ព័ត៌មាននយោបាយ

តបតាមសំណើរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភាកម្ពុជា ទទួលជួបជាមួយប្រតិភូតំណាងបណ្តាប្រទេសផ្តល់ជំនួយសំខាន់ៗ (Principal Donors Group) ប្រចាំនៅអង្គការសហប្រជាជាតិ ដើម្បីអនុញ្ញាតឱ្យសមាជិក សមាជិកានៃប្រតិភូ ជួបសម្តែងការគួរសម និងពិភាក្សាអំពីកេរដំណែលរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ តំណាងក្រុមបណ្តាប្រទេសផ្តល់ជំនួយសំខាន់ៗ ដែលមានវត្តមាននាពេលនេះរួមមាន៖ អូស្ត្រាលី សហភាពអឺរ៉ុប បារាំង ជប៉ុន និងសហរដ្ឋអាមេរិក។ តាមរយៈកិច្ចជំនួបនេះដែរ ប្រតិភូនៃភាគីទាំងពីរបានផ្លាស់ប្តូរទស្សនៈ និងបទពិសោធន៍លើការផ្សាភ្ជាប់យុវជនជំនាន់ក្រោយ ទៅនឹងព្រឹត្តិការណ៍ប្រវត្តិសាស្ត្រនៃឧក្រិដ្ឋកម្មក្នុងរយៈកាលនៃកម្ពុជាប្រជាធិបតេយ្យ (របបខ្មែរក្រហម) និងលើកិច្ចការ និងយន្តការក្នុងការបន្តចែករំលែកព័ត៌មានអំពីសមិទ្ធផល និងកេរដំណែលរបស់អង្គជំនុំជម្រះវិសាមញ្ញក្នុងតុលាការកម្ពុជា ទាំងក្នុងប្រទេស និងក្នុងពិភពលោក។ ទន្ទឹមនេះ អង្គជំនួប ក៏បានរំលេចពីភាពសំខាន់នៃ «ច្បាប់ស្តីពីការអនុម័តយល់ព្រមកិច្ចព្រមព្រៀងបន្ថែមទៅលើកិច្ចព្រមព្រៀងរវាងរាជរដ្ឋាភិបាលកម្ពុជា និងអង្គការសហប្រជាជាតិទាក់ទងទៅនឹងការកាត់សេចក្តីនៅក្រោមច្បាប់កម្ពុជានូវឧក្រិដ្ឋកម្ម ដែលប្រព្រឹត្តឡើងនៅក្នុងរយៈកាលនៃកម្ពុជាប្រជាធិបតេយ្យ ស្តីពីការរៀបចំក្នុងពេលអន្តរកាល និងការបញ្ចប់ការងាររបស់អង្គជំនុំជម្រះវិសាមញ្ញ» ដែលបានចូលជាធរមានកាលពីថ្ងៃទី២២ ខែធ្នូ ឆ្នាំ២០២១ និងគ្រោងនឹងចាប់ផ្តើមអនុវត្តចាប់ពីដើមឆ្នាំ២០២៣ ដល់ឆ្នាំ២០២៥។

កំពង់ស្ពឺៈ មន្ត្រីនគរបាលម្នាក់ រងរបួសធ្ងន់ ដោយសារបុរសម្នាក់ កាប់នឹងពូថៅ នៅពេលមន្ត្រីនគរបាលនោះ កំពុងដេកក្នុងអង្រឹង នៅក្រោមផ្ទះ ស្ថិតក្នុងភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ កាលពីវេលាម៉ោង ៨និង៣០ នាទី ព្រឹកថ្ងៃទី៥ ខែកក្កដា ឆ្នាំ២០២២។ សមត្ថកិច្ចក្រុងច្បារមន បានឲ្យដឹងថាៈ ជនរងគ្រោះ មានឈ្មោះ ឆន ប៊ុនថន ហៅពៅ ភេទប្រុស អាយុ៣៧ឆ្នាំ មានតួនាទីជានាយផ្នែកការិយាយភ័ស្ដុភា នៃស្នងការដ្ឋាននគរបាល ខេត្តកំពង់ស្ពឺ។ ចំណែកជនសង្ស័យ ឈ្មោះ ហឹង រាជស័ង្ហហៈ ភេទប្រុស អាយុ២៥ឆ្នាំ មានទីលំនៅ ក្នុងភូមិឃុំកើតហេតុ ជាមួយគ្នា។ ប្រភពដដែល បានបន្តថាៈ នៅថ្ងៃកើតហេតុនោះ ជនសង្ស័យ បានយកពូថៅ ដើរចូលផ្ទះ របស់ជនរងគ្រោះ ដោយឃើញជនរងគ្រោះ កំពុងដេកក្នុងអង្រឹង នៅក្រោមផ្ទះ ក៏កាប់មួយ ពូថៅ ចំថ្ពាល់ខាងឆ្វេង បណ្តាលឲ្យរងរបួសធ្ងន់។ ប្រភពដដែល បានបន្តទៀតថាៈ […]

នៅព្រឹក ថ្ងៃពុធ ៨កើត ខែអាសាឍ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី៦ ខែកក្កដា ឆ្នាំ២០២២ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជួបសំណេះសំណាល ក៏ដូចជាផ្តល់នូវដំបូន្មានមួយចំនួនជូនដល់ប្រតិភូកីឡាអាស៊ានប៉ារ៉ាហ្គេម មុននឹងពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។ ការប្រកួតកីឡាពិការអាស៊ាន ឬអាស៊ានប៉ារ៉ាហ្គេម ដែលជាការប្រកួតរវាងកីឡាករ កីឡាការិនី ជាជនពិការក្នុងចំណោមប្រទេសសមាជិកអាស៊ាន ត្រូវបានធ្វើឡើងជាទៀងទាត់រៀងរាល់២ឆ្នាំម្តង។ ការប្រកួតបានធ្វើចំនួន១០លើក រួចមកហើយ ប៉ុន្តែនៅឆ្នាំ២០១៩ ការប្រកួតដែលគ្រោងធ្វើឡើងនៅប្រទេសហ្វីលីពីន ត្រូវបានខកខានដោយសារតែវិបត្តិជំងឺកូវីដ១៩។ ដោយឡែកការប្រកួតលើកទី១១ នេះ តាមពិតត្រូវធ្វើនៅប្រទេសវៀតណាម តែវៀតណាមសុំលើកពេលក្រោមហេតុផលវិបត្តិជំងឺកូវីដ១៩ ទើបលើកទៅរៀបចំនៅប្រទេសឥណ្ឌូនេស៊ីជំនួសវិញ។ ក្នុងព្រឹត្តិការណ៍ប្រកួតអាស៊ានប៉ារ៉ាហ្គេម លើកទី១១នេះ កម្ពុជាបញ្ជូនប្រតិភូកីឡាចូលរួមសរុប ១១៦នាក់។ ក្នុងនោះមានអត្តពលិក ១១៥នាក់ និងប្រតិភូកីឡា គ្រូបង្វឹក គ្រូជំនួយចំនួន ៣៩នាក់ មន្ត្រីបច្ចេកទេសចំនួន ៧នាក់ និងប្រតិភូជាតិចំនួន ៥នាក់។ កម្ពុជាបញ្ជូនអត្តពលិកចូលរួមប្រកួតលើប្រភេទកីឡាចំនួន១១កីឡា រួមមាន៖ […]

(ភ្នំពេញ)៖ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានចេញព្រះរាជក្រឹត្យតែងតាំង និងតម្លើងឋានៈជូន ឯកឧត្តម សុខ ចាន់ភក្តី ជារដ្ឋលេខាធិការក្រសួងព័ត៌មាន។ នេះបើយោងតាមព្រះរាជក្រឹត្យដែលបណ្តាញព័ត៌មាន NMR TV News ទទួលបាននៅថ្ងៃទី០៤ ខែកក្កដា ឆ្នាំ២០២២នេះ៕ ក្នុងព្រះរាជក្រឹត្យចុះថ្ងៃ ទី០២ ខែកក្កដា ឆ្នាំ២០២២ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានត្រាស់បង្គាប់តែងតាំង ឯកឧត្តម សុខ ចាន់ភក្តី ជារដ្ឋលេខាធិការក្រសួងព័ត៌មាន​ ។ ការ តែងតាំង និងតម្លើងឋានៈឯកឧត្តម សុខ ចាន់ភក្តី អតីត អនុរដ្ឋលេខាធិការ ក្រសួងព័ត៌មាន ប្រធានក្រុម ការងារទទួលបន្ទុកវិស័យព័ត៌មាននៃក្រសួងព័ត៌មាន។  

បន្ទាយមានជ័យៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចផ្តល់អំណោយ កសាងស្ពានបេតុង ព្រះពន្លា មានបណ្តោយ ១២០ ម៉ែត្រ ទទឹង ១០ ម៉ែត្រ ឆ្លងកាត់ស្ទឹងសិរីសោភ័ណ ម្តុំវត្តព្រះពន្លា នាភូមិ៤ និងភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ ។ នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ -ប្រធានកងវិស្វកម្ម សម្តេចតេជោ ខេត្តសៀមរាប បានថ្លែងឱ្យដឹងដូច្នេះ កាលពីល្ងាចថ្ងៃទី៣ ខែកក្កដា ឆ្នាំ២០២២ នៅពេលលោក បានអញ្ជើញចុះពិនិត្យទីតាំងគម្រោងមួយនេះ ។ ក្នុងឱកាសនោះ ក៏មានវត្តមាន លោក ខេង ស៊ុម ប្រធានក្រុមប្រឹក្សាខេត្ត លោក អ៊ុ រាត្រី អភិបាលខេត្តបន្ទាយមានជ័យ លោក ឡុង វុធ អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោក ហ៊ឹល […]

