ព័ត៌មានអន្តរជាតិ

អ្នកវិភាគ៖ Putin ប្រកាសដាក់នុយក្លេអ៊ែរឱ្យប្រុងជើងការនោះគ្រាន់តែជាសង្រ្គាមចិត្តសាស្ត្រ

Posted on Author nmr Comments Off on អ្នកវិភាគ៖ Putin ប្រកាសដាក់នុយក្លេអ៊ែរឱ្យប្រុងជើងការនោះគ្រាន់តែជាសង្រ្គាមចិត្តសាស្ត្រ

លោក Robert Hunter អ្នកវិភាគ និងជាអតីតឯកអគ្គរដ្ឋទូអាមេរិកប្រចាំអង្គការណាតូបាននិយាយថា ការសម្រេចចិត្តរបស់លោក Putin ក្នុងការបញ្ជាឲ្យដាក់អាវុ.ធនុយក្លេអ៊ែរប្រុងជើងការ គឺគ្រាន់តែជាការព្រមានដើម្បីកុំឲ្យប្រទេសលោកខាងលិចចូលរួមក្នុងសង្រ្គាម ។
«នេះគឺជាឧបាយកលផ្លូវចិត្តដើម្បីព្យាយាមបង្កើតអនុភាពរបស់គាត់ ខណៈគាត់បានសម្រេចចិត្តថា តើគាត់ចង់ចូលឲ្យជ្រៅប៉ុណ្ណោះនៅអ៊ុយក្រែន»។ នេះជាការថ្លែងបញ្ជាក់របស់លោកប្រាប់សារព័ត៌មាន
លោកថ្លែងទៀថា «នេះគឺជាសង្រ្គាមចិត្តសាស្រ្ត ខ្ញុំមិនជឿទេថា វាគឺជាការគំរា.មកំហែងទាល់តែសោះ ពីព្រោះប្រជាជនរុស្សីនឹងបាត់បង់ច្រើន ប្រសិនពួកគេដើរក្នុងផ្លូវនេះ» ។
សូមបញ្ជាក់ថា ប្រធានាធិបតីរុស្សី Vladimir Putin បានបញ្ជាឲ្យមានការដាក់អាវុ.ធនុយក្លេអ៊ែរឲ្យប្រុងប្រៀបខ្ពស់ ក្រោយពេលលោកបាននិយាយថា មានសេចក្តីថ្លែងការណ៍របស់មេដឹកនាំណាតូប្រឆាំងនឹងរុស្សី ។
រុស្សីគឺជាមហាអំណាចនុយក្លេអ៊ែរដែលមានក្បាលគ្រាប់នុយក្លេអ៊ែរច្រើនជាងគេក្នុងពិភពលោក គឺប្រហេល ៦.០០០គ្រាប់។ អាមេរិក និងអង្គការណាតូបានប្រកាសថ្កោលទោសចំពោះការប្រកាសរបស់មេដឹកនាំរុស្សី៕

nmr

Related Articles
ព័ត៌មានជាតិ ព័ត៌មានអន្តរជាតិ

របាយការណ៍៖ កម្ពុជាមានជនភៀសខ្លួននិងសុំសិទ្ធិជ្រកកោនចម្រុះជាតិសាសន៍ចំនួន ៨០នាក់

Posted on Author nmr

បច្ចុប្បន្ននេះមានជនភៀសខ្លួននិងជនសុំសិទ្ធិជ្រកកោនចំនួន ៤៦ករណី មនុស្ស ៨០នាក់ កំពុងរស់នៅក្នុងប្រទេសកម្ពុជា។ ក្នុងចំណោមមនុស្សខាងលើ អ្នកដែលទទួលបានឋានៈជាជនភៀសខ្លួនមានចំនួន ៣៧ករណី មនុស្ស ៦៤នាក់ មាន ៨សញ្ជាតិ និងជនសុំសិទ្ធិជ្រកកោនមានចំនួន ៩ករណី មនុស្សចំនួន១៦នាក់មាន ៦សញ្ជាតិ។ នេះបើយោងតាមរបាយការណ៍របស់អគ្គនាយកដ្ឋានអន្តោប្រវេសន៍ បង្ហាញក្នុងសន្និបាតបូកសរុបលទ្ធផលការងារឆ្នាំ២០២១ និងទិសដៅបន្ដ នៅថ្ងៃទី០៦ ខែមេសា ឆ្នាំ២០២២។ របាយការណ៍ដដែលឲ្យដឹងទៀតថា មានជនសុំសិទ្ធិជ្រកកោនដែលធ្លាក់ឋានៈជាជនជាតិភាគតិចម៉ុងតាញ៉ាវៀតណាម នៅសល់ជាក់ស្តែងចំនួន ៨ករណី មនុស្ស ១២នាក់ កំពុងរស់នៅកម្ពុជា ខណៈបុគ្គលិកអង្គការមូលនិធិអាស៊ី ជាពលរដ្ឋអាហ្គានីស្ថាន និងក្រុមគ្រួសារកំពុងស្នាក់នៅកម្ពុជាមានចំនួន ៤៦គ្រួសារ មនុស្ស១៩៥នាក់។
ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មានអន្តរជាតិ

