រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់មានសតិមិនសូវគ្រប់ ដែលត្រូវបានគេស្គាល់ថា ជាតារា tik tok បានលង់ទឹកស្លា.ប់នៅស្រះទឹកមួយកន្លែង ក្នុងវត្តព្រះបារមីវង្កុដ្ឋបុរី ហើយក៏លិចបាត់រកស.ពពុំទាន់ឃើញនៅឡើយទេ។ ហេតុការណ៍នេះ បង្កឲ្យមានការភ្ញាក់ផ្អើលវេលាម៉ោងប្រមាណ១២ថ្ងៃត្រង់ ថ្ងៃទី៨ ខែសីហា ឆ្នាំ២០២១ នៅក្នុងវត្តព្រះបារមីវង្កដ្ឋបុរី ដែលស្ថិតនៅភូមិបុរីកម្មករ ក្នុងសង្កាត់ទឹកថ្លា ខណ្ឌសែនសុខ ។ សេចក្តីរាយការណ៍បន្តថា បុរសដែលលង់ទឹកខាងលើ ត្រូវបានក្រុមគ្រួសារអោយដឹងថា ជនរងគ្រោះមានឈ្មោះ អ៊ុង សុភា ហៅវ៉ិត អាយុ១៧ឆ្នាំ ស្នាក់នៅភូមិស្លើងរលើង សង្កាត់អូរបែកក្អម ខណ្ឌសែនសុខ នឹងមានស្រុកកំណើតនៅភូមិតាត្រាវ ឃុំកំពង់ត្រាច ស្រុករមាសហែក ខេត្តស្វាយរៀង។ តាមសាក្សីនៅកន្លែងកើតហេតុបានអោយដឹងដែរថា នៅវេលាម៉ោងប្រមាណ១២ថ្ងៃត្រង់ ថ្ងៃទី០៨ ខែសីហានេះ ជនរងគ្រោះខាងលើរូបនេះបានចុះទឹកដោយប្រាប់ថា «ចាប់ត្រី ព្រោះឃើញត្រីច្រើន»។ ខណៈពេលនោះ ក៏ស្រាប់តែជនរងគ្រោះបានលង់ ហើយក៏លិចបាត់នៅក្នុងទឹកស្រះតែម្តង។ ភ្លាមៗនោះ ក៏បានទៅប្រាប់ម្តាយជនរងគ្រោះ ទើបបង្កអោយមានការភ្ញាក់ផ្អើលឆោឡោកើតឡើងតែម្តង។ តាមស្ត្រីជាម្តាយរបស់ជនរងគ្រោះមានឈ្មោះ កើត សុភណ្ឌ អាយុ៥៣ឆ្នាំ បានអោយដឹងថា កូនប្រុសរបស់គាត់មានសតិមិនគ្រប់តាំងពីកំណើត។ […]