នៅព្រឹកថ្ងៃទី៣ ខែកក្កដា ឆ្នាំ២០២២ នេះ វ៉ាក់សាំងកូវីដ-១៩ Pfizer សម្រាប់កុមារជាង១៤ម៉ឺនដូស ដែលជាជំនួយរបស់ប្រទេសប៉ូឡូញ បានដឹកមកដល់ប្រទេសកម្ពុជាហើយ សម្រាប់ទុកចាក់ជូនដល់បងប្អូនប្រជាពលរដ្ឋកម្ពុជាយើងជាបន្តទៀត។ បើទោះបីទទួលបានជោគជ័យ លើការប្រយុទ្ធប្រឆាំងនឹងជំងឺកូវីដ-១៩ ទប់ស្កាត់បានការរីករាតត្បាតយ៉ាងណាក្តី តែរាជរដ្ឋាភិបាលនៅតែបន្តយកចិត្តទុកដាក់ខ្ពស់ លើការប្រយុទ្ធប្រឆាំង និងទប់ស្កាត់ការរាតត្បាតជំងឺកូវីដ-១៩។ ការងារអាទិភាពក្នុងការប្រយុទ្ធប្រឆាំងនេះ គឺការបន្តផ្តល់វ៉ាក់សាំងជូនប្រជាពលរដ្ឋ។ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បន្តស្វះស្វែងរកវ៉ាក់សាំងទុកក្នុងឃ្លាំង ហើយប្រកាសជំរុញការចាក់វ៉ាក់សាំងដូសជំរុញជូនប្រជាពលរដ្ឋ ដើម្បីធានាបាននូវការការពារសុខភាពប្រជាពលរដ្ឋពីមេរោគកូវីដ-១៩។ មកដល់ពេលនេះទាំងជំនួយ និងការបញ្ជាទិញ កម្ពុជារកបានវ៉ាក់សាំងបង្ការជំងឺកូវីដ-១៩ សរុបជិត ៥៣លានដូស។ ក្នុងនោះនៅសល់ក្នុងឃ្លាំងជិត ៩លានដូស។ ជាមួយគ្នានោះ នៅមានវ៉ាក់សាំងសរុបប្រមាណ ២០លានដូសទៀត ដែលជាជំនួយ និងជាការបញ្ជាទិញ មិនទាន់បានដឹកមកប្រទេសកម្ពុជានៅឡើយ។​ គិតត្រឹមថ្ងៃទី០១ ខែកក្កដា កម្ពុជាចាក់វ៉ាក់សាំងបានជាង ៩៤ភាគរយនៃចំនួនប្រជាពលរដ្ឋសរុប។ ក្នុងនោះការចាក់ជូនកុមារអាយុចាប់ពី ៣ឆ្នាំ ដល់​ ៥ឆ្នាំ បានជាង ៧០ភាគរយ, កុមារអាយុពី ៦ឆ្នាំ ដល់១២ឆ្នាំ បានជាង ១០៩ភាគរយ, កុមារ និងយុវវ័យ […]

១៖ ក្រុមហ៊ុនជីបម៉ុង បរិច្ចាគថវិកា ១លានដុល្លារ ២៖ អ្នកឧកញ៉ា ឡេង ណាវ៉ាត្រា បរិច្ចាគថវិកា ១លានដុល្លារ ៣៖ អ្នកឧកញ៉ា ពង់ ឃាវសែ បរិច្ចាគថវិកា ១លានដុល្លារ ៤៖ អ្នកឧកញ៉ា ហុង ពីវ បរិច្ចាគថវិកា ១លានដុល្លារ ៥៖ អ្នកឧកញ៉ា សុខ គង់ បរិច្ចាគថវិកា ២០ម៉ឺនដុល្លារ ៦៖ អ្នកឧកញ៉ា ចេន ហ្ស៊ី បរិច្ចាគថវិកា ១លានដុល្លារ ៧៖ អ្នកឧកញ៉ា គិត ម៉េង បរិច្ចាគថវិកា ១លានដុល្លារ ៨៖ អ្នកឧកញ៉ា ឃុន សៀ បរិច្ចាគថវិកា ៥០ម៉ឺនដុល្លារ ៩៖ កាកបាទក្រហមកម្ពុជា បរិច្ចាគថវិកា ២លានដុល្លារ ១០៖ អ្នកឧកញ៉ា ឡាវ ម៉េងឃីន និងលោកជំទាវ […]

ភ្នំពេញ ៖ សម្តេចតេជោ ហ៊ុន សែន បានមានប្រសាសន៍ថា មានបុគ្គលម្នាក់ត្រូវបានចាប់ខ្លួនហើយ បន្ទាប់ពីបំពុលព័ត៌មានតាម Tik Tok ពាក់ព័ន្ធនឹងការលើឡើងថាមានអ្នកស្លាប់ដោយសារជំងឺកូវីដ-១៩នៅខេត្តកោះកុង។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានព្រមានចាប់ខ្លួនជនទាំងឡាយ ដែលយកបញ្ហាកូវីដ១៩ មកបង្ហោះលេងសើច បំពុលបរិយាកាស តាមបណ្តាញសង្គម ដែលបានធ្វើឱ្យសាធារណជនមានការភ័យខ្លាច។ ការព្រមាននេះ ធ្វើឡើងបន្ទាប់ពីអគ្គស្នងការដ្ឋាននគរបាលជាតិ ទើបនឹងចាប់ខ្លួន អ្នកលេង Tik Tok ម្នាក់ ដែលយករូបភាពអ្នកស្លាប់នៅខេត្តកោះកុង កាលពីពេលកន្លងទៅ មកបង្ហោះជាថ្មីហើយបំភ្លៃថា កម្ពុជាមានអ្នកទើបនឹងស្លាប់ដោយជំងឺកូវីដ១៩ ខណៈដែលរយៈពេលជិត២ខែមកនេះ នៅកម្ពុជាពុំមានអ្នកស្លាប់ដោយជំងឺកូវីដ១៩ នោះទេ។ ថ្លែងក្នុងពិធីលែងកូនត្រី និងត្រីមេពូជសរុបជាង ១លានក្បាល នៅក្នុងអាងត្រពាំងថ្ម ក្នុងខេត្តបន្ទាយមានជ័យ នៅព្រឹកថ្ងៃទី០១ ខែកក្កដា ឆ្នាំ២០២២នេះ, ទាក់ទងនឹងអ្នកបំពុលរឿងកូវីដ-១៩ នៅថ្ងៃនេះ សម្តេចតេជោ ហ៊ុន សែន បានមានប្រសាសន៍ថា មានបុគ្គលម្នាក់ត្រូវបានចាប់ខ្លួនហើយ បន្ទាប់ពីបំពុលព័ត៌មានតាម Tik Tok ពាក់ព័ន្ធនឹងការលើឡើងថាមានអ្នកស្លាប់ដោយសារជំងឺកូវីដ-១៩នៅខេត្តកោះកុង។ សម្តេចតេជោនាយករដ្ឋមន្ត្រី […]

ភ្នំពេញៈ​ ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ បានជួបជាមួយលោកជំទាវ TEO Lay Cheng ឯកអគ្គរដ្ឋទូតសឹង្ហបុរីប្រចាំប្រទេសកម្ពុជា ដើម្បីពិភាក្សាលើកិច្ចសហប្រតិបត្តិការរវាងក្រសួងយុត្តិធម៌កម្ពុជានិងប្រទេសសឹង្ហបុរី ក្នុងវិស័យច្បាប់និងប្រព័ន្ធយុត្តិធម៌។​ ជំនួបនេះ​ ធ្វេីឡេីងនៅនារសៀលថ្ងៃទី២៤ ខែមិថុនា ឆ្នាំ២០២២ ។ កិច្ចពិភាក្សានេះបានផ្តោតសំខាន់លើកិច្ចសហប្រតិបត្តិទ្វេភាគីរវាងក្រសួងយុត្តិធម៌កម្ពុជានិងប្រទេសសឹង្ហបុរីក្នុងវិស័យច្បាប់និងប្រព័ន្ធយុត្តិធម៌ ជាពិសេសកិច្ចសហប្រតិបត្តិការលើគម្រោងការដោះស្រាយវិវាទក្រៅប្រព័ន្ធតុលាការ។ ក្នុងជំនួបពិភាក្សានេះ លោកជំទាវឯកអគ្គរដ្ឋទូត បានអញ្ជើញ ឯកឧត្តម ជិន ម៉ាលីន ចូលរួមវគ្គបណ្តុះបណ្តាលស្តីពីភាពជាអ្នកដឹកនាំជាន់ខ្ពស់នៅសាលានយោបាយសាធារណ: Lee Kuan Yew (Lee Kuan Yew School of Public Policy) រយ:ពេល ៦ សប្តាហ៍ នៅប្រទេសសឹង្ហបុរី ពីពាក់កណ្តាលខែតុលា ដល់ចុងខែវិច្ឆិកា ខាងមុខនេះ។ ក្នុងរយ:ពេលនៃវគ្គបណ្តុះបណ្តាលនេះ លោកជំទាវឯកអគ្គរដ្ឋទូត ក៏នឹងរៀបចំឱ្យឯកឧត្តម ជិន ម៉ាលីន ជួបពិភាក្សាការងារជាមួយថ្នាក់ដឹកនាំនិងស្ថាប័នពាក់ព័ន្ធរបស់ប្រទេសសឹង្ហបុរី ដើម្បីស្វះស្វែងរកឱកាសក្នុងការសហការរវាងក្រសួងយុត្តិធម៌កម្ពុជានិងប្រទេសសឹង្ហបុរី។

