ព័ត៌មានជាតិ ព័ត៌មានថ្មីៗ

អ្នកនាំពាក្យក្រសួងការបរទេស៖ ពលរដ្ឋខ្មែរ២៣នាក់នៅអ៊ុយក្រែនមានសុវត្ថិភាពជាធម្មតា

Posted on Author nmr Comments Off on អ្នកនាំពាក្យក្រសួងការបរទេស៖ ពលរដ្ឋខ្មែរ២៣នាក់នៅអ៊ុយក្រែនមានសុវត្ថិភាពជាធម្មតា
ពលរដ្ឋខ្មែរ២៣នាក់នៅអ៊ុយក្រែនមានសុវត្ថិភាពជាធម្មតា។ នេះបើតាមការឲ្យដឹងពី ឯកឧត្តម ជុំ សុន្ទរី អ្នកនាំពាក្យក្រសួងការបរទេសកម្ពុជា នារសៀលថ្ងៃទី២៨ ខែកុម្ភៈនេះ។
ឯកឧត្តម ជុំ សុន្ទរី បានឲ្យដឹងថា បន្ថែមលើព័ត៌មានដែលបានជំរាបជូនកាលពីថ្ងៃទី២៥ ខែកុម្ភៈ ក៏ដូចជាព្រឹក និងរសៀល ថ្ងៃទី២៦ ខែកុម្ភៈ «ខ្ញុំសូមជំរាបជូនថា ស្ថានទូតយើងប្រចាំនៅប្រទេសរុស្សី បានរក្សាទំនាក់ទំនងជាប់ជាមួយក្រុមអតីតនិស្សិតកម្ពុជាទាំងចំនួន២៣នាក់ ដែលកំពុងរស់នៅជាមួយក្រុមគ្រួសាររបស់ពួកគេនៅប្រទេសអ៊ុយក្រែន»។
អ្នកនាំពាក្យរូបនេះ បញ្ជាក់ថា «តាមព័ត៌មានដែលស្ថានទូតទទួលបាននៅថ្ងៃទី២៧ ខែកុម្ភៈ ពួកគាត់ទាំងអស់គ្នាមានសុវត្ថភាពជាធម្មតាទេ»។ ពួកគាត់ក៏បានអោយដឹងផងដែរថា បុរសអ៊ុយក្រែនអាយុពី១៨ឆ្នាំ ទៅ៦០ឆ្នាំ មិនអាចចេញពីប្រទេសបានទេ ដោយត្រូវនៅជួយការពារប្រទេស។
nmr

Related Articles
ព័ត៌មានថ្មីៗ

ដោយក្តីមេត្តាករុណាដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានអនុញ្ញាតអោយក្រុមការងារគ្រូពេទ្យ ស្ម័គ្រចិត្តរបស់សម្តេចមហាបវរធិបតី ហ៊ុន ម៉ាណែត ព្រមទាំងលោកជំទាវបណ្ឌិត ពេជ ចន្ទមុន្នី

Posted on Author nmr

ក្នុងនាមសមាគមគ្រូពេទ្យស្ម័គ្រចិត្តយុវជនសម្តេចតេជោ TYDA បាននាំលោកតា លោកយាយ លោកអ៊ំ ដែលមានបញ្ហាភ្នែកឡេីងបាយ បណ្តាលអោយស្រវាំងមេីលមិនឃេីញច្បាស់មកពីសង្កាត់ឃ្មួញ ខណ្ឌសែនសុខ មកទទួលការព្យាបាលវះកាត់ភ្នែកឡេីងបាយនៅមន្ទីរពេទ្យព្រះអង្គឌួង ។ បច្ចុប្បន្ន លោកតា លោកយាយ លោកអ៊ំ ទទួលការពិនិត្យ វះកាត់ ព្យាបាលដោយល្អិតល្អន់ និងជោគជ័យ ដោយក្រុមគ្រូពេទ្យឯកទេសរបស់សម្តេចនិងលោកជំទាវបណ្ឌិត។ សម្តេចធិបតី និងលោកជំទាវបណ្ឌិត ក៏បានជួយឧបត្ថម្ភនូវរាល់ការចំណាយទាំងអស់ក្នុងការវះកាត់ ព្យាបាល ស្នាក់នៅ ធ្វេីដំណេីរជូនលោកតា លោកយាយ លោកអ៊ំ និងក្រុមគ្រួសារផងដែរ។ ទឹកចិត្តដ៏មហាសប្បុរសនេះ ធ្វើឱ្យ លោកតា លោកយាយ លោកអ៊ំ និងក្រុមគ្រួសារមានក្តីរីករាយជាពន់ពេក និងគោរពថ្លែងអំណរគុណជូនចំពោះ សម្តេចធិបតី និងលោកជំទាវបណ្ឌិត ជាអនេក ។ តាមរយៈ ក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) 🌐 Hun Manet 🌐 Samdech Thipadei Hun Manet, Prime Minister of Cambodia 🌐 […]
ជីវិតនិងសង្គម ព័ត៌មានជាតិ ព័ត៌មានថ្មីៗ

