគ្គនាយកដ្ឋានសុខភាពភាពសត្វ និងផលិតកម្មសត្វ នៃក្រសួងកសិកម្មរុក្ខាប្រមាញ់ និងនេសាទ បានដុតកម្ទេចចោលនៅសត្វជ្រូកចំនួន៨០ក្បាល ក្រោយពីរកឃើញថា មានផ្ទុកនៅជំងឺប៉េស្តជ្រូកអាហ្វ្រិក។ ការដុតកម្ទេចសត្វជ្រូកដែលរកឃើញមានផ្ទុកជំងឺខាងលើនេះ ធ្វើឡើងនៅភូមិសាស្ត្រ ភូមិឱភាសាំង ឃុំកណ្តឹង ស្រុកបាទី ខេត្តតាកែវ នាព្រឹកថ្ងៃទី៦ ខែមិថុនា ឆ្នាំ២០២២។ លោក តាន់ ផាន់ណារ៉ា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានសុខភាពភាពសត្វ និងផលិតកម្មសត្វ បានលើកឡើងថា ការដុតកម្ទេចជ្រូកទាំងនេះ គឺជាការបង្ហាញឱ្យឃើញថា អាជ្ញាធរមានវិធានម៉ឺងម៉ាត់។ ឈ្មួញទាំងឡាយដែលរកស៊ីមិនស្របច្បាប់ មិនគួរប្រថុយប្រថានទេ។ លោក តាន់ ផាន់ណារ៉ា មានប្រសាសន៍ថា «អ្នកនាំជ្រូកខុសច្បាប់មកកាន់កម្ពុជា សាកគិតទៅមើល ជួញដូរមួយជើងចំណេញបានប៉ុន្មាន ដើម្បីតែម្នាក់ឯង? ប៉ុន្តែបើជ្រូកទាំងនោះមានជំងឺប៉េស្តជ្រូកអាហ្វ្រិក ឬ ជំងឺផ្សេងៗទៀតនោះ ប្រសិនបើត្រូវបានចែកចាយនៅលើទីផ្សារ តើវានឹងប៉ះពាល់យ៉ាងណាដល់សុខភាពអ្នកបរិភោគដែលសុទ្ធតែជាប្រជាជនខ្មែរដូចគ្នា ហើយប៉ះពាល់យ៉ាងណាដល់វិស័យចិញ្ចឹមសត្វនៅកម្ពុជា ?» ។ ប្រធានសមាគមអ្នកចិញ្ចឹមសត្វកម្ពុជា លោក ស្រ៊ុន ពៅ បានឱ្យដឹងថា ក្នុងនាមកសិករចិញ្ចឹមសត្វទាំងអស់នៅទូទាំងប្រទេស សូមថ្លែងអំណរគុណដល់ក្រសួងស្ថាប័នពាក់ព័ន្ធ ជាពិសេសក្រសួងកសិកម្ម […]
ខេត្តកំពង់ឆ្នាំង ៖ ដោយសារតែម្ចាស់តូប និងម្ចាស់ផ្ទះល្វែងចំនួន២កន្លែង ក្នុងចំណោម៥កន្លែង នៅចំណុចមុខផ្សារពន្លៃ ឃុំពន្លៃ ស្រុកបរិបូរណ៌ មិនគោរពតាមកិច្ចសន្យាជាមួយអន្តរក្រសួង ស្តីពីការពង្រីកផ្លូវជាតិលេខ៥ ទើបនៅល្ងាចថ្ងៃទី០២ ខែឧសភា ឆ្នាំ២០២២ ម្សិលម៉ិញនេះ សមត្ថកិច្ចចម្រុះថ្នាក់ស្រុក និងខេត្ត បានចុះអនុវត្តវិធានការរដ្ឋបាលវា.យកំទេចចោល ដើម្បីកសាង និងពង្រីកផ្លូវជាតិលេខ៥ ។ ឯកឧត្តម សាន់ យូ អភិបាលរងខេត្ត តំណាងឯកឧត្តម ស៊ុន សុវណ្ណារិទ្ធិ គណៈបញ្ជាការឯកភាពរដ្ឋបាលខេត្តកំពង់ឆ្នាំង ដែលបានដឹកនាំសមត្ថកិច្ចចម្រុះ ចុះអនុវត្តវិធានការរដ្ឋបាលនេះ បានបញ្ជាក់ថា ម្ចាស់ផ្ទះ និងម្ចាស់តូបទាំង៤កន្លែង ក្នុងចំណោម៥កន្លែងខាងលើនេះ កន្លងមក ធ្លាប់បានទទួលថវិកាផលប៉ះពាល់ និងធ្វើកិច្ចសន្យាថា នឹងរុះរើផ្ទះចេញ ជាមួយអន្តរក្រសួង ដែលបានដោះស្រាយផលប៉ះពាល់ក្នុងការកសាងផ្លូវជាតិលេខ៥ រួចហើយ ។ លោកបន្តថា ចំណែកម្ចាស់តូប១កន្លែងនៅមុខផ្សារពន្លៃ មិនព្រមទទួលយកថវិកា ដោះ ស្រាយផលប៉ះពាល់ពីអន្តរក្រសួងឡើយ ដោយបានទាមទារសំណងច្រើនហួសហេតុ ។ ប៉ុន្តែក្រោយមក ម្ចាស់តូបនិងម្ចាស់ផ្ទះ៤កន្លែងខាងលើនេះ មិនព្រមរុះរើអីវ៉ាន់ និងរុះរើចេញពីផ្ទះឡើយ ។ ចំណែកអាជ្ញាធរស្រុក […]
សម្តេចតេជោ៖ នៅក្នុងសភាពការណ៍ដែលសេដ្ឋកិច្ចពិភពលោកកំពុងប្រឈមជាមួយនឹងការធ្លាក់ចុះ។ ការដំឡើងបានបៀវត្សជូន កម្មករ-កម្មការិនី គឺជារឿងល្អ តែអ្វីដែលសំខាន់ជាងទៀត នៅក្នុងពេលវេលាដ៏លំបាកនេះ គឺត្រូវខិតខំរក្សាការងារធ្វើផង និងបង្កើតការងារថ្មីផង។ ខ្ញុំសូមអបអរសាទរជាមួយរាជរដ្ឋាភិបាល កម្មករ-កម្មការិនី ក៏ដូចជាស្ថាប័នពាក់ព័ន្ធ ដែលរក្សាបាននូវចំណុចសំខាន់៣គឺ៖ ទី១.ដំឡើងបានបៀវត្សទោះច្រើនក្តីតិចក្តី ទី២. រក្សាបានការងារធ្វើ ទី៣. បង្កើតបានការងារថ្មី។ បៀវត្សឡើងបានតិចប្រសើរជាងបាត់បង់ការងារធ្វើ ដែលនឹងបាត់បង់ប្រាក់ចំណូលទាំងស្រុង។