សម្តេចតេជោហ៊ុន សែន នាយករដ្ឋមន្រ្តី បានបញ្ជាឱ្យគ្រប់ស្ថាប័នពាក់ព័ន្ធទាំងអស់ ត្រូវតែពិនិត្យឱ្យបានហ្មត់ចត់ និងច្បាស់លាស់បំផុត នៅតាមក្រុមហ៊ុន រោងចក្រ សហគ្រាសនានា ដើម្បីទប់ស្កាត់ និងបង្ការ ពីការផលិតជំនួញស្របច្បាប់ទៅជាការកែច្នៃផលិតគ្រឿងញៀនខុសច្បាប់ ខណៈករណីបែបនេះធ្លាប់មានមកហើយ តែត្រូវបានអាជ្ញាធរធ្វើការបង្ក្រាបបានទាន់ពេលវេលា។ តាមរយៈសារលិខិត ដែលបានផ្ញើដល់ជនរួមជាតិក្នុងឱកាស​ប្រារព្ធ ទិវាអន្តរជាតិប្រយុទ្ធប្រឆាំង​គ្រឿងញៀន ​ដែលនឹងប្រព្រឹត្តិទៅ នាថ្ងៃទី២៦ ខែមិថុនា ឆ្នាំ២០២២នេះ ​ក្រោមវិធានបទ​«ដោះស្រាយ​បញ្ហា​គ្រឿងញៀន​ក្នុងវិបត្តិសុខភាព ​និងមនុស្ស» សម្តេចតេជោ ហ៊ុន សែន នាយករដ្ឋមន្រ្តី បានសង្កត់​ធ្ងន់ថា​«អាជ្ញាធរជាតិប្រយុទ្ធប្រឆាំងគ្រឿងញៀន គណៈកម្មាធិការយុទ្ធនាការ​ប្រយុទ្ធ​​ប្រឆាំង​គ្រឿងញៀន ខុសច្បាប់លើកទី៧ គណៈកម្មាធិការ​ត្រួតពិនិត្យ​គ្រឿងញៀន​រាជធានី-ខេត្ត និង​អង្គភាពពាក់ព័ន្ធទាំងអស់​ត្រូវបន្តយកចិត្ត ទុកដាក់ម្ចាស់ការ សម្របសម្រួលដឹកនាំអនុវត្តឲ្យកាន់​តែមាន​ប្រសិទ្ធភាពនូវតួនាទី ​និងភារកិច្ចរបស់ខ្លួនក្នុង​ ការបង្ការ ទប់ស្កាត់បង្រ្កាប ​និងដោះស្រាយ​នូវរាល់បញ្ហាដែលមានការពាក់ព័ន្ធនឹងគ្រឿងញៀន​ និងគ្រប់គ្រង ​ត្រួតពិនិត្យសារធាតុគីមីផ្សំ នៅ​តាមក្រុមហ៊ុន រោងចក្រ សហគ្រាសឲ្យបានហ្មត់ចត់ ​និងមានប្រសិទ្ធភាពខ្ពស់ ​ដើម្បី​ទប់ស្កាត់​បាន​រាល់ការលួចបង្វែរពីជំនួញស្របច្បាប់យកទៅកែច្នៃផលិតគ្រឿងញៀនខុសច្បាប់នៅប្រទេសកម្ពុជា»។ សម្តេចតេជោ ហ៊ុន សែន ក៏បានអំពាវនាវដល់គ្រប់​ក្រសួងស្ថាប័ន អង្គភាព​មន្រ្តីអនុវត្តច្បាប់​គ្រឿង​ញៀន​ពាក់ព័ន្ធទាំងអស់ ត្រូវបន្តលើកកម្ពស់ការប្រើប្រាស់យន្តការនៃកិច្ចសហប្រតិបត្តិការអន្តរជាតិ ទាំង ក្របខ័ណ្ឌទ្វេភាគី ពហុភាគី ទាំងក្នុងតំបន់ […]

ភ្នំពេញ៖ លោក មុត ចន្ថា ដែលជាមនុស្សជំនិតបំផុតរបស់លោក កឹម សុខា បានទម្លាយអំពីអំពើក្បត់ចំនួន១៤ចំណុចរបស់ទណ្ឌិត សម រង្ស៊ី ដែលប្រព្រឹត្តមកលើលោក កឹម សុខា ដោយបានអំពាវនាវឱ្យរាប់តាំងពីជាន់ខ្ពស់ រហូតដល់មន្រ្តីជាប់ឆ្នោតថ្នាក់ក្រោមជាតិ ឱ្យរត់ចេញទៅក្រៅប្រទេសចោល លោក កឹម សុខា ដែលត្រូវបានចាប់ខ្លួននិងកំពុងជាប់ឃុំ និងញុះញង់បញ្ឆេះឱ្យរំលាយគណបក្សសង្រ្គោះជាតិឱ្យបានឆាប់តាមរយៈសេចក្តីថ្លែងការណ៍ពីប្រទេសអ៉ីតាលីមក។ សម រង្ស៊ី ថែមទាំងបានប្រមាថទៅលើលោក កឹម សុខា ថាជាប់គុកសប្បនិម្មិត្ត ជាប់គុកក្លែងក្លាយ ជាប់គុកឥតប្រយោជន៍ថែមទៀតផង។

ឯកឧត្តម ហ៊ុន ម៉ានី បានសរសេរនៅក្នុងទំព័រហ្វេសប៊ុករបស់ឯកឧត្តម នៅរសៀលថ្ងៃទី១៥ ខែមិថុនា ឆ្នាំ២០២២ ដោយបង្ហាញការស្វាគមន៍ពានរង្វាន់បាល់ទាត់ពិភពលោក FIFA World Cup មកកាន់ព្រះរាជាណាចក្រកម្ពុជា។ ឯកឧត្តមបន្តថា ពានរង្វាន់បាល់ទាត់ពិភពលោក FIFA World Cup ដែលបាន និងកំពុងបង្ហាញវត្តមានលើកដំបូងនៅទឹកដីកម្ពុជានាពេលនេះ គឺជាតឹកតាងបង្ហាញយ៉ាងច្បាស់នូវសមត្ថភាពរបស់កម្ពុជាដែលពិភពលោកទទួលស្គាល់ចំពោះភាពជាម្ចាស់ផ្ទះក្នុងការរៀបចំកម្មវិធីកីឡា និងព្រឹត្តិការណ៍ធំនានាលំដាប់តំបន់ និងពិភពលោក។ ទន្ទឹមនេះ យើងក៏មិនអាចកាត់ផ្តាច់ពីការទទួលស្គាល់នេះ ចេញពីកត្តាសុខសន្តិភាពពេញលេញ ការគ្រប់គ្រងដោយជោគជ័យនូវកូវីដ១៩ និងការរក្សាបាននូវសណ្តាប់ធ្នាប់ក្នុងប្រទេស ដែលអនុញ្ញាតអោយរាជរដ្ឋាភិបាលកកម្ពុជា យល់ព្រមទទួលដំណើរនៃពានដ៏ល្បីមួយនេះ និងដែលធ្វើអោយសហព័ន្ធបាល់ទាត់ពិភពលោកសម្រេចផ្តល់ការទុកចិត្ត និងនាំពាន់លំដាប់ពិភពលោកនេះមកកាន់កម្ពុជា។ ក្នុងនាមកម្ពុជាជាប្រទេសសមាជិករបស់ FIFA ដំណើរគោចររបស់ពានរង្វាន់បាល់ទាត់ពិភពលោក FIFA World Cup នឹងក្លាចជាចំណែកមួយក្នុងការជំរុញវិស័យកីឡាបាល់ទាត់កម្ពុជា ក៏ដូចជាផ្តល់នូវកម្លាំងចិត្តដល់កីឡាករ យុវជន និងសាធារណជនជាអ្នកស្នេហា និងគាំទ្រវិ័ស័យកីឡាទាំងអស់ ក្នុងការបន្តលើកកម្ពស់វិស័យនេះឱ្យកាន់តែរីកចម្រើនបន្ថែមទៀត ជាពិសេសក្នុងដំណើរឆ្ពោះទៅកាន់ការរៀបចំព្រឹត្តិការណ៍កីឡាស៊ីហ្គេម ឆ្នាំ២០២៣ ដែលកម្ពុជាយើងជាម្ចាស់ផ្ទះ។ សូមជូនពរឱ្យកម្មវិធីដំណើរគោចរពាន់រង្វាន់ដ៏មានតម្លៃ និងអត្ថន័យនេះ ប្រព្រឹត្តទៅដោយរលូន និងជោគជ័យ។ ភាពជោគជ័យនៅពេលនេះ គឺជាមូលដ្នានមួយសម្រាប់ការសម្រេចជោគជ័យបន្តទៅថ្ងៃខាងមុខ។