ជនស៊ីវិលក្នុងប្រទេសម៉ាលីកំពុងប្រឈមមុខនឹងអំពើហិង្សាផ្លូវភេទ និងការរំលោភសិទ្ធិមនុស្ស

Posted on Author nmr

អ្នកជំនាញរបស់អង្គការសហប្រជាជាតិបានព្រមានថា ជនស៊ីវិលស្លូតត្រង់នៅប្រទេសម៉ាលី កំពុងប្រឈមនឹងការកើនឡើងអំពើហិង្សាផ្លូវភេទ និងការរំលោភសិទ្ធិមនុស្ស បន្ទាប់ពីអង្គការសហប្រជាជាតិដកកងកម្លាំងរក្សាសន្តិភាពចេញពីប្រទេសនេះ។ អ្នកជំនាញដែលតែងតាំងដោយក្រុមប្រឹក្សាសន្តិសុខអង្គការសហប្រជាជាតិ ដើម្បីត្រួតពិនិត្យការអនុវត្តទណ្ឌកម្មបាននិយាយក្នុងរបាយការណ៍ចេញផ្សាយនៅថ្ងៃទី២៥ ខែសីហានេះថា អំពើហិង្សាលើស្ត្រី និងកុមារី ព្រមទាំងអំពើហិង្សាផ្លូវភេទដែលទាក់ទងនឹងជម្លោះ នៅតែកើតមានក្នុងប្រទេសម៉ាលី។ ជុំវិញបញ្ហានេះដែរ អ្នកជំនាញបានស្តីបន្ទោសលើភាគីពាក់ព័ន្ធក្នុងជម្លោះដ៏រុំារ៉ៃនៅប្រទេសអាហ្វ្រិកខាងលិច, កងកម្លាំងប្រដាប់អាវុធម៉ាលី និងដៃគូសន្តិសុខបរទេសរបស់ពួកគេ គឺទាហានស៊ីឈ្នួលរបស់ក្រុម Wagner។   
ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មានអន្តរជាតិ

យានអវកាស Luna-25 របស់ប្រទេសរុស្ស៊ី ដែលទើប ត្រូវបានបញ្ជូនចេញ នឹងផ្តល់រូបថតដំបូងនៃតំបន់ប៉ូលរបស់ព្រះច័ន្ទ នៅក្នុងម៉ោងដំបូង នៃការចុះចត។

Posted on Author nmr

លោក Lev Zelyony នាយកផ្នែកវិទ្យាសាស្ត្រ នៃវិទ្យាស្ថានស្រាវជ្រាវអវកាសនៃបណ្ឌិត្យសភាវិទ្យាសាស្ត្ររុស្ស៊ី និងជាអ្នកត្រួតពិនិត្យដំណាក់កាលដំបូងនៃកម្មវិធីតាមច័ន្ទគតិ បានប្រាប់ទីភ្នាក់ងារព័ត៌មាន TASS ថា «នៅក្នុងម៉ោងដំបូងនៃការចុះចត នៅលើព្រះច័ន្ទ កាមេរ៉ា របស់យានអវកាសនឹងបើក ហើយសញ្ញាមួយនឹងត្រូវបានបញ្ជូនមកផែនដី។ កាមេរ៉ានឹងថតរូបបែបទិដ្ឋភាពធំទូលាយ (Panoramic) ប៉ុន្តែយើងមិនរំពឹងថា នឹងបានឃើញទិដ្ឋភាពដ៏ស្រស់ស្អាតណាមួយនោះទេ។ យើងនឹងឃើញផ្ទាំងថ្មតាមច័ន្ទគតិ និងទេសភាពជុំវិញ។ សង្ឃឹមថា ទាំងនេះនឹងស្ថិតក្នុងចំណោមរូបថតដំបូង នៃបង្គោលព្រះច័ន្ទ»។ យោងតាមលោក Lev Zelyony យានអវកាសនេះត្រូវបានបំពាក់ដោយប្រព័ន្ធកាមេរ៉ា រួមទាំងទិដ្ឋភាពទូទៅ និងកាមេរ៉ាបែប Panoramic ដែលនឹងបើកក្នុងពេល និងភ្លាមៗ បន្ទាប់ពីការចុះចត។ ប្រភពពី Tass