និមិត្តសញ្ញាថ្មីរបស់ Twitter ត្រូវបានផ្លាស់ប្តូរជាផ្លូវការហើយ

Posted on Author nmr

និមិត្តសញ្ញា Twitter ថ្មីត្រូវបានដាក់បង្ហាញជាផ្លូវការហើយនៅថ្ងៃចន្ទដើមសប្តាហ៍នេះ ដែលមានលក្ខណៈពិសេសជាមួយនឹងផ្ទៃខាងក្រោយពណ៌ខ្មៅដិត និងអក្សរ X តែមួយតួរប៉ុណ្ណោះ នឹងត្រូវបានរចនាឡើងរំលេចដោយពណ៌ស ជាមួយនឹងរូបរាងតូច។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៤ ខែកក្កដា ឆ្នាំ២០២៣។ លឿនជាងការរំពឹងទុកក្រោយលោក Musk ប្រកាសថានឹងប្តូរនិមិត្តសញ្ញាបក្សីពណ៌ខៀវនៅលើ Twitter ទៅជាអក្សរ X មិនទាន់ដល់រយៈពេល ២៤ម៉ោងផង ពេលនេះនិមិត្តសញ្ញាថ្មីត្រូវបានដាក់បង្ហាញជាផ្លូវការហើយ។ យោងតាមបច្ចុប្បន្នភាពថ្មីនៅរសៀលថ្ងៃចន្ទនេះ ទាំងគណនីលោក Musk និងនាយកប្រតិបត្តិក្រុមហ៊ុន Twitter ថ្មីលោកស្រី Linda Yaccarino បានចាប់ផ្តើមផ្លាស់ប្តូរទៅប្រើប្រាស់និមិត្តសញ្ញាអក្សរ X នៅលើគណនី Twitter ផ្ទាល់ខ្លួនជាផ្លូវការហើយ។ លើសពីនេះ និមិត្តសញ្ញាថ្មី នឹងឈ្មោះរបស់ Twitter ឥឡូវនេះចាប់ផ្តើមផ្លាស់ប្តូរទាំងអស់ទាំងនៅលើ Website, Twitter App និងនៅលើម៉ាកយីហោផ្សេងទៀតរបស់ Twitter។  
ជីវិតនិងសង្គម ព័ត៌មានជាតិ ព័ត៌មានថ្មីៗ

ឯកឧត្ដម ខាន់ ខុន បានអញ្ជើញចុះចែកកាដូ នៃសេចក្ដីស្រលាញ់ ដល់កុមារនិងជនចាស់ជរា ក្នុងឱកាសអបអរសាទរព្រះរាជកំណើតព្រះយេស៊ូវគ្រីស្ទ នៅមូលដ្ឋានខេត្តកំពង់ធំនិងខេត្តព្រះវិហារ

Posted on Author nmr

ឯកឧត្ដម ខាន់ ខុន អនុរដ្ឋលេខាធិការក្រសួងធម្មការនិងសាសនា តំណាងឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា បានអញ្ជើញចុះចែកកាដូ នៃសេចក្ដីស្រលាញ់ដល់កុមារនិងជនចាស់ជរា សម្រាប់ថ្ងៃ អបអរសាទរព្រះរាជកំណើត ព្រះយេស៊ូគ្រីស្ទ នៅមូលដ្ឋានខេត្តចំនួន២ គឺខេត្តកំពង់ធំនិងខេត្តព្រះវិហារ។   ក្នុងឱកាសអបអរសាទរព្រះរាជកំណើតព្រះយេស៊ូគ្រីស្ទនៅក្នុងឆ្នាំងនេះ ឯកឧត្តម អនុរដ្ឋលេខាធិការបានមានប្រសាសន៏ថា ដើម្បីបង្កើនភាពជិតស្និទ្ធ និងរឹតចំណងសាមគ្គីភាព រវាងគ្រីស្ទបរិស័ទ និងរាជរដ្ឋាភិបាល ពិសេសជាមួយរដ្ឋបាលខេត្ត ឱ្យកាន់តែល្អប្រសើរ ដោយប្រកាន់យកសុខដុមនីយកម្មសាសនា ស្របតាមគោលនយោបាយរបស់រាជរដ្ឋាភិបាល ក្រោមការដឹកនាំប្រកបដោយបញ្ញាញាណ និងឧត្តមគតិដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ដែលមានក្រសួងធម្មការនិងសាសនាជាសេនាធិការ បានធ្វើឲ្យកម្ពុជាមានសន្តិភាពពេញលេញលើកគ្រប់សាសនាទាំងអស់ ក្នុងភាពជាបងប្អូនតែមួយ។ ឯកឧត្តម បានបន្តថា គ្រឹស្ទបរិស័ទ ដែលបាននិងកំពុងដើរតួនាទីយ៉ាងសំខាន់ ក្នុងការជួយពង្រឹង និងអប់រំសីលធម៌ ចរិយាធម៌សង្គម និងចូលរួមយ៉ាងសកម្មក្នុងការកសាង និងអភិវឌ្ឍន៍សង្គមកម្ពុជាឱ្យមានសុខសន្តិភាព ស្ថិរភាពរស់នៅប្រកបដោយភាពថ្លៃថ្នូរ និងសុខដុមនីយកម្មជា មួយគ្នា ចាកផុតពីការរើសអើង ប្រកាន់ពូជសាសន៍ ពណ៌សម្បុរ និន្នាការ ជំនឿសាសនា ក្នុងសង្គមជាតិទាំងមូល។   នាឱកាសនេះ ឯកឧត្ដម ខាន់ ខុន […]