នារសៀលថ្ងៃទី១៤ ខែមិថុនា ឆ្នាំ២០២២ នៅទីបញ្ជាការកងទ័ពជើងគោក នៃកងយោធពលខេមរភូមិន្ទ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលជួបសំណេះសំណាល និងពិភាក្សាការងារជាមួយ លោក Bertrand LORTHOLARY ប្រធាននាយកដ្ឋានអាស៊ី និងអូសេអានី នៃក្រសួងកិច្ចការអឺរ៉ុប និងការបរទេស នៃសាធារណរដ្ឋបារាំង ដែលបានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា។ ក្នុងជំនួបនេះ មេបញ្ជាការកងទ័ពជើងគោកកម្ពុជា បានលើកឡើងអំពីចំណងមិត្តភាពជាប្រវត្តិសាស្ត្ររវាងប្រទេសទាំងពីរ ដោយរក្សាបាននូវកិច្ចសហប្រតិបត្តិល្អលើគ្រប់វិស័យ និងបានថ្លែងអំណរគុណចំពោះប្រទេសបារាំង និងប្រជាជនបារាំង ដែលកន្លងមកតែងបានគាំទ្រជួយជ្រោមជ្រែងកម្ពុជា ទាំងក្នុងដំណាក់កាលស្វែងរកសន្តិភាព និងក្នុងដំណើរការកសាងអភិវឌ្ឍប្រទេស ហើយនៅក្នុងស្ថានភាពវិបត្តិនៃជំងឺកូវីដ-១៩ កន្លងមកនេះ ប្រទេសបារាំងក៏បានជួយដល់កម្ពុជាក្នុងប្រយុទ្ធទប់ស្កាត់ការរីករាលដាលនៃជំងឺដ៏កាចសាហាវនេះ តាមរយៈការឧបត្ថម្ភជាថវិកាដល់វិទ្យាស្ថានប៉ាស្ទ័រកម្ពុជា ដែលជាស្ថាប័នស្រាវជ្រាវដ៏សំខាន់មួយនៅក្នុងកិច្ចការប្រយុទ្ធនឹងជំងឺកូវីដ-១៩។ ជាមួយគ្នានេះ នៅក្នុងវិស័យការពារជាតិវិញ កងទ័ពបារាំងក៏បានដើរតួនាទីយ៉ាងសំខាន់ ក្នុងការបណ្តុះបណ្តាល និងការកសាងសមត្ថភាពយោធិនកម្ពុជានៅសាលានាយទាហានសកម្មត្មាតពង និងមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម (NPMEC)។ ជាការឆ្លើយតប លោក Bertrand LORTHOLARY បានថ្លែងអំពីមនោសញ្ចេតនា និងចំណងផ្សារភ្ជាប់ដ៏ជិតស្និទ្ធរបស់លោកជាមួយនឹងប្រទេសកម្ពុជា ខណៈដែលលោកធ្លាប់ជាកម្លាំងថែរក្សាសន្តិភាពរបស់ប្រទេសបារាំង ដែលបំពេញបេសកកម្មនៅកម្ពុជាកាលពី ៣០ ឆ្នាំមុន […]

នារសៀលថ្ងៃទី១៤ ខែមិថុនា ឆ្នាំ២០២២ នៅទីបញ្ជាការកងទ័ពជើងគោក ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអនុញ្ញាតឱ្យឧត្តមសេនីយ៍ត្រី Mohamad Masudur Rahman អនុព័ន្ធយោធានៃសាធារណរដ្ឋប្រជាមានិតបង់ក្លាដែស ទទួលបន្ទុកកម្ពុជា ដែលមាននិវេសនដ្ឋាននៅទីក្រុងយ៉ាងហ្គូន ចូលជួបសំណេះសំណាលណែនាំខ្លួន និងពិភាក្សាការងារ។ ក្នុងជំនួបនេះ មេបញ្ជាការកងទ័ពជើងគោកកម្ពុជា បានរំឭកអំពីចំណងមិត្តភាពយូរលង់កម្ពុជា-បង់ក្លាដែស ចាប់តាំងពីឆ្នាំ១៩៧៣ និងការភ្ជាប់ទំនាក់ទំនងការទូតផ្លូវការក្នុងឆ្នាំ១៩៩៣ ដែលពេលនោះបង់ក្លាដែស ក៏បានបញ្ជូនកងកម្លាំងមួកខៀវមកបំពេញបេសកកម្មថែរក្សាសន្តិភាពនៅកម្ពុជា ហើយរហូតមកទល់ពេលនេះ ប្រទេសទាំងពីរនៅរក្សាបាននូវកិច្ចសហប្រតិបត្តិការល្អក្នុងវិស័យសក្តានុពលសំខាន់ៗជាច្រើន រួមមានជាអាទិ៍ ការបណ្តុះបណ្តាលធនធានមនុស្ស, ការអភិវឌ្ឍជនបទ, វិស័យទេសចរណ៍ និងកសិកម្ម ជាដើម។ ចំពោះវិស័យយោធា ថ្វីត្បិតតែកិច្ចសហប្រតិបត្តិការក្នុងផ្នែកនេះនៅមានកម្រិតតិចតួច ប៉ុន្តែក្នុងអនាគតខាងមុខ គឺអ្វីៗនឹងមានភាពប្រសើរឡើង ដោយសារក្រសួងការពារជាតិនៃប្រទេសទាំងពីរ គ្រោងនឹងចុះហត្ថលេខារួមគ្នាលើអនុស្សារណៈនៃការយោគយល់ទ្វេភាគី ដើម្បីជាការបើកច្រកឱ្យមានកិច្ចសហប្រតិបត្តិការកាន់តែទូលំទូលាយ។ ជាការឆ្លើយតប លោកអនុព័ន្ធយោធាបង់ក្លាដែស បានបង្ហាញនូវក្តីរីករាយចំពោះការបំពេញតួនាទីក្នុងមុខតំណែងជាអនុព័ន្ធយោធា ទទួលបន្ទុកប្រទេសកម្ពុជា ដោយបានគូសបញ្ជាក់អំពីការរំពឹងទុកខ្ពស់ និងការប្តេជ្ញាចិត្តខិតខំប្រឹងប្រែងសំដៅធ្វើយ៉ាងជំរុញ និងលើកកម្ពស់កិច្ចសហប្រតិបត្តិការយោធាទ្វេភាគីកម្ពុជា-បង់ក្លាដែស ឱ្យមានកម្រិតឈានឡើង ស្របតាមសុឆន្ទៈ និងគោលការណ៍របស់ថ្នាក់ដឹកនាំកងទ័ពនៃប្រទេសបង់ក្លាដែស ដែលបានផ្តល់សារៈសំខាន់ចំពោះចំណងមិត្តភាពជិតស្និទ្ធ និងកិច្ចសហប្រតិបត្តិការល្អជាមួយកងទ័ពកម្ពុជា។ នារសៀលថ្ងៃទី១៤ ខែមិថុនា […]

សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី១៣ ខែមិថុនា ឆ្នាំ២០២២នេះ បានប្រកាសថា នៅឆ្នាំ២០២២នេះ រាជរដ្ឋាភិបាលបានគិតគូរពីការដំឡើងប្រាក់បៀវត្ស ជូនដល់មន្រ្តីរាជការ កងកម្លាំងប្រដាប់អាវុធគ្រប់ប្រភេទ បន្ទាប់ពីខកខានអស់រយៈពេល ២ឆ្នាំដោយសារតែវិបត្តិកូវីដ-១៩។ សម្តេចតេជោ ហ៊ុន សែន បានបញ្ជាក់ថា អ្នកដែលមានប្រាក់បៀវត្សទាបនឹងត្រូវដំឡើងបានច្រើន រីឯអ្នកមានបៀវត្សខ្ពស់ ដំឡើងបានតិច។ លើសពីនេះ ពិដានពន្ធលើប្រាក់បៀវត្ស ក៏ត្រូវបានដំឡើងផងដែរ ដើម្បីជួយសម្រួលដល់មន្រ្តីរាជការ។ សម្តេចតេជោ​បញ្ជាក់​ថា ​ការ​ឡើង​នោះ គឺផ្តល់អាទិភាពដល់គ្រូបង្រៀន និងគ្រូពេទ្យ យ៉ាង​ហោច​ណាស់​បាន​ចំនួន ១.៥០០.០០០ រៀល​ក្នុង​មួយខែ ហើយការដំឡើងផ្សេងៗទៀតនោះ គឺ​ធ្វើ​តាម​របៀប​ផ្សេង ដោយ​អ្នក​ប្រើ​ខែ​ច្រើន​ឡើង​កម្រិត​ណាមួ​យ, អ្នកប្រាក់ខែតិច ឡើងកម្រិតណាមួយ ដើម្បីឱ្យសមតុល្យនឹងគ្នា។ បើតាមសម្តេចនាយករដ្ឋមន្ត្រី ការគិតគូរដំឡើងប្រាក់បៀវត្សនេះ ដោយសារតែរដ្ឋបានសន្សំថវិកាមួយចំនួនពីការកាត់បន្ថយចំណាយនានាដែលមិនចាំបាច់ ពិសេសរដ្ឋលែងសូវចំណាយលើឧបករណ៍តេស្តរហ័សរកជំងឺកូវីដ១៩ ជាដើម៕

លទ្ធផលបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ កាលពីថ្ងៃទី៥ ខែមិថុនាកន្លងទៅ ទោះបីជាមិនទាន់ផ្លូវការ បានបង្ហាញថាគណបក្សប្រជាជនកម្ពុជាឈ្នះភ្លូកទឹកភ្លូកដី និងដឹកនាំជាមេឃុំចៅសង្កាត់ចំនួន១៦៤៨ ឃុំសង្កាត់នៅកម្ពុជា ខណៈគណបក្សភ្លើងទៀនដែលមានទណ្ឌិត សម រង្ស៊ី និងគូកនជួយឃោសនាដោយខុសច្បាប់ និងកុហកអ្នកគាំទ្រខ្លួនថា គណបក្សភ្លើងទៀននិងខ្មោចគណបក្សសង្គ្រោះជាតិគឺតែមួយ ឬថាគណបក្សភ្លើងទៀនជាដួងព្រលឹងរបស់ខ្មោចគណបក្សសង្គ្រោះជាតិ បានចាញ់ការបោះឆ្នោតនេះ។ ការចាញ់ឆ្នោតរបស់បក្សភ្លើងទៀនក៏បានបង្ហាញថាប្រជាប្រិយភាព ទណ្ឌិត សម រង្ស៊ី បានធ្លាក់ចុះយ៉ាងគំហុក និងគ្មានសង្ឃឹមនឹងស្រោចស្រង់បានឡើយ។ លទ្ធផលនេះក៏បានធ្វើឱ្យទណ្ឌិត សម រង្ស៊ី និងបក្ខពួករបស់ខ្លួនដែលបានយកបក្សភ្លើងទៀនជាឈ្នាន់ដើម្បីជួយស្រោចស្រង់ សង្គ្រោះជីវិត នយោបាយដ៏លិចលង់របស់ខ្លួន ជួបនូវបរាជ័យសាជាថ្មីម្តងទៀត និងធ្វើឱ្យក្តីសង្ឃឹមរបស់ពួកគេបាត់បង់សាជាថ្មី និងរលាយខ្សុលដូចអំបិលត្រូវទឹក ខណៈគ្មានការគាំទ្រពីប្រជាពលរដ្ឋដូចពួកគេអួតអាង និងម្យ៉ាងអាយុរបស់អ្នកនយោបាយអង្ករកំប៉ុងទាំងនោះកាន់តែដល់វ័យជ្រេ និងគ្មានក្តីសង្ឃឹម នឹងស្រោចស្រង់ឡើងវិញបាន។ គេនៅចាំថាមុនពេលបោះឆ្នោត សម រង្ស៊ី ដែលតែងតែបោកប្រាស់ប្រជាពលរដ្ឋលើរឿងវិលត្រឡប់ចូលមកកម្ពុជាវិញដើម្បីប្រមូលស្រោមសំបុត្រនោះ ប្រកាសថាស្ថានការណ៍នយោបាយ នឹងប្រែប្រួលថ្មី ហើយខ្លួននឹងអាចវិលចូលស្រុកវិញ ក្រោយការបោះឆ្នោតរួច។ ហេតុដូច្នះបានជាពលរដ្ឋខ្មែរទូទៅដឹងថា ការជាន់ទូក ២ របស់សម រង្ស៊ី ដែលភ្ជាប់ខ្លួននឹងគណបក្សភ្លើងទៀនផង និងកាន់តំណែងជាប្រធានស្តីទីខ្មោចគណបក្សសង្គ្រោះផង គ្មានអ្វីក្រៅពីបំពេញមហិច្ឆតានយោបាយសម្រាប់ជួយខ្លួននោះទេ។ តើអ្វីដែលជាសេណារីយ៉ូបន្ទាប់របស់ សម រង្ស៊ី ក្រោយគណបក្សភ្លើងទៀនបរាជ័យក្នុងការបោះឆ្នោត? ទណ្ឌិត […]

 ដែលជាការធ្វើទំនើបកម្មសម្រាប់វិស័យកងទ័ពជើងទឹកកម្ពុជា មានប្រសាសន៍ថា ព្រះរាជាណាចក្រកម្ពុជាមិនចងសម្ព័ន្ធយោធា ឬចូលក្នុងកិច្ចព្រមព្រៀងយោធាណាមួយ ដែលមិនស្របនឹងអព្យាក្រឹតភាពរបស់ខ្លួនឡើយ។ * ព្រះរាជាណាចក្រកម្ពុជាមិនអនុញ្ញាតឱ្យមានមូលដ្ឋានយោធាបរទេសនៅលើទឹកដីរបស់ខ្លួន ហើយក៏មិនអនុញ្ញាតឱ្យមានមូលដ្ឋានយោធារបស់ខ្លួននៅបរទេសដែរ លើកលែងតែក្នុងក្រប-ខ័ ណ្ឌនៃសំណូមពររបស់អង្គការសហប្រជាជាតិ។ * ព្រះរាជាណាចក្រកម្ពុជារក្សាសិទ្ធិទទួលយកជំនួយបរទេសជាសម្ភារៈយោធា អាវុធ គ្រាប់រំសេវ ការហ្វឹកហ្វឺនកងកម្លាំងប្រដាប់អាវុធ និងជំនួយផ្សេងៗទៀត ដើម្បីការពារខ្លួននិងធានា សណ្តាប់ធ្នាប់ និងសន្តិសុខសាធារណៈនៅផ្ទៃក្នុងប្រទេស៕

ការចាប់ខ្លួនជនសង្ស័យទាំងពីរនាក់នេះ បានធ្វើឡើងកាលពី ថ្ងៃទី៧ ខែ មិថុនា ឆ្នាំ២០២២។ ករណីបំផ្ទុះនេះ មិនបណ្តាលឲ្យមានអ្នករងរបួស និងខូចខាតទ្រព្យសម្បត្តិនោះទេ។ សមត្ថកិច្ចបានឲ្យដឹងថា ជនសង្ស័យទី១៖ ឈ្មោះ សេង សុកន អាយុ ១៨ឆ្នាំ នៅប្រទេសថៃ ស្នាក់នៅផ្ទះជួលសង្កាត់ថ្វាយដង្គំ និងទី២៖ ឈ្មោះ រ៉ន ដារ៉ុង អាយុ២០ឆ្នាំ ជាសិស្សរៀនជួសជុលម៉ូតូ ស្រុកកំណើតនៅស្រុកសូត្រនិគម ខេត្តសៀមរាប ស្នាក់នៅផ្ទះជួលក្នុងភូមិសាលាកម្រើក សង្កាត់សាលាកម្រើក ក្រុងសៀមរាប។

ភ្នំពេញ​ :​ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បាន សម្តែងការអបអរសាទរយ៉ាងកក់ក្តៅជូនចំពោះលោកជំទាវ Penny Wong ដែលត្រូវបានតែងតាំង ជារដ្ឋមន្ត្រីការបរទេសអូស្ត្រាលី នៅក្នុងជំនួបសន្ទនាតាមទូរស័ព្ទ កាលពីថ្ងៃទី០៧ ខែមិថុនា ឆ្នាំ២០២២។ ឯកឧត្តមឧបនាយករដ្ឋមន្ត្រី បានកោតសរសើរចំពោះគំនិតផ្តួចផ្តើមរបស់សមភាគី អូស្រ្តាលីរបស់ឯកឧត្តម ឱ្យមានជំនួបតាមទូរស័ព្ទនាពេលនេះ បន្ទាប់ពីលោកជំទាវបានចូលកាន់ ដំណែងភ្លាម ដែលការណ៍នេះបានឆ្លុះបញ្ចាំងអំពីសារសំខាន់នៃទំនាក់ទំនងទ្វេភាគី ខណៈពេល ដែលប្រទេសទាំងពីរកំពុងប្រារព្ធខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូត។ លោកជំទាវ Penny Wong បានកើតសរសើរចំពោះកិច្ចខិតខំប្រឹងប្រែងរបស់ សម្តេចតេជោ នាយករដ្ឋមន្រ្តី ហ៊ុន សែន ក្នុងឋានៈជាប្រធានអាស៊ាននៅក្នុងឆ្នាំនេះ និងចំពោះ ឯកឧត្តម ឧបនាយករដ្ឋមន្រ្តី ប្រាក់ សុខុន ជាប្រេសិតពិសេសរបស់ប្រធានអាស៊ាន ក្នុងការជំរុញការអនុវត្តការ ព្រមព្រៀងជាឯកច្ឆន្ទប្រាំចំណុច (5PC) ស្តីពីមីយ៉ាន់ម៉ា និងបានអះអាងអំពីការគាំទ្ររបស់ អូស្រ្តាលី សម្រាប់ភាពជាប្រធានអាស៊ានរបស់កម្ពុជា ឆ្នាំ២០២២។ ឆ្លើយតបចំពោះការសាកសួររបស់លោកជំទាវរដ្ឋមន្ត្រីការបរទេស Penny Wong ជុំវិញព័ត៌មានថ្មីៗ […]

ឧត្តរមានជ័យ៖ ឯកឧត្តម គន់ គីម សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តឧត្ដរមានជ័យ បានដឹកនាំកិច្ចប្រជុំបូកសរុបលទ្ធផលបឋមនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ នៅថ្ងៃទី៦ ខែមិថុនា ឆ្នាំ២០២២។ ឯកឧត្តម គន់ គីម បានកោតសសើរ និងវាយតម្លៃខ្ពស់ចំពោះថ្នាក់ដឹកនាំក្រុមការងារ និងថ្នាក់ដឹកនាំគណបក្សគ្រប់លំដាប់ថ្នាក់ នៃខេត្តឧត្តរមានជ័យ ដែលបានខិតខំយកអស់កម្លាំងកាយ និងស្មារតីចូលរួមថែរក្សាសន្តិសុខ សណ្តាប់ធ្នាប់ សាធារណៈ និងសុវត្ថិភាពសង្គម បានល្អប្រសើរនៅគ្រប់ដំណាក់កាលនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ជាពិសេសការដណ្តើមបានជោគជ័យជាទីពេញចិត្តជូនគណបក្សប្រជាជនកម្ពុជា។ ឯកឧត្តម គន់ គីម ក៏បានថ្លែងអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែង និងការយកចិត្តទុកដាក់បំពេញ ភារកិច្ចប្រកបដោយការទទួលខុសត្រូវខ្ពស់ពីសំណាក់ថ្នាក់ដឹកនាំក្រុមការងារ និងថ្នាក់ដឹកនាំគណបក្ស គ្រប់ថ្នាក់ នៃខេត្តឧត្តរមានជ័យ ព្រមទាំងសមាជិក សមាជិកា និងសកម្មជនទាំងអស់ ដែលបានចូលរួមយ៉ាងផុលផុសក្នុងការផ្សព្វផ្សាយ និងបញ្ជ្រាបគោលនយោបាយគណបក្ស ទៅដល់ប្រជាពលរដ្ឋគ្រប់មជ្ឈដ្ឋាននៅទូទាំងខេត្តបានយល់ដឹង និងជ្រួតជ្រាបរហូតទទួលបានការគាំទ្រក្នុងការបន្តបេសកកម្មដឹកនាំមូលដ្ឋានឃុំ-សង្កាត់ សម្រាប់អាណត្តិទី៥បន្តទៀត។ ឯកឧត្តម គន់ គីម ថ្លែងបន្តថា ជ័យជម្នះដ៏គួរឱ្យកោតសរសើរនេះ ពិតជាមិនអាចកាត់ផ្តាច់បានពីការចូលរួមចំណែកយ៉ាងសំខាន់ពីថ្នាក់ដឹកនាំ សមាជិក សមាជិកា និងសកម្មជនគណបក្ស ដែលបានលះបង់ពេលវេលា និងធនធានចូលរួមគាំទ្រដល់បុព្វហេតុរបស់គណបក្សប្រជាជនកម្ពុជា […]

ការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់អាណត្តិទី៥ នាថ្ងៃទី៥ ខែមិថុនា ឆ្នាំ២០២២ បានបិទបញ្ចប់ក្រោមបរិយាកាសល្អប្រសើរ គ្មានអំពើហិង្សា គ្មានការគំរាមកំហែង និងគៀបសង្កត់ណាមួយឡើយ។ ប្រជាពលរដ្ឋដែលមានឈ្មោះក្នុងបញ្ជីបោះឆ្នោតចំនួន ៧៧,៩១% បានអញ្ជើញទៅបោះឆ្នោត ដោយក្តីសប្បាយរីករាយ និងបានធ្វើការសម្រេចចិត្តក្នុងបន្ទប់សម្ងាត់ដើម្បីជ្រើសរើសគណបក្សនិងបេក្ខជនដែលខ្លួនស្រឡាញ់ពេញចិត្ត និង ជឿជាក់សម្រាប់ការដឹកនាំ គ្រប់គ្រង ផ្តល់សេវានិងបម្រើប្រជាពលរដ្ឋ អភិវឌ្ឍន៍ឃុំសង្កាត់របស់ខ្លួន។ លទ្ធផលបឋម បង្ហាញថាគណបក្សប្រជាជនកម្ពុជាបានឈ្នះដាច់នៅទាំង ២៥ ខេត្តរាជធានីនៃប្រទេសកម្ពុជា។ ចំណែកអ្នកសង្កេតការណ៍ជាតិនិងអន្តរជាតិ ក៏បានអះអាងថាដំណើរការបោះឆ្នោតក្រុមប្រឹក្សាឃុំសង្កាត់មានភាពសេរី យុត្តិធម៌ និងត្រឹមត្រូវ និងប្រព្រឹត្តទៅក្រោមបរិយាកាសល្អប្រសើរ គ្មានការគំរាមកំហែង និងអំពើហិង្សាណាមួយឡើយ។ គណបក្សមួយចំនួនដូចជាគណបក្សយុវជនកម្ពុជា គណបក្សខ្មែរតែមួយ គណបក្សសញ្ជាតិកម្ពុជា គណបក្សខ្មែររួបរួមជាតិ បានចេញសេចក្តីថ្លែងការណ៍ជាបន្តបន្ទាប់ថា ការបោះឆ្នោតមានលក្ខណៈសេរី ត្រឹមត្រូវ យុត្តិធម៌ និងគ្មានការគំរាមកំហែងទេ។ ​ប៉ុន្តែសម្រាប់គណបក្សភ្លើងទៀនដែលមានទណ្ឌិត សម រង្ស៊ី នៅបញ្ជាពីក្រោយថ្នាក់ដឹកនាំបក្សនេះរួមមាន ទាវ វណ្ណុល ស៊ុន ឆ័យ ​និងថាច់ សេដ្ឋា និងអង្គការសង្គមស៊ីវិលអព្យាក្រឹត្យបែបលម្អៀងមួយចំនួនដូចជាអង្គការលីកាដូ និងអង្គការអាដហុក អង្គការខុមហ្វ្រែល បាននិងកំពុងតែព្យាយាមឡាំប៉ា ប្រើប្រាស់ល្បិចកលទុច្ចរិតនានាដើម្បីបំភ្លៃនិងបំភ័ន្តសាធារណមតិថាដំណើរការបោះឆ្នោតក្រុមប្រឹក្សាឃុំសង្កាត់អាណត្តិទី៥ មិនសេរី មិនយុត្តិធម៌ […]

នារសៀលថ្ងៃទី០២ ខែមិថុនា ឆ្នាំ២០២២ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឱ្យ ឯកឧត្ដម Christian Berger ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសហព័ន្ធអាល្លឺម៉ង់ និងសហការី ចូលជួបសម្ដែងការគួរសម និងជម្រាបលាក្រោយបញ្ចប់បេសកកម្មនៅព្រះរាជាណាចក្រកម្ពុជា នាពេលឆាប់ៗខាងមុខ។ ជាកិច្ចចាប់ផ្ដើម សម្ដេចក្រឡាហោម ស ខេង បានសម្តែងនូវការស្វាគមន៍ ព្រមទាំងកោតសរសើរចំពោះការបំពេញការងាររបស់ឯកឧត្តម ឯកអគ្គរដ្ឋទូត ដែលឯកឧត្តមបានខិតខំអស់ពីលទ្ធភាពជួយគាំទ្រដល់បុព្វហេតុនៃការអភិវឌ្ឍន៍ប្រទេសកម្ពុជា ព្រមទាំងបានដើរតួនាទីយ៉ាងសកម្ម ក្នុងការរួមចំណែកបន្តពង្រឹង និងពង្រីកទំនាក់ទំនង កិច្ចសហប្រតិបត្តិការរវាងប្រទេសទាំងពីរ។ ជាមួយគ្នានេះ សម្តេចក្រឡាហោម បានរំលឹកផងដែរថា ក្នុងអាណត្តិការទូតរបស់ឯកឧត្តមនៅកម្ពុជា ពិតជាមានទំនាក់ទំនងការងារជាមួយគ្នាយ៉ាងល្អប្រសើរ ព្រមទាំងមានអនុស្សាវរីយ៍ជាមួយគ្នាយ៉ាងច្រើនពាក់ព័ន្ធជាមួយនិងទស្សនកិច្ចសិក្សា និងការចុះទៅកាន់មូលដ្ឋាននានាដើម្បីពិនិត្យការងារពាក់ព័ន្ធដែលគាំទ្រដោយសាធារណរដ្ឋសហព័ន្ធអាល្លឺម៉ង ក៏ដូចជាដៃគូមកពីប្រទេសនានានៃសហភាពអ៊ឺរ៉ុប។ ក្នុងឱកាសនេះដែរ សម្តេចក្រឡាហោម បានបង្ហាញក្តីសង្ឃឹម និងជឿជាក់ថា តាមរយៈការពិភាក្សា និងការធ្វើទស្សនកិច្ចជាមួយគ្នាកន្លងមក រាល់កិច្ចការងារនឹងក្លាយជាការអនុវត្តជាក់ស្តែង ជាពិសេសការងារកំណែទម្រង់វិមជ្ឈការ និងវិសហមជ្ឈការ ដោយការងារនេះពិតជាមានសារៈសំខាន់ដែលរដ្ឋាភិបាលកម្ពុជាបានខិតខំពុះពារ និងប្រឹងប្រែងនាពេលកន្លងមក។ ជាការឆ្លើយតប ឯកឧត្តម ឯកអគ្គរដ្ឋទូត បានវាយតម្លៃខ្ពស់ចំពោះប្រសាសន៍លើកឡើងរបស់សម្តេចក្រឡាហោម ក្នុងនោះ […]

នៅព្រលប់ថ្ងៃទី០១ ខែមិថុនា ឆ្នាំ២០២២នេះ ហ្វេសបុកឈ្មោះ «Khmer Overseas» បានទម្លាយរូបភាពជាច្រើនសន្លឹក ដែលលោក ក្រវ៉ាញ ដារ៉ន ប្រធានគណបក្សខ្មែរឈប់ក្រ បានលួចជួបស្ងាត់ៗជាមួយ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោក ហ៊ុន ម៉ាណែត នៅទីក្រុងប្រ៊ុយសែល ប្រទេសប៊ែលហ្សិក។ ហ្វេសបុកនេះបានរៀបរាប់ទាំងស្រុងថា៖ Brussels ថ្ងៃទី01/06/2022 ព្រឹកមិញ ខ្ញុំបើកស្តាប់វិទ្យុអាមេរីកនិយាយភាសាខ្មែរហើយចង់តែសើចព្រោះអ្នកនយោបាយ និងអ្នកគាំទ្របក្ស នយោបាយនានា ចេះតែភ្លេចសម្តីមួយឃ្លារបស់ លោកនាយករដ្ធមន្ត្រី ហ៊ុន សែន ដែលគាត់តែងតែរំលឹកដាស់តឿនជារឿយៗ នោះគឺ «មេមាន់បណ្តើរកូនទា»។ បើតាមការនិយាយរបស់ លោក ក្រវ៉ាញ ដារ៉ន ប្រធានគណបក្សខ្មែរឈប់ក្រ អំពីមូលហេតុដែល គាត់ធ្វើពហិកាមិនចូលរួមបោះឆ្នោតឃុំ-សង្កាត់នៅថ្ងៃ ទី៥ មិថុនា ២០២២ ខាងមុខនេះ គឺគាត់បានចោទប្រកាន់គ្រប់បែបយ៉ាងមកលើរដ្ឋាភិបាលភ្នំពេញ ជាពិសេស គឺការទិតៀនមកលើលោក ហ៊ុន សែន ថាជាជនផ្តាច់ការបិទសិទ្ធិ សេរីភាព ។ល។ ប៉ុន្តែមានរឿងមួយដែលគ្មានអ្នកណាដឹងទេថា […]

សម្តេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី៣១ ខែឧសភា ឆ្នាំ២០២២នេះ បានបង្ហាញរូបថតរបស់សម្តេចមួយសន្លឹកដែលប្រទះឃើញក្នុងបណ្តាញទំនាក់ទំនងសង្គម និងពិព័ណ៌នាថា រូបនេះ គឺស្ថិតក្នុងដំណាក់កាលអនុវត្តនយោបាយឈ្នះឈ្នះ ចន្លោះឆ្នាំ១៩៩៤-១៩៩ ដែលនៅពេលនោះ ដេក ដើរ ឈរ អង្គុយ គឺសម្តេចគិតចង់បានសន្តិភាពដើម្បីមានឱកាសកសាងប្រទេស។ សម្តេចថា ពេលនេះ សន្តិភាពមានហើយ យើងត្រូវរួមគ្នាថែរក្សាការពារ កុំចាំ​ដល់ប្រទេសមានសង្គ្រាមទើបស្រែកថា ស្រឡាញ់សន្តិភាព។ តាមរយៈទំព័រហ្វេសប៊ុកសម្តេចតេជោ ហ៊ុន សែន នាយករដ្ឋមន្ត្រី បានសរសេររៀបរាប់យ៉ាងដូច្នេះថា៖ រូបថតមួយសន្លឹកនេះ ខ្លួនខ្ញុំក៏មិនដែលបានឃើញដែរ ទើបតែថ្ងៃនេះប្រទះឃើញតាមបណ្តាញទំនាក់ទំនងសង្គម។ តាមពិនិត្យ វ៉ែនតានេះពាក់ក្នុងចន្លោះឆ្នាំ១៩៩៤ ដល់ដើមឆ្នាំ១៩៩៩ ដែលជាដំណាក់កាលអនុវត្តន៍នយោបាយឈ្នះឈ្នះ។ ពេលនោះដេក ដើរ ឈរ អង្គុយ នឹកគិតចង់បានសន្តិភាពដើម្បីមានឱកាសកសាងប្រទេស។ ទឹកមុខខ្ញុំនោះកំពុងគិតទៅឆ្ងាយដែលមិនមានអ្នកណាអាចស្មានត្រូវនោះឡើយ។ ពេលនេះសន្តិភាពមានហើយត្រូវរួមគ្នាការពារកុំឱយបាត់បង់ទៅវិញ។ សូមកុំឱ្យក្មេងជំនាន់ក្រោយមានរឿងអកុសលដូចខ្លួនខ្ញុំ និងអ្នកជំនាន់មុនដែលប្រទេសមានសង្គ្រាមទើបខិតខំរកសន្តិភាព។ កុំចាំមានសង្គ្រាមទើបស្រែកថា ស្រឡាញ់សន្តិភាព គឺវាហួសពេលស្រោចស្រង់ដូចនៅអ៊ុយក្រែនអីចឹង៕

នៅព្រឹកថ្ងៃទី២៧ ខែឧសភាឆ្នាំ២០២២ នេះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញថ្លែងសុន្ទរកថា តាមប្រព័ន្ធអនឡាញ ក្នុងសន្និសីទអន្តរជាតិ លើកទី ២៧ ស្តីពី អនាគតរបស់អាស៊ីក្រោមមូលបទ «ការកំណត់ឡើងវិញនូវតួនាទីរបស់ទ្វីបអាស៊ី នៅក្នុងពិភពលោកដែលបែកខ្ញែក»។ ខាងក្រោមនេះគឺជាសុន្ទរកថាទាំងស្រុង របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

(ភ្នំពេញ)៖ នៅព្រឹកថ្ងៃសៅរ៍ ១៤រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៩ ខែឧសភា ឆ្នាំ២០២២នេះ សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ខេត្តព្រៃវែង និងបាត់ដំបង បានអញ្ជើញជួបសំណេះសំណាលជាមួយថ្នាក់ដឹកនាំ និងសមាជិក សមាជិការគណៈកម្មាធិការគណបក្សប្រជាជនកម្ពុជា គ.២៧ នៅវិមាន៧មករា នៃទីស្នាក់ការកណ្ដាលគណបក្សប្រជាជនកម្ពុជា។ ពិធីនេះ មានការអញ្ជើញចូលរួមពីឯកឧត្តម លោកជំទាវ អស់លោក លោកស្រី ជាថ្នាក់ដឹកនាំ និងសមាជិកគណៈកម្មាធិការ គ.២៧ គណៈសាខាបក្សចំណុះ គណៈចលនាយុវជនគណបក្ស គ.២៧ សមាជិក សមាជិការនៃគណៈកម្មាធិការគណបក្សប្រជាជនកម្ពុជា គ.២៧ ដែលមានតួនាចាប់ពីថ្នាក់ប្រធាននាយកដ្ឋានឡើង។ សម្ដេចក្រឡាហោម ស ខេង បានមានប្រសាសន៍វាយតម្លៃខ្ពស់ចំពោះថ្នាក់ដឹកនាំ និងសមាជិក សមាជិការគណៈកម្មាធិការគណបក្ស គ.២៧ ទាំងអស់ ដែលបានយកអស់កម្លាំងកាយ ចិត្តលះបង់ពេលវេលា ប្រាជ្ញាស្មារតី និងធធាន រួបរួមសាមគ្គីគ្នាចុះទៅបំពេញការងារគណបក្ស គ.២៧ ទាំងក្រុមការងារគណបក្ស ក្រុមការងាររាជរដ្ឋាភិបាល និងកិច្ចការស្នូលនៅអគ្គនាយកដ្ឋាន និងអង្គភាពនានានៅក្រសួងមហាផ្ទៃ៕

នៅរាត្រីថ្ងៃទី២១ ខែឧសភា ឆ្នាំ ២០២២ វេលាម៉ោង ២២:៣០ យប់(ម៉ោងនៅទីក្រុងភ្នំពេញប្រទេសកម្ពុជា) ត្រូវនឹងម៉ោង ៥:៣០នាទីរសៀល(ម៉ោងនៅទីក្រុង Zurich ប្រទេសស្វីស) សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបជួបសំណេះសំណាលជាមួយប្រជាពលរដ្ឋខ្មែររស់នៅសហគមន៍អឺរ៉ុបប្រមាណ២១០០នាក់។ មុននឹងចាប់ផ្ដើមសំណេះសំណាលជាមួយបងប្អូនខ្មែរនៅសហគមន៍អឺរ៉ុប សម្តេចតេជោ ហ៊ុន សែន បាននាំយកនូវព្រះរាជបន្ទូលផ្តាំផ្ញើសាកសួរសុខទុក្ខរបស់ព្រះមហាក្សត្រ និងសម្តេចម៉ែ ជូនដល់ប្រជាពលរដ្ឋខ្មែរអស់ដែលបាននឹងកំពុងរស់នៅនៅអឺរ៉ុប។ សម្តេចតេជោនាយករដ្ឋមន្ត្រី បានថ្លែងអំណរគុណដល់ប្រជាពលរដ្ឋខ្មែរនៅអឺរ៉ុប ដែលបានផ្តល់ការគាំទ្រ គោរពស្រឡាញ់យ៉ាងជ្រាលជ្រៅចំពោះសម្តេច និងរាជរដ្ឋាភិបាលកម្ពុជាដែលដឹកនាំដោយសម្តេចផ្ទាល់។ សម្តេចតេជោ ហ៊ុន សែន បានមានប្រសាសន៍ថា កំណើនសេដ្ឋកិច្ចដ៏ល្អរបស់កម្ពុជា ត្រូវបានរងដោយវិបត្តិនៃជំងឺកូវីដ១៩ ដែលបានទាញទម្លាក់រហូតដល់ដក ២.៤ភាគរយ។ ទាក់ទងទៅនឹងស្ថានភាពនៃជំងឺកូវីដ១៩ នៅប្រទេសកម្ពុជា សម្ដេចតេជោបានប្រកាសថា នៅថ្ងៃនេះកម្ពុជាមិនមានការឆ្លងករណីថ្មីនៃជំងឺកូវីដ១៩នោះទេ ហើយនេះគឺជាថ្ងៃទី១៥ហើយ ដែលកម្ពុជាមិនមានឆ្លងជំងឺកូវីដ១៩ថ្មី ។សម្តេចតេជោ បានថ្លែងថា បើគ្មានជំងឺកូវីដ១៩ទេនោះ ប្រាក់សន្សំរបស់ជាតិ អាចឡើងដល់៥ពាន់លានដុល្លារអាមេរិកឯណោះ។ វិបត្តិកូវីដ១៩ បានធ្វើឱ្យប៉ះពាល់ដល់វិស័យសេវាកម្ម ពោលគឺវិស័យទេសចរណ៍គឺរងផលប៉ះពាល់ធ្ងន់ធ្ងរជាងគេ។ សម្តេចតេជោ ហ៊ុន សែន បានមានប្រសាសន៍រំលឹកថា ការដាក់ចេញវិធានការបិទខ្ទប់នៅភ្នំពេញ […]

ភ្នំពេញ ៖ នារសៀលថ្ងៃអង្គារ៍ ទី២៥ ខែមករា ឆ្នាំ២០២២ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអនុញ្ញាតឱ្យឯកឧត្តម Genesh Prasad Dhakal ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសនេប៉ាល់ ទើបតែងតាំងថ្មី ប្រចាំនៅព្រះរាជាណាចក្រកម្ពុជា ព្រមទាំងសហការី ចូលជួបសម្តែងការគួរសម និងពិភាក្សាការងារ។ ជាកិច្ចចាប់ផ្ដើម សម្ដេចក្រឡាហោម ស ខេង បានថ្លែងនូវការស្វាគមន៍យ៉ាងកក់ក្ដៅចំពោះ ឯកឧត្តម ដែលត្រូវបានតែងតាំងជា ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសនេប៉ាល់ ប្រចាំនៅព្រះរាជាណាចក្រកម្ពុជា។ សម្ដេចក្រឡាហោម បានមានប្រសាសន៍លើកឡើងថា មានមូលដ្ឋានសំខាន់ៗ ចំនួន២ ដែលជាការរួមចំណែកដល់ការពង្រឹងនូវទំនាក់ទំនងកិច្ចសហប្រតិបត្តិការរវាងប្រទេសទាំងពីរ កម្ពុជា-នេប៉ាល់ រួមមាន ៖ ទី១-ផ្អែកលើមូលដ្ឋាន នៃការផ្លាស់ប្ដូរទំនាក់ទំនងទស្សនកិច្ច ទៅវិញ ទៅមក រវាងថ្នាក់ដឹកនាំ នៃប្រទេសទាំងពីរ តាមរយៈការផ្លាស់ប្ដូរទស្សនកិច្ចនោះ ក៏នាំដល់ការចុះហត្ថលេខាលើឯកសារកិច្ចសហប្រតិបត្តិការលើវិស័យធំៗ ដូចជា ៖ វិស័យសេដ្ឋកិច្ច និងពាណិជ្ជកម្ម ជាដើម […]

មជ្ឈដ្ឋានជាតិនិងអន្តរជាតិបានវាយតម្លៃខ្ពស់ថាកិច្ចការការទូតដែលកម្ពុជាក្នុងនាមប្រធានអាស៊ានប្តូរវេនឆ្នាំ ២០២២ បានធ្វើតាមរយៈលទ្ធផលដ៏ត្រចះត្រចង់នៃដំណើរទស្សនកិច្ចរបស់សម្តេចតេជោ ហ៊ុន សែន នៅប្រទេសមីយ៉ាន់ម៉ា និងទទួលបានការបញ្ជាក់ពីការប្រកាសបទឈប់បាញ់គ្នារបស់រដ្ឋាភិបាលរហូតដល់ដំណាចឆ្នាំ ២០២២ គឺជាជោគជ័យផ្នែកការទូតមួយយ៉ាងសំខាន់ និងជាការត្រួសត្រាយផ្លូវឆ្ពោះទៅរកការផ្សះផ្សារជាតិ បង្រួបបង្រួមជាតិ និងកសាងមូលដ្ឋានគ្រឹះសន្តិភាពឡើងវិញនៅមីយ៉ាន់ម៉ា ក៏ដូចជាពង្រឹងសាមគ្គីភាព និងគោលការណ៍កុងសង់ ស៊ីសក៏ដូចជាគោលការណ៍អាស៊ាន ១០ ប្រទេស។ វាគឺជាដំណើរឆ្ពោះទៅយកប្រក្រតីភាពមកឱ្យមីយ៉ាន់ម៉ាវិញ ខណៈជម្លោះប្រដាប់អាវុធរវាងរដ្ឋាភិបាល និងភាគីជនជាតិដើមភាគតិចជាច្រើនក្នុងប្រទេសនេះកំពុងតែផ្ទុះឡើងក្រោយមានរដ្ឋប្រហារកាលពីដើមឆ្នាំ ២០២១។ លទ្ធផលនៃដំណើរទស្សនកិច្ច ២ ថ្ងៃជាមួយនឹងលទ្ធផលផ្លែផ្កាក៏ជាសារមួយយ៉ាងសំខាន់ឆ្លើយតបទៅនឹងមជ្ឈដ្ឋានមួយចំនួនដែលបានធ្វើបុរេវិនិច្ឆ័យថាដំណើរទស្សនកិច្ចនេះនឹងមិនទទួលលទ្ធផលអ្វីឡើយ ចំណែកក្រុមជនជាតិភូមា ដែលមានភក្តីភាពទៅលោកស្រី អ៊ុងសាន ស៊ូជី មួយចំនួន បានធ្វើបាតុកម្មប្រឆាំងវត្តមានសម្តេចតេជោនិងគណៈប្រតិភូនៅភូមា និងបានប្រើប្រាស់បច្ចេកវិទ្យាតាមចូលវាយប្រហារលើហ្វេសប៊ុកសម្តេចតេជោនាយករដ្ឋមន្ត្រីថែមទៀត។ តើនរណាជាអ្នកទទួលផលប្រយោជន៍ពិតប្រាកដពីដំណើរទស្សនកិច្ចការទូតលើកនេះ និងកិច្ចខិតខំប្រឹងប្រែងផ្នែកការទូតផ្សេងទៀតរបស់ប្រធានអាស៊ានឆ្នាំ២០២២ ជាមួយប្រទេសមីយ៉ាន់ម៉ា? អ្នកនយោបាយបរទេសខ្លះ រួមនឹងមជ្ឈដ្ឋានប្រឆាំងរបស់ភូមា និងក្រុមអមិត្តដែលស្រឡាញ់សង្គ្រាមនិងមានផលប្រយោជន៍ភូមិសាស្ត្រនយោបាយ បានធ្វើការប្រមាថ ចំពោះកិច្ចការការទូតរបស់សម្តេចតេជោ ហ៊ុន សែន ប៉ុន្តែអ្វីដែលសម្តេចតេជោនាយករដ្ឋមន្ត្រីបានធ្វើសុទ្ធតែ បានប្រឹក្សាយោបល់ជាមួយបណ្តាថ្នាក់ដឹកនាំមួយចំនួន របស់អាស៊ាន ហើយការចូលរួមដោះស្រាយវិបត្តិមីយ៉ាន់ម៉ានេះ កម្ពុជាគ្មានទទួលប្រយោជន៍អ្វីឡើយ តែជាទំនួលខុសត្រូវក្នុងនាមជាប្រធានអាស៊ាន និងមិនចង់ឃើញសោកនាដកម្មរបស់ប្រជាជនមីយ៉ាន់ម៉ាបន្តកើតមាន ពលរដ្ឋស៊ីវិល និងយោធាបន្តបាត់បង់ជីវិត ហើយប្រជាពលរដ្ឋជនភៀសខ្លួន និងជនងាយរងគ្រោះត្រូវរងទុក្ខ វេទនាដោយសារតែការខ្វះស្បៀងនិងថ្នាំសង្កូវសម្រាប់ព្យបាលជំងឺឡើយ។ ប្រសិនបើគ្មានដំណោះស្រាយលើ ចំណុចសំខាន់ […]

ក្នុងរយៈជាង ៣០ឆ្នាំមកនេះ ទណ្ឌិត សម រង្ស៊ី តែងតែប្រើនយោបាយទុច្ចរិត ប្រជាភិថុតិ ប្រជោនិយម បំភ្លៃ បំភាន់ ភូតកុហក មួលបង្កាច់ និងលាបពណ៌ជារៀងរហូតមក។ បច្ច័យដែលទទួលបានពីអំពើបែបនេះគឺគ្មានអ្វីក្រៅតែពីផលអាក្រក់ដែលជះមកលើខ្លួនឯងវិញនោះទេ ពោលគឺមិនខុសអ្វីពីអ្នក«បាចអង្កាមបញ្ច្រាសខ្យល់ ឬកាំបិតចិត្តដងឯង» នោះឡើយ។ ជាក់ស្តែង រាល់ទង្វើរបស់ទណ្ឌិត សម រង្ស៊ី តែងទទួលរងនូវការវាយបកពីសំណាក់លោកនាយករដ្ឋមន្ត្រី ហ៊ុន សែន ដែលធ្វើឲ្យអ្នកនយោបាយ«សម្តីឥតគ្រាប់» រូបនេះជួបនឹងបរាជ័យដ៏ជូរចត់ ងើបមុខមិនរួចជាបន្តបន្ទាប់។ ទោះជាយ៉ាងនេះក៏ដោយ ក៏ សម រង្ស៊ី មិនព្រមកែប្រែយុទ្ធសាស្ត្ររបស់ខ្លួនឡើយ គឺនៅតែមានៈបន្តប្រីប្រាស់ល្បែងនយោបាយដដែលៗតទៅទៀតជាមួយយុវជនដែលជាអ្នកបន្តវេនរបស់បក្សកាន់អំណាច ជាពិសេសគឺបណ្ឌិតហ៊ុន ម៉ាណែត។ «យុទ្ធសាស្ត្រដដែល លទ្ធផលក៏នៅតែដដែល»។ ជាក់ស្តែង ទណ្ឌិត សម រង្ស៊ី ស្ងាត់មាត់មិនហ៊ានឆ្លើយឆ្លងជាមួយលោក ហ៊ុន ម៉ាណែត ជុំវិញរឿងចោទប្រកាន់អំពី «សញ្ញាបត្រកំរិត២ ឬសញ្ញាបត្រយោគយល់» ដែលលោក ហ៊ុន ម៉ាណែត ទទួលបានពីសហរដ្ឋអាមេរិក និងចក្រភពអង់គ្លេសនោះឡើយ។ ភាពទ័លច្រកមិនហ៊ានហើបមាត់តទល់អំពីបញ្ហានេះក៏គ្មានអ្វីគួរឲ្យឆ្ងល់នោះទេពីព្រោះនរណាក៏ដឹងដែរថា អ្វីដែល សម